India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 16, 2024
மே 16 : வரலாற்றில் இன்று
➤1568 – ஸ்காட்லாந்தின் முதலாம் மேரி அரசி இங்கிலாந்துக்குத் தப்பி ஓடினார்.
➤1667 – யாழ்ப்பாணத்தில் வாக்கிய பஞ்சாங்கம் ராமலிங்க முனிவரால் வெளியிடப்பட்டது.
➤2005 – குவைத் பெண்களுக்கான வாக்குரிமையை வழங்கியது.
➤2003 – மொரோக்கோவில் தீவிரவாதிகள் நடத்திய தாக்குதலில் 33 பொதுமக்கள் கொல்லப்பட்டனர்.
➤2006 – நியூசிலாந்தில் 7.4 ரிக்டர் அளவு நிலநடுக்கம் ஏற்பட்டது.
News May 16, 2024
காங்கிரஸ் கட்சியை தேர்தலில் மக்கள் தண்டிப்பார்கள்
காங்கிரஸ் கட்சிக்கு மக்கள் பதிலடி தருவார்கள் என ம.பி முதல்வர் மோகன் யாதவ் தெரிவித்துள்ளார். ஜார்க்கண்ட் அமைச்சர் கைது தொடர்பாக பேசிய அவர், அதிகாரத்தின் மூலம் ஊழலில் ஈடுபட்ட காங்கிரஸ் தலைவர்களை, பிரதமர் சட்டத்தின் முன் நிறுத்தி தண்டிப்பார் என்றார். பண மோசடி விவகாரத்தில் ஜார்க்கண்ட் ஊரக வளர்ச்சித்துறை அமைச்சர் ஆலம்கீர் ஆலமை, அமலாக்கத்துறையினர் நேற்று கைது செய்தது குறிப்பிடத்தக்கது.
News May 16, 2024
கோலியை பாராட்டிய மிஸ்பா உல் ஹக்
பாகிஸ்தான் அணிக்கு எதிராக விராட் கோலி தொடர்ந்து சிறப்பாக விளையாடி வருவதாக அந்த அணியின் முன்னாள் வீரர் மிஸ்பா உல் ஹக் தெரிவித்துள்ளார். இந்தியா-பாகிஸ்தான் போட்டியில் அனைத்து வீரர்களும் அழுத்தத்தை உணர்வதாக தெரிவித்த அவர், அன்றைக்கு சிறப்பாக விளையாடும் அணியே வெற்றிபெறும் என்றார். ஒரு போட்டியை எப்படி சிறப்பாக முடிக்க வேண்டும் என்பதில் கோலி மிகவும் திறமையானவர் என்றும் அவர் பாராட்டினார்.
News May 16, 2024
தினம் ஒரு திருக்குறள்
◾பால்: அறத்துப்பால்
◾அதிகாரம்: கடவுள் வாழ்த்து
◾ குறள் : 3
மலர்மிசை ஏகினான் மாணடி சேர்ந்தார்
நிலமிசை நீடுவாழ் வார்.
◾விளக்கம்:
மலர் போன்ற மனத்தில் நிறைந்தவனைப் பின்பற்றுவோரின் புகழ்வாழ்வு, உலகில் நெடுங்காலம் நிலைத்து நிற்கும்.
News May 16, 2024
சிவாஜி கிருஷ்ணமூர்த்தி மீது திமுக நடவடிக்கை?
நடிகை ராதிகா குறித்து அவதூறு கருத்தை தெரிவித்த திமுக பேச்சாளர் சிவாஜி கிருஷ்ணமூர்த்தி மீது திமுக உரிய நடவடிக்கையை எடுக்கும் என ஆர்.எஸ்.பாரதி தெரிவித்துள்ளார். நடிகை குஷ்புவை அவதூறாக பேசிய வழக்கில் கைதான சிவாஜி கிருஷ்ணமூர்த்தி, 2 மாதங்களுக்கு பிறகு வெளியே வந்த நிலையில், தற்போது ராதிகாவை விமர்சித்துள்ளார். இந்த முறை அவரை திமுகவில் இருந்து நிரந்தரமாக நீக்க வேண்டும் என்ற கோரிக்கை எழுந்துள்ளது.
News May 16, 2024
ஸ்மிருதி இரானியின் தோல்வி உறுதி: அசோக் கெலாட்
அமேதியில் ஸ்மிருதி இரானி எவ்வித தாக்கத்தையும் ஏற்படுத்த மாட்டார் என ராஜஸ்தான் முன்னாள் முதல்வர் அசோக் கெலாட் தெரிவித்துள்ளார். 2019 வெற்றிக்கு பிறகு ஸ்மிருதி இரானி அமேதி தொகுதியை எட்டிக்கூட பார்க்கவில்லை என்று குற்றம் சாட்டிய கெலாட், இந்த முறை மக்கள் அவருக்கு தோல்வியை தர தயாராகி விட்டார்கள் என்றார். அமேதியில் கடந்த முறை ராகுலை, 55 ஆயிரம் வாக்குகள் வித்தியாசத்தில் ஸ்மிருதி இரானி தோற்கடித்தார்.
News May 16, 2024
தங்கம் வென்றார் நீரஜ் சோப்ரா
ஃபெடரேஷன் கோப்பை தடகள சாம்பியன்ஷிப்பில் ஈட்டி எறிதலில் இந்திய வீரர் நீரஜ் சோப்ரா தங்கப்பதக்கம் வென்றார். ஒடிசாவில் நடைபெற்ற இந்த போட்டியில், தொடக்கத்தில் முன்னிலை பெற கடுமையாக போராடிய நீரஜ் சோப்ரா, இறுதியில் 82.27 மீட்டர் தூரம் எறிந்து தங்கம் வென்று அசத்தினார்.
இப்போட்டியில் டி.பி. மானு வெள்ளி பதக்கமும், உத்தம் பட்டீல் வெண்கல பதக்கமும் வென்றனர்.
News May 16, 2024
பிறந்தநாள் வாழ்த்து போட்டோ அனுப்புங்க
இன்று (மே 16) பிறந்தநாள் காணும் அனைவருக்கும் வாழ்த்துகள்! பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com-க்கு அனுப்புங்க. Note: பிறந்தநாளுக்கு முந்தைய நாள் இரவு 10 மணிக்குள் வாழ்த்துகளை அனுப்பவும். பிறந்தநாள் கொண்டாடுபவர்களின் தெளிவான புகைப்படங்களை அனுப்பி, உங்கள் அன்புக்குரியவர்களை வாழ்த்துங்கள்.
News May 16, 2024
பொம்மை தேர்தல் ஆணையம்: மம்தா விமர்சனம்
பிரதமர் மோடியின் வழிகாட்டுதலின்படி பொம்மை தேர்தல் ஆணையம் செயல்படுகிறது என மே.வங்க முதல்வர் மம்தா பானர்ஜி விமர்சனம் செய்துள்ளார். பாஜக 400 இடங்களில் வெற்றி பெறுவது ஒருபோதும் நடக்காது என்ற அவர், பாஜகவின் தோல்வி முடிவு செய்யப்பட்ட ஒன்று எனக் கூறினார். நாட்டில் பொதுமக்களின் போராட்டங்களை தேர்தல் அதிகாரிகள் ஒருபோதும் உணர்ந்து கொள்ள போவதில்லை என்றும் அவர் ஆதங்கம் தெரிவித்தார்.
News May 16, 2024
சிலிண்டரை பரிசோதிப்பது எப்படி?
உதாரணமாக, சிலிண்டரில் A2024 என குறிப்பிடப்பட்டிருந்தால் அந்த சிலிண்டர் 2024ஆம் ஆண்டு ஜனவரி முதல் மார்ச் மாதத்துக்குள் பரிசோதிக்கப்பட வேண்டும் என்று அர்த்தம். A-என்பது ஜனவரி-மார்ச்,B-ஏப்ரல்-ஜூன், C-ஜூலை-செப்டம்பர், D-அக்டோபர்- டிசம்பர் குறிக்கக்கூடிய காலக்கட்டங்கள் ஆகும். இதன்மூலம் சிலிண்டர் பாதுகாப்பை உறுதிசெய்ய முடியும். பரிசோதிக்கப்பட்ட பின் அடுத்த சோதனைக்கான தேதி சிலிண்டரில் ஒட்டப்படும்.
Featured News
Sorry, no posts matched your criteria.