India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 9, 2024
நடப்பு ஆண்டிற்கான ஹஜ் பயணம் தொடக்கம்
டெல்லியில் இருந்து ஹஜ் பயணிகளின் புனித பயணம் இன்று முதல் தொடங்கியது. இந்தாண்டு சவுதி அரேபியாவுக்கு சுமார் 1.75 லட்சம் பேர் புனித ஹஜ் பயணம் மேற்கொள்ளவுள்ளதாக வெளியுறவுத்துறை அமைச்சகம் தெரிவித்துள்ளது. இன்று அதிகாலை புறப்பட்ட முதல் விமானத்தில் 285 பயணிகள் ஹஜ்ஜிற்கு புனித பயணம் மேற்கொண்டுள்ளனர். அதற்கு முன்னதாக, ஜெட்டா மற்றும் மதீனா நகரங்களில் ஹஜ் பயணித்திற்கான ஏற்பாடுகள் மறு ஆய்வு செய்யப்பட்டது.
News May 9, 2024
குரூப் – 2 தேர்வு மே 15 முதல் கலந்தாய்வு
ஒருங்கிணைந்த குருப்-2 தேர்வு பணிகளுக்கான முதன்மைத் தேர்வு கடந்த பிப்ரவரி மாதம் நடந்த நிலையில், ஏப்.8இல் மதிப்பெண், தரவரிசைப் பட்டியல் வெளியிடப்பட்டது. தொடர்ந்து, அசல் சான்றிதழ் சரிபார்ப்பு மற்றும் கலந்தாய்வு சென்னையில் மே 15 முதல் ஜூன் 20-ம்தேதி வரை நடைபெறும் என டிஎன்பிஎஸ்சி அறிவித்துள்ளது. இதற்கான அழைப்பாணையை தேர்வாணைய இணையத்தில் பெறலாம். இதில், கலந்துக்கொள்ள தவறினால் மறு வாய்ப்பு வழங்கப்படாது.
News May 9, 2024
மோடிக்கு இது அழகல்ல: ஈவிகேஎஸ்
மக்களை பிளவுப்படுத்தி பேசுவது பிரதமர் மோடிக்கு அழகல்ல என்று ஈவிகேஎஸ் இளங்கோவன் தெரிவித்துள்ளார். சர்ச்சையான கருத்துகளை தெரிவித்த சாம் பிட்ரோடா காங்கிரசில் முக்கியமானவர் கிடையாது. அவரின் கருத்துக்கும், காங்கிரசுக்கும் தொடர்பில்லை எனக் கூறிய அவர், நாடாளுமன்றத் தேர்தலில் கதாநாயகன் காங்., தேர்தல் அறிக்கை தான். இதனால் ஏற்பட்ட அச்சம் காரணமாக பாஜகவினர் ஏதேதோ பேசிக் கொண்டிருக்கிறார்கள் என விமர்சித்தார்.
News May 9, 2024
சென்னையில் மழை
சென்னை மற்றும் புறநகர் பகுதிகளில் தற்போது மழை பெய்து வருகிறது. அண்ணாநகர், கொளத்தூர், அடையாறு, மயிலாப்பூர், மேடவாக்கம், பள்ளிக்கரணை, கோயம்பேடு, வடபழனி, தரமணி, துரைப்பாக்கம் உள்ளிட்ட பகுதிகளில் மழை பெய்து வருகிறது. கடந்த சில நாள்களாக வெயில் வாட்டி எடுத்து வரும் நிலையில், நேற்றும், இன்றும் தொடர்ந்து மழை பெய்வதால் வெப்பம் தணிந்துள்ளது. இதனால், மக்கள் மகிழ்ச்சியடைந்துள்ளனர்.
News May 9, 2024
36% மின் கட்டணத்தை குறைக்கலாம்
கோடை வெயில் கொளுத்தி எடுப்பதால், ஃபேன், ஏசி இல்லாமல் மக்களால் இருக்க முடியவில்லை. பொதுவாக ஏசியை பயன்படுத்தும்போது மின்கட்டணம் வழக்கத்தை விட 2 மடங்கு அதிகரிக்கும். இதனால், பயனாளர்கள் மின்கட்டணத்தை குறைக்க மின்வாரியம் புது யோசனையை கொடுத்துள்ளது. அதாவது AC-யை 24-26 டிகிரி செல்சியஸில் வைப்பதன் மூலம் 36% மின் கட்டணத்தை சேமிக்கலாம். இதை இன்றே உறுதி செய்யுங்கள் என வேண்டுகோள் விடுத்துள்ளது.
News May 9, 2024
35ஆவது பிறந்தநாள் காணும் விஜய் தேவரகொண்டா
தெலுங்கு திரையுலகின் முன்னணி நடிகரான விஜய் தேவரகொண்டா இன்று தனது 35ஆவது பிறந்தநாளைக் கொண்டாடுகிறார். அவருக்கு திரைத்துறையினரும், ரசிகர்களும் வாழ்த்து தெரிவித்து வருகின்றனர். பல படங்களில் நடித்திருந்தாலும், ‘கீதா கோவிந்தம்’ படத்தின் மூலம் தமிழ் ரசிகர்களைக் கவர்ந்த அவர், தென்னிந்திய சர்வதேச திரைப்பட விருது, பிலிம்பேர் விருது, ஜீ கோல்டன் விருது, நந்தி விருது உள்பட பல விருதுகளைப் பெற்றுள்ளார்.
News May 9, 2024
25 ஊழியர்களை பணி நீக்கம் செய்தது ஏர் இந்தியா
ஏர் இந்தியா எக்ஸ்பிரஸின் 300 ஊழியர்கள் நேற்று மருத்துவ விடுப்பில் சென்றதால், ஏராளமான விமானங்கள் ரத்து செய்யப்பட்டன. இதனால், பயணிகள் கடுமையாக பாதிக்கப்பட்ட நிலையில், மூத்த ஊழியர்கள் 25 பேரை அந்நிறுவனம் பணி நீக்கம் செய்துள்ளது. ஏர் இந்தியா, ஏர் இந்தியா எக்ஸ்பிரஸ் நிறுவனங்கள் இணையப் போவதாக தகவல் வெளியானதால், அதற்கு எதிர்ப்பு தெரிவித்து ஊழியர்கள் 2ஆவது நாளாகப் போராட்டத்தில் ஈடுபட்டுள்ளனர்.
News May 9, 2024
10ஆம் வகுப்பு தேர்வு முடிவு.. புதிய முக்கிய அறிவிப்பு
அரசுத் தேர்வுகள் இயக்ககத்தில் நாளை காலை 9.30 மணிக்கு 10ஆம் வகுப்பு பொதுத்தேர்வு முடிவுகள் வெளியிடப்படுகிறது. இந்நிலையில், 10ஆம் வகுப்பு தேர்வு எழுதிய மாணவர்கள், தமிழகம் முழுவதும் உள்ள அனைத்து மைய, கிளை நூலகங்களில் தேர்வு முடிவுகளை கட்டணமின்றி அறியலாம் என்று தேர்வுகள் இயக்ககம் அறிவித்துள்ளது. இதை மீறி மாணவர்களிடம் கட்டணம் வசூலித்தால் நடவடிக்கை எடுக்கப்படும் எனவும் எச்சரித்துள்ளது.
News May 9, 2024
மாயாவதியால் ஒரு தொகுதியில் கூட வெல்ல முடியாது
பகுஜன் சமாஜ் கட்சியின் அரசியல் ஆட்டம் முடிந்து விட்டதாக சமாஜ்வாதி தலைவர் அகிலேஷ் யாதவ் கருத்து தெரிவித்துள்ளார். சர்ச்சையாகப் பேசியதால் ஆகாஷ் ஆனந்தை கட்சி பொறுப்புகளில் இருந்து மாயாவதி நீக்கியது குறித்து தனது X பக்கத்தில் பதிவிட்டுள்ள அவர், அவரின் முடிவு தாமதமானது எனக் குறிப்பிட்டுள்ளார். மேலும், மக்களவைத் தேர்தலில் அக்கட்சியால் ஒரு தொகுதியில் கூட வெல்ல முடியாது எனவும் அவர் கூறியுள்ளார்.
News May 9, 2024
சற்றுநேரத்தில் CSKvsRR போட்டிக்கான டிக்கெட்
சென்னை – ராஜஸ்தான் அணிகள் மோதும் ஐபிஎல் லீக் ஆட்டம் வரும் மே 12ஆம் தேதி பிற்பகல் 3.30 மணிக்கு சேப்பாக்கத்தில் நடைபெற உள்ளது. இதற்கான ஆன்லைன் டிக்கெட் விற்பனை இன்று காலை 10.40 மணிக்கு www.insider.in மற்றும் பேடிஎம் இணையதளப் பக்கங்களிலும் தொடங்க உள்ளது. இதில், ஒரு நபருக்கு 2 டிக்கெட் மட்டுமே வழங்கப்படும் என்ற கட்டுப்பாடும் உள்ளது. ₹1,700 முதல் டிக்கெட் விலை தொடங்குகிறது.
Featured News
Sorry, no posts matched your criteria.