India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 18, 2024
தமிழிசை வேறு மாநிலத்தில் போட்டியிடுவது நல்லது
தமிழிசை ராஜினாமா குறித்து சிபிஎம் மாநிலச் செயலாளர் முத்தரசன் விமர்சித்துள்ளார். இதுதொடர்பாக பேசிய அவர், ”ஆளுநர் பதவியை ராஜினாமா செய்துள்ள தமிழிசை, தமிழ்நாடு, புதுச்சேரி அல்லாத வேறு மாநிலங்களில் போட்டியிடுவது அவருக்கு நல்லது. இந்த இரண்டு மாநிலங்களில் போட்டியிட்டால் தேர்தலுக்கு முன்பே முடிவு தெரிந்துவிடும். தோல்வி அடைவதை தவிர்க்க வேறு மாநிலங்களை அவர் நாடுவது நல்லது”
என தெரிவித்துள்ளார்.
News March 18, 2024
இட்லி ரூ. 17 புரோட்டா ரூ. 55, தேர்தல் ஆணையம் அறிவிப்பு
மக்களவைத் தேர்தல் செலவுக்காக தமிழக அரசிடம் ரூ. 750 கோடி கேட்கப்பட்டுள்ளதாக தலைமைத் தேர்தல் அதிகாரி சத்யபிரதா சாகு தெரிவித்துள்ளார். இதுதொடர்பாக பேசிய அவர், ” வேட்பாளர்களின் தேர்தல் செலவு தொகை ரூ.95 லட்சமாக உயர்த்தப்பட்டுள்ளது. அதைப்போல இட்லி ரூ. 17, புரோட்டா ரூ. 55 என மாவட்ட அளவில் உணவு பொருட்கள் செலவினத்திற்கான தொகை நிர்ணயிக்கப்பட்டுள்ளது. இது மாவட்டத்திற்கு மாவட்டம் மாற வாய்ப்புள்ளது” என்றார்.
News March 18, 2024
வீட்டு மனை பட்டாவை திரும்பப் பெற உத்தரவிட முடியாது
ஆதி திராவிடர்கள் நலனுக்காக வழங்கிய இலவச வீட்டு மனை பட்டாக்களை திரும்ப பெறுமாறு தமிழக அரசுக்கு உத்தரவிட முடியாது என ஐகோர்ட் தெரிவித்துள்ளது. 1998இல் 91 பேருக்கு வழங்கப்பட்ட இடங்களில் இதுவரை யாரும் வீடு கட்டாததால், மனைகளை திரும்பப் பெற்று அரசின் நலத்திட்டங்களுக்கு பயன்படுத்த வேண்டும் என நாராயணன் என்பவர் வழக்கு தொடர்ந்தார். இந்த வழக்கை விசாரித்த நீதிமன்றம், அவரது மனுவை தள்ளுபடி செய்தது.
News March 18, 2024
பிரியாணி தலைநகராக மாறிய ஐதராபாத்
இந்தியாவின் பிரியாணி தலைநகரமாக ஐதராபாத் நகரம் உருவெடுத்துள்ளதாக, ஸ்விக்கி (Swiggy) நிறுவனத்தின் வருடாந்திர ஆய்வறிக்கையில் தெரிய வந்துள்ளது. கடந்தாண்டில் (2023) ஐதராபாத்தில் மட்டும் 1 கோடியே 30 லட்சம் பிரியாணிகள் ஆன்லைனில் ஆர்டர் செய்யப்பட்டுள்ளன. 1 கோடி பிரியாணி ஆர்டர்களுடன் பெங்களூரு 2ஆவது இடத்திலும், 50 லட்சம் பிரியாணி ஆர்டர்களுடன் சென்னை 3ஆவது இடத்திலும் இருப்பது தெரிய வந்துள்ளது.
News March 18, 2024
கொங்கு மண்டலத்தில் தேர்தல் பொறுப்பேற்கும் உதயநிதி!
கொங்கு மண்டலத்தை ஆளுங்கட்சியான திமுகவின் கோட்டையாக்க வேண்டுமென ஸ்டாலின் உறுதியாக இருக்கிறார். அதனால் தான் கோவை தொகுதியில் திமுகவே நேரடியாகக் களமிறங்க உள்ளதாகக் கூறப்படுகிறது. கொங்கு மண்ணில் எக்காரணம் கொண்டும் பாஜக வெற்றிபெறக் கூடாது என்பதற்காக தேர்தல் பணியை முடிக்கிவிட்டுள்ள திமுக தலைமை, அந்த மண்டலத்தின் தேர்தல் பொறுப்பாளராக உதயநிதியை நியமிக்க முடிவெடுத்திருப்பதாக கூறப்படுகிறது.
News March 18, 2024
BIG BREAKING: பாமக – பாஜக கூட்டணி
நடைபெறவிருக்கும் நாடாளுமன்றத் தேர்தலை பாஜகவுடன் இணைந்து சந்திக்க இருப்பதாக பாமக அதிகாரப்பூர்வமாக அறிவித்துள்ளது. அக்கட்சியின் பொதுச் செயலாளர் வடிவேல் ராவணன் செய்தியாளர்கள் மத்தியில் இதனை அறிவித்தார். இந்த முடிவினை அன்புமணி மற்றும் ராமதாஸ் இருவரும் இணைந்து எடுத்துள்ளதாகவும் வடிவேல் ராவணன் கூறியிருக்கிறார். இன்று மாலை நடைபெற்ற பாமக உயர்நிலை கூட்டத்திற்கு பின் முடிவு அறிவிக்கப்பட்டுள்ளது.
News March 18, 2024
வேட்பாளர் செலவில் தாராளம் காட்டும் தேர்தல் ஆணையம்
மக்களவைத் தேர்தலுக்கான வேட்பாளர்கள் செலவுத் தொகை ரூ.95 லட்சமாக உயர்ந்துள்ளது. 2014 – ரூ. 40 லட்சம் , 2019 – ரூ. 70 லட்சம், 2024 – ரூ. 95 லட்சமாக உயர்ந்துள்ளது. அதே போல சட்டப்பேரவை தேர்தலுக்கான வேட்பாளர் செலவுத் தொகையும் 2014 – ரூ. 16 லட்சம் , 2019 – ரூ. 28 லட்சம், 2024 – ரூ. 40 லட்சமாக உயர்ந்துள்ளது. கடந்த 15 ஆண்டுகளில் வேட்பாளர் செலவுத் தொகை 75 சதவீத அளவுக்கு உயர்ந்துள்ளது குறிப்பிடத்தக்கது.
News March 18, 2024
கலை நிகழ்ச்சி நடத்த நடிகர் சங்கம் திட்டம்
தென்னிந்திய நடிகர் சங்க கட்டடத்தின் கட்டுமானப் பணிகளுக்கு ரூ. 40 கோடி செலவாகுமென மதிப்பிடப்பட்டுள்ளது. கமல்ஹாசன், விஜய், உதயநிதி ஸ்டாலின், கார்த்தி உள்ளிட்டோர் அளித்த நிதியைச் சேர்த்து இதுவரை ரூ.12 கோடி வசூலாகியிருப்பதாகக் கூறப்படுகிறது. தற்போது, வங்கிக் கடனுக்கு ஏற்பாடுகள் நடக்கும் நிலையில், கலை நிகழ்ச்சி நடத்தி, நிதி திரட்டும் திட்டத்தில் நடிகர் சங்க நிர்வாகம் இருப்பதாக அறிய முடிகிறது.
News March 18, 2024
பேரனுக்கு ₹240 கோடி பரிசளித்த இன்ஃபோசிஸ் நிறுவனர்
இன்ஃபோசிஸ் நிறுவனர், 4 மாத குழந்தையான தனது பேரனுக்கு ₹240 கோடி மதிப்பிலான பங்குகளை பரிசளித்துள்ளார். நாராயண மூர்த்தியின் மகன் ரோஹனுக்கு கடந்த நவம்பர் மாதம் ஆண் குழந்தை பிறந்தது. இதையடுத்து, பேரனுக்கு பரிசு வழங்க நினைத்த அவர், தனது நிறுவனத்தின் பங்குகளில் இருந்து 0.04% பங்குகளை (₹240 கோடி) வழங்கியுள்ளார். இதன்மூலம், உலகின் இளம் வயது கோடீஸ்வரர் என்ற அந்தஸ்தை நாராயண மூர்த்தியின் பேரன் பெற்றுள்ளார்.
News March 18, 2024
திருச்சியில் பிரச்சாரத்தைத் தொடங்கும் இபிஎஸ்
மக்களவைத் தேர்தலுக்கான பரப்புரையை வரும் 24ஆம் தேதி அதிமுக பொதுச்செயலாளர் இபிஎஸ் தொடங்கவுள்ளார். திருச்சியில் நடக்கும் பிரமாண்ட பொதுக்கூட்டத்தில் வேட்பாளரை அறிமுகம் செய்து முதல்கட்ட பிரச்சாரத்தை தொடங்கும் இபிஎஸ், 31ஆம் தேதி வரை திருச்சி, நெல்லை, தூத்துக்குடி, தென்காசி, சிதம்பரம், ராமநாதபுரம், குமரி, காஞ்சிபுரம், ஸ்ரீபெரும்புதூர் உள்ளிட்ட தொகுதிகளில் பரப்புரை மேற்கொள்ள உள்ளதாகக் கூறப்படுகிறது.
Featured News
Sorry, no posts matched your criteria.