India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 14, 2024
+1 தேர்வில் 100/100 எடுத்த மாணவர்கள்
பதினொன்றாம் வகுப்பு பொதுத் தேர்வு முடிவுகள் சற்றுமுன் வெளியானது. அதில், கணினி அறிவியல் தேர்வில் 3432 மாணவர்கள் 100/100 மதிப்பெண்கள் எடுத்துள்ளனர். இயற்பியல் – 696, வேதியல் – 493, வணிகவியல் – 620, பொருளியல் – 741, கணக்குப் பதிவியல் – 415, கணிதம் – 779, தமிழ் – 8, ஆங்கிலம் – 13 ஆகியோர் 100/100 மதிப்பெண்கள் எடுத்துள்ளனர். ஏதேனும் ஒரு பாடத்தில் 100/100 எடுத்தோரின் எண்ணிக்கை 8418.
News May 14, 2024
BREAKING: +1 பொதுத்தேர்வு முடிவுகள் வெளியானது
தமிழ்நாட்டில் 11ம் வகுப்பு மாணவர்களுக்கான பொதுத்தேர்வு முடிவுகள் சற்றுமுன் வெளியாகியுள்ளது. தேர்வு எழுதிய மாணவர்கள் http://tnresults.nic.in, http://dge.tn.gov.in என்ற இணையதளங்களின் வாயிலாக தேர்வு முடிவுகளை அறிந்துக் கொள்ளலாம். மாணவர்கள் பதிவு செய்த செல்ஃபோன் எண்ணுக்கும் தேர்வு முடிவுகள் குறுஞ்செய்தியாக அனுப்பப்படும் என பள்ளிக்கல்வித்துறை அறிவித்துள்ளது.
News May 14, 2024
தமிழகத்தில் மின் நுகர்வு குறைகிறது
தமிழகம் முழுவதும் பரவலாக மழை பெய்து வருவதால் மின் நுகர்வு கணிசமாக குறைந்துள்ளது. கோடை வெயிலின் தாக்கம் அதிகம் இருந்ததால் ஏப்ரல் மாதத்தில் தினசரி மின் நுகர்வு 45 கோடி யூனிட்கள் வரை உயர்ந்தது. தற்போது மழை பெய்யத் தொடங்கியிருப்பதால் தினசரி மின் தேவை 36 கோடி யூனிட்களாக குறைந்துள்ளது. இதனால், இனி மின்வெட்டு இருக்காது என்று நம்பப்படுகிறது.
News May 14, 2024
Apply Now: நாளை கடைசி
உதவி அறுவை சிகிச்சை நிபுணருக்கான (Assistant Surgeon) 2,553 பணியிடங்களுக்கு விண்ணப்பிக்க, நாளையே கடைசி நாள் ஆகும். UGC அல்லது இந்திய மருத்துவ கவுன்சிலின் அங்கீகாரம் பெற்ற கல்வி நிலையத்தில் MBBS தேர்ச்சி பெற்றி விண்ணப்பதாரர்கள், www.mrb.tn.gov.in என்ற இணையதளத்தில் உடனே விண்ணப்பிக்கவும். தேர்வு செய்யப்படும் விண்ணப்பதாரர்களுக்கு, ₹56,100- ₹1,77,500 வரை சம்பளம் வழங்கப்படும் என தெரிவிக்கப்பட்டுள்ளது.
News May 14, 2024
நீதிமன்றத்தில் ஆஜராகிறார் இபிஎஸ்
அவதூறு வழக்கு விசாரணைக்காக சென்னை எழும்பூர் நீதிமன்றத்தில் அதிமுக பொதுச் செயலாளர் இபிஎஸ் ஆஜராகிறார். நாடாளுமன்றத் தேர்தலின்போது, தயாநிதி மாறன் தொகுதி மேம்பாட்டு நிதியை 75% பயன்படுத்தவில்லை உள்ளிட்ட பல்வேறு குற்றச்சாட்டுகளை இபிஎஸ் தெரிவித்தார். இதனையடுத்து, தனது நற்பெயருக்கு களங்கம் விளைவிக்கும் வகையில் அவரின் பேச்சு அமைந்துள்ளதாக தயாநிதி மாறன் தொடர்ந்த வழக்கில் இன்று ஆஜராகிறார்.
News May 14, 2024
OnThisDay: ஐபிஎல் வரலாற்றின் அதிகபட்ச பார்ட்னர்ஷிப்
2016ஆம் ஆண்டு இதே நாளில், ஐபிஎல் வரலாற்றின் அதிகபட்ச பார்ட்னர்ஷிப்பை 229(96) விராட் கோலியும், டிவில்லியர்ஸும் பதிவு செய்தனர். குஜராத் லயன்ஸுக்கு எதிரான இந்தப் போட்டியில், தொடக்க ஆட்டக்காரர் கிறிஸ் கெயில் 6 ரன்களில் ஆட்டமிழந்தார். பின்னர் ஜோடி சேர்ந்த கோலி-டிவில்லியர்ஸ் கூட்டணி, 15 Four, 20 Six என விளாசி எதிரணியை திணறடித்தனர். கோலி 109(55), டிவில்லியர்ஸ் 129*(52) ரன்கள் குவித்து அசத்தினர்.
News May 14, 2024
சில்லரை பணவீக்கம் சற்றே குறைந்தது
நாட்டில் சில்லரை பணவீக்கம் சற்றே குறைந்து 4.83 சதவீதமாக பதிவாகியுள்ளது. இது, கடந்த 11 மாதங்களில் இல்லாத அளவு குறைவு ஆகும். வெகுஜன மக்களை நேரடியாக பாதிக்கக்கூடிய சில்லரை பணவீக்கத்தை கட்டுக்குள் வைக்க ரிசர்வ் வங்கி போராடி வருகிறது. ஆனால், கொரோனாவுக்கு பின் உயர்ந்த பணவீக்கம், தற்போது படிப்படியாக குறைந்து வருகிறது. பணவீக்கத்தை 4 சதவீதத்துக்குள் கொண்டு வர இலக்கு நிர்ணயிக்கப்பட்டுள்ளது.
News May 14, 2024
காலை 10 மணி முதல் 4 மணி வரை ரெஸ்ட்
சென்னை மற்றும் மதுரையில் காலை 10 மணி முதல் மாலை 4 மணி வரை, திறந்தவெளி கட்டுமானப் பணிகளை மேற்கொள்ளக் கூடாது என்று தொழிலக பாதுகாப்பு இயக்ககம் உத்தரவிட்டுள்ளது. வெயில் தாக்கம் அதிகமாக இருப்பதால், தொழிலாளர்களின் உடல்நிலையைக் கருத்தில் கொண்டு மே மாத இறுதிவரை இந்த நடைமுறை அமலில் இருக்கும். தொழிலாளர்களின் உடல்நிலையை கருத்தில் கொண்டு தேவையான முன்னெச்சரிக்கை நடவடிக்கை எடுக்கவும் அறிவுறுத்தியுள்ளது.
News May 14, 2024
கடன் பிரச்னையால் குடும்பத்துடன் தற்கொலை
சென்னை மாதவரத்தில் சிறுதானிய வியாபாரம் செய்துவந்த ஜெகநாதனுக்கு (40) லோகேஷ்வரி (35) என்ற மனைவியும், காவியா (13) என்ற மகளும் இருந்தனர். கடன் அதிகமானதால் ஜெகநாதன் தனது மகளுக்கு பாலில் தூக்க மாத்திரை கலந்து கொடுத்து கயிறால் கழுத்தை இறுக்கி கொலை செய்திருக்கிறார். பின்னர், அவரும் லோகேஷ்வரியும் சேலையில் தூக்குப்போட்டு தற்கொலை செய்து கொண்டனர். இச்சம்பவம் அப்பகுதியில் அதிர்ச்சியை ஏற்படுத்தியுள்ளது.
News May 14, 2024
23 வயதில் பணக்காரரான மார்க் ஜூக்கர்பெர்க்
மெட்டா நிறுவனர் மார்க் ஜூக்கர்பெர்க், இன்று தனது 40ஆவது பிறந்தநாளை கொண்டாடுகிறார். கம்ப்யூட்டர் புரோகிராமிங்கில் கொண்ட ஆர்வத்தால், தனது நண்பர்களுடன் இணைந்து 2004இல் ஃபேஸ்புக் நிறுவனத்தைத் தொடங்கினார். அந்நிறுவனத்தின் அசுர வளர்ச்சியால் அவர், உலகின் டாப் 10 பணக்காரர்களுள் ஒருவரானார். இவரது வாழ்க்கையை மையமாக கொண்ட ‘தி சோஷியல் நெட்வொர்க்’ திரைப்படம், 2010இல் வெளியாகி பல அகாடமி விருதுகளை வென்றது.
Featured News
Sorry, no posts matched your criteria.