India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 14, 2024
நீதிமன்றத்தில் ஆஜராகிறார் இபிஎஸ்
அவதூறு வழக்கு விசாரணைக்காக சென்னை எழும்பூர் நீதிமன்றத்தில் அதிமுக பொதுச் செயலாளர் இபிஎஸ் ஆஜராகிறார். நாடாளுமன்றத் தேர்தலின்போது, தயாநிதி மாறன் தொகுதி மேம்பாட்டு நிதியை 75% பயன்படுத்தவில்லை உள்ளிட்ட பல்வேறு குற்றச்சாட்டுகளை இபிஎஸ் தெரிவித்தார். இதனையடுத்து, தனது நற்பெயருக்கு களங்கம் விளைவிக்கும் வகையில் அவரின் பேச்சு அமைந்துள்ளதாக தயாநிதி மாறன் தொடர்ந்த வழக்கில் இன்று ஆஜராகிறார்.
News May 14, 2024
OnThisDay: ஐபிஎல் வரலாற்றின் அதிகபட்ச பார்ட்னர்ஷிப்
2016ஆம் ஆண்டு இதே நாளில், ஐபிஎல் வரலாற்றின் அதிகபட்ச பார்ட்னர்ஷிப்பை 229(96) விராட் கோலியும், டிவில்லியர்ஸும் பதிவு செய்தனர். குஜராத் லயன்ஸுக்கு எதிரான இந்தப் போட்டியில், தொடக்க ஆட்டக்காரர் கிறிஸ் கெயில் 6 ரன்களில் ஆட்டமிழந்தார். பின்னர் ஜோடி சேர்ந்த கோலி-டிவில்லியர்ஸ் கூட்டணி, 15 Four, 20 Six என விளாசி எதிரணியை திணறடித்தனர். கோலி 109(55), டிவில்லியர்ஸ் 129*(52) ரன்கள் குவித்து அசத்தினர்.
News May 14, 2024
சில்லரை பணவீக்கம் சற்றே குறைந்தது
நாட்டில் சில்லரை பணவீக்கம் சற்றே குறைந்து 4.83 சதவீதமாக பதிவாகியுள்ளது. இது, கடந்த 11 மாதங்களில் இல்லாத அளவு குறைவு ஆகும். வெகுஜன மக்களை நேரடியாக பாதிக்கக்கூடிய சில்லரை பணவீக்கத்தை கட்டுக்குள் வைக்க ரிசர்வ் வங்கி போராடி வருகிறது. ஆனால், கொரோனாவுக்கு பின் உயர்ந்த பணவீக்கம், தற்போது படிப்படியாக குறைந்து வருகிறது. பணவீக்கத்தை 4 சதவீதத்துக்குள் கொண்டு வர இலக்கு நிர்ணயிக்கப்பட்டுள்ளது.
News May 14, 2024
காலை 10 மணி முதல் 4 மணி வரை ரெஸ்ட்
சென்னை மற்றும் மதுரையில் காலை 10 மணி முதல் மாலை 4 மணி வரை, திறந்தவெளி கட்டுமானப் பணிகளை மேற்கொள்ளக் கூடாது என்று தொழிலக பாதுகாப்பு இயக்ககம் உத்தரவிட்டுள்ளது. வெயில் தாக்கம் அதிகமாக இருப்பதால், தொழிலாளர்களின் உடல்நிலையைக் கருத்தில் கொண்டு மே மாத இறுதிவரை இந்த நடைமுறை அமலில் இருக்கும். தொழிலாளர்களின் உடல்நிலையை கருத்தில் கொண்டு தேவையான முன்னெச்சரிக்கை நடவடிக்கை எடுக்கவும் அறிவுறுத்தியுள்ளது.
News May 14, 2024
கடன் பிரச்னையால் குடும்பத்துடன் தற்கொலை
சென்னை மாதவரத்தில் சிறுதானிய வியாபாரம் செய்துவந்த ஜெகநாதனுக்கு (40) லோகேஷ்வரி (35) என்ற மனைவியும், காவியா (13) என்ற மகளும் இருந்தனர். கடன் அதிகமானதால் ஜெகநாதன் தனது மகளுக்கு பாலில் தூக்க மாத்திரை கலந்து கொடுத்து கயிறால் கழுத்தை இறுக்கி கொலை செய்திருக்கிறார். பின்னர், அவரும் லோகேஷ்வரியும் சேலையில் தூக்குப்போட்டு தற்கொலை செய்து கொண்டனர். இச்சம்பவம் அப்பகுதியில் அதிர்ச்சியை ஏற்படுத்தியுள்ளது.
News May 14, 2024
23 வயதில் பணக்காரரான மார்க் ஜூக்கர்பெர்க்
மெட்டா நிறுவனர் மார்க் ஜூக்கர்பெர்க், இன்று தனது 40ஆவது பிறந்தநாளை கொண்டாடுகிறார். கம்ப்யூட்டர் புரோகிராமிங்கில் கொண்ட ஆர்வத்தால், தனது நண்பர்களுடன் இணைந்து 2004இல் ஃபேஸ்புக் நிறுவனத்தைத் தொடங்கினார். அந்நிறுவனத்தின் அசுர வளர்ச்சியால் அவர், உலகின் டாப் 10 பணக்காரர்களுள் ஒருவரானார். இவரது வாழ்க்கையை மையமாக கொண்ட ‘தி சோஷியல் நெட்வொர்க்’ திரைப்படம், 2010இல் வெளியாகி பல அகாடமி விருதுகளை வென்றது.
News May 14, 2024
பலி எண்ணிக்கை 14ஆக உயர்வு
மும்பையில் ராட்சத பலகை விழுந்த விபத்தில் உயிரிழந்தோர் எண்ணிக்கை 14ஆக உயர்ந்துள்ளது. அங்கு நேற்று வீசிய புழுதிப் புயலில் 100 அடி உயர விளம்பரப் பலகை விழுந்து விபத்துக்குள்ளானது. அதில் சுமார் 100க்கும் அதிகமானோர் காயமடைந்தனர். நேற்று இரவு 8 பேர் உயிரிழந்ததாக தெரிவிக்கப்பட்ட நிலையில், இன்று காலை நிலவரப்படி 14 பேர் உயிரிழந்துள்ளனர். 70க்கு மேற்பட்டோர் மருத்துவமனையில் சிகிச்சை பெற்று வருகின்றனர்.
News May 14, 2024
‘Play Off’ டிக்கெட் விற்பனை இன்று தொடக்கம்
ஐபிஎல் தொடரின் ப்ளே-ஆஃப் சுற்றுகளுக்கான டிக்கெட் விற்பனை இன்று மாலை 6 மணிக்கு தொடங்க உள்ளது. ரூபே (RuPay) கார்டு வைத்திருப்பவர்கள், தகுதிச் சுற்று 1, எலிமினேட்டர், தகுதிச் சுற்று 2 ஆகியவற்றுக்கான டிக்கெட்டுகளை இன்றே பெற்றுக் கொள்ளலாம் என்றும், மற்றவர்கள் நாளை (மே 15) வாங்கலாம் என்றும் தெரிவிக்கப்பட்டுள்ளது. பேடிஎம் ஆப், பேடிஎம் இன்சைடர் மற்றும் www.insider.in என்ற இணையதளத்தில் பெற்றுக் கொள்ளலாம்.
News May 14, 2024
அமெரிக்காவில் ஏ.ஆர்.ரஹ்மானுக்கு பெருமை
ஆஸ்கர் விருதுகளை வழங்கும் அகாடமி நிறுவனம், அமெரிக்காவில் இசை பெருவிழாவை ஏற்பாடு செய்துள்ளது. உலகம் முழுவதிலும் இருந்து சிறந்த இசை தேர்வு செய்யப்பட்டு இந்த நிகழ்ச்சியில் ஒலிபரப்பப்படும். அதில் ஒலிபரப்ப இந்தியாவில் இருந்து லகான், RRR, ஸ்லம்டாக் மில்லினியர் படங்கள் தேர்வு செய்யப்பட்டுள்ளன. இதில், இரண்டு படங்களுக்கு ஏ.ஆர்.ரஹ்மான் இசையமைத்திருக்கிறார். RRR படத்திற்கு மட்டும் கீரவாணி இசையமைத்துள்ளார்.
News May 14, 2024
தொடங்குகிறது தென்மேற்கு பருவமழை
மே 19ஆம் தேதி முதல் அந்தமான் கடல் பகுதிகளில் தென்மேற்கு பருவக் காற்று வீசத் தொடங்கும் என்று வானிலை ஆய்வு மையம் தெரிவித்துள்ளது. மேற்கில் இருந்து வீசும் காற்று அதிகரிக்கத் தொடங்கியிருப்பது பருவமழைக்கு சாதகமான சூழலை உருவாக்கியிருக்கிறது. ஜூன் 1ஆம் தேதி முதல் தென்மேற்கு பருவமழை கேரள பகுதிகளில் தொடங்கும் என்றும் அறிவிக்கப்பட்டுள்ளது. இதன்காரணமாக, தமிழகத்தின் மேற்கு மாவட்டங்களிலும் மழை பெய்யும்.
Featured News
Sorry, no posts matched your criteria.