India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 7, 2024
வார்த்தைப் போர் ஒரு நாடகம்: ஜோதிமணி
முன்னாள் அமைச்சர் S.P.வேலுமணிக்கும், தமிழக பாஜக தலைவர் அண்ணாமலைக்கும் இடையே நடக்கும் வார்த்தைப் போர் ஒரு நாடகம் என ஜோதிமணி விமர்சித்துள்ளார். அதிமுக-பாஜக இடையிலான மறைமுகக் கூட்டணியை மறைக்கவும், அப்பாவி அதிமுக தொண்டர்களை ஏமாற்றவுமே இதுபோன்ற நாடகம் அரங்கேற்றப்படுவதாகக் குற்றம்சாட்டிய அவர், கோவையில் பாஜகவின் அழுத்தத்திற்கு பயந்து, அதிமுக தனது களத்தை விட்டுக்கொடுத்தது என்பதே உண்மை எனத் தெரிவித்தார்.
News June 7, 2024
ஜூன் 20இல் விடா முயற்சி படப்பிடிப்பு
மகிழ் திருமேனி இயக்கத்தில் அஜித் நடித்த விடாமுயற்சி படத்தின் படப்பிடிப்பு, ஜூன் 20இல் மீண்டும் தொடங்க உள்ளது. அஜர்பைஜானில் படப்பிடிப்பு நடைபெற்ற நிலையில், சில மாதங்களாக சூட்டிங் நிறுத்தப்பட்டது. இதனால், ஆதிக் ரவிச்சந்திரன் இயக்கும் குட் பேட் அக்லி படத்தில் அஜித் நடித்து வருகிறார். அந்தப் படத்தின் முதல்கட்ட சூட்டிங் இன்று முடியும் நிலையில், மீண்டும் விடாமுயற்சி படத்தின் படப்பிடிப்பு தொடங்க உள்ளது.
News June 7, 2024
பிரெஞ்சு ஓபன் டென்னிஸில் போபண்ணா ஜோடி தோல்வி
பிரெஞ்சு ஓபன் டென்னிஸ் தொடரின் அரையிறுதிப் போட்டியில், இந்தியாவின் போபண்ணா ஜோடி தோல்வியை தழுவியது. பிரான்ஸ் தலைநகர் பாரிஸில் பிரெஞ்சு ஓபன் டென்னிஸ் தொடர் நடைபெற்று வருகிறது. ஆண்கள் இரட்டையர் பிரிவு அரையிறுதியில், இத்தாலியின் சிமோன் ஜோடியை போபண்ணா ஜோடி எதிர்கொண்டது. விறுவிறுப்பாக நடைபெற்ற ஆட்டத்தில் 5-7, 6-2, 2-6 என்ற செட் கணக்கில் சிமோன் போலெலி ஜோடி போபண்ணா ஜோடியை வீழ்த்தியது.
News June 7, 2024
புதிதாக தேர்வான காங்., MP-க்கள் இன்று டெல்லி பயணம்
காங்கிரஸ் கூட்டத்தில் பங்கேற்பதற்காக, தமிழக காங்கிரஸ் எம்.பிக்கள் இன்று டெல்லி செல்கின்றனர். மக்களவைத் தேர்தலில் தமிழகம், புதுச்சேரியில் போட்டியிட்ட 10 இடங்களிலும் காங்., வேட்பாளர்கள் வென்றனர். இந்த நிலையில், நாளை காலை 11 மணிக்கு காங்கிரஸ் காரிய கமிட்டி கூட்டம் நடைபெற உள்ளது. அதில் கலந்துகொள்ள மற்றும் சோனியா, ராகுலை சந்தித்து வாழ்த்து பெறுவதற்காக புதிய MP-க்கள் டெல்லிக்குச் செல்கின்றனர்.
News June 7, 2024
இன்றைய நல்ல நேரம்
▶ஜூன் – 7 ▶வைகாசி – 28 ▶கிழமை: வெள்ளி ▶நல்ல நேரம்: 09:30 AM – 10:30 AM, 04.30 PM – 05.30 PM வரை ▶கெளரி நல்ல நேரம்: 12:30 AM – 01:30 AM, 06:30 PM – 07:30 PM வரை ▶ராகு காலம்: 10:30 AM – 12:00 PM வரை ▶எமகண்டம்: 03:00 PM – 04:30 AM வரை ▶குளிகை: 07:30 AM – 09:00 AM வரை ▶சூலம்: மேற்கு ▶பரிகாரம்: வெல்லம் ▶ திதி: பிரதமை
News June 7, 2024
மன்னர் 3ஆம் சார்லஸ் உருவத்துடன் 4 வகை கரன்சிகள்
பிரிட்டன் மன்னர் 3ஆம் சார்லஸ் உருவத்துடன் கூடிய 4 வகையான கரன்சிகள் புழக்கத்திற்கு வந்துள்ளன. ராணி 2ஆம் எலிசபெத் மறைவுக்குப் பின் அவரது மகன் சார்லஸ், பிரிட்டன் மன்னரானார். இந்த நிகழ்வை கொண்டாடும் வகையில், சார்லஸின் உருவம் பொறித்த நாணயங்கள் புழக்கத்தில் விடப்பட்டன. அதனைத் தொடர்ந்து தற்போது £5, £10, £20 மற்றும் £50 ஆகிய 4 வகையான கரன்சி நோட்டுகளை பிரிட்டன் வங்கி வெளியிட்டுள்ளது.
News June 7, 2024
டைனோசரின் எச்சம் கண்டுபிடிப்பு
அமெரிக்காவில் உள்ள வடக்கு டகோடாவில், டைனோசரின் எச்சம் கண்டுபிடிக்கப்பட்டுள்ளது. பல்லாயிரம் ஆண்டுகளுக்கு முன்பு டைனோசர்கள் வாழ்ந்ததாக ஆராய்ச்சியாளர்கள் கூறி வரும் நிலையில், 1630 கிலோ எடை, 25 அடி நீளம், 10 அடி கொண்ட டைனோசரின் எச்சம் தற்போது கண்டுபிடிக்கப்பட்டுள்ளது. இறக்கும்போது 13-15 வயதுடைய அந்த டைனோசர், 67 மில்லியன் ஆண்டுகளுக்கு முன்பு வாழ்ந்திருக்கலாம் என ஆராய்ச்சியாளர்கள் கணித்துள்ளனர்.
News June 7, 2024
T20 WC: ஸ்காட்லாந்து அணி வெற்றி
உலகக் கோப்பை T20 தொடரின் 12ஆவது லீக் போட்டியில், நமீபியா அணியை வீழ்த்தி ஸ்காட்லாந்து அணி அபார வெற்றி பெற்றது. முதலில் விளையாடிய NAM, 155/9 ரன்கள் எடுத்தது. அதிகபட்சமாக கேப்டன் Gerhard 52 ரன்கள் எடுத்தார். பிறகு 156 ரன்கள் இலக்கை துரத்திய SCOT, 18.3 ஓவர்களில் 157/5 ரன்கள் எடுத்து வெற்றி பெற்றது. இதன் மூலம் 2 போட்டிகளில் விளையாடி 1 வெற்றி, 1 டிராவுடன் குரூப் B பிரிவில் SCOT முதலிடத்தில் உள்ளது.
News June 7, 2024
வெற்றியோ தோல்வியோ நம்பிக்கை இழக்காதீர்
காரணம் இன்றி மனிதர்களை வெறுக்கும் போது, அந்த வெறுப்பு நமக்குள்ளே வேண்டாத பதட்டத்தை ஏற்படுத்துகிறது. மனிதர்களை நிறைகுறைகளுடன் ஏற்றுக்கொண்டு அவர்களை நேசிக்கத் தொடங்குங்கள். எல்லோரையும் நேசிப்பது அவர்களுக்கு நல்லதோ இல்லையோ, நமக்கு மிகவும் நல்லது. வெற்றியோ தோல்வியோ, சாதனையோ சவாலோ, எது நேர்ந்தாலும் அடுத்தது என்ன என்று கேளுங்கள். அப்போதுதான் அடுத்த கட்டம் நோக்கி பயணிக்க முடியும்.
News June 7, 2024
2ஆவது முறையாக நடைபெற்ற சூப்பர் ஓவர்
நடப்பு உலகக் கோப்பை டி20 தொடரில் 11 லீக் போட்டிகள் முடிந்துள்ள நிலையில், இதுவரை 2 முறை சூப்பர் ஓவர் முறையில் வெற்றி தீர்மானிக்கப்பட்டுள்ளது. ஜூன் 3இல் ஓமன் – நமீபியா அணிகள் மோதின. இந்தப் போட்டி டிரா ஆனதால், சூப்பர் ஓவர் வீசப்பட்ட நிலையில், நமீபியா அணி வென்றது. இதேபோல, இன்று பாகிஸ்தான் – அமெரிக்கா அணிகள் மோதியப் போட்டி டிரா ஆன நிலையில், சூப்பர் ஓவரில் USA அபார வெற்றி பெற்றது.
Featured News
Sorry, no posts matched your criteria.