India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 18, 2024
WI அணிக்கு எதிராக தொடரை கைப்பற்றிய இங்கிலாந்து அணி
வெஸ்ட் இண்டீசுக்கு எதிரான டி20 தொடரை இங்கிலாந்து அணி கைப்பற்றியது. இரு அணிகளுக்கு இடையிலான 5ஆவது டி20 போட்டி இன்று நடைபெற்றது. டாஸ் வென்ற இங்கிலாந்து பவுலிங் தேர்வு செய்தது. இதனையடுத்து முதலில் வெஸ்ட் இண்டீஸ் களமிறங்கியது. அந்த அணி 44 ரன்கள் எடுத்திருந்தபோது போது மழை குறுக்கிட்டதால் போட்டி ரத்து செய்யப்பட்டது. இதனையடுத்து இங்கிலாந்து 3-1 என்ற கணக்கில் தொடரை கைப்பற்றியது.
News November 18, 2024
மோடியை ஒருபோதும் அனுமதிக்க மாட்டார்கள்: கார்கே
மணிப்பூர் பற்றி எரிவதை பாஜக விரும்புவதாக காங்கிரஸ் தலைவர் கார்கே விமர்சித்துள்ளார். பாஜகவின் இரட்டை இஞ்சின் ஆட்சியில் மணிப்பூர் பாதுகாப்பாக இல்லை குறிப்பிட்டுள்ள அவர், அங்குள்ள மக்களின் எதிர்காலத்தை பாஜகவின் அமைதி அழித்துவிட்டதாகவும் குற்றஞ்சாட்டினார். துயரத்தின் போது தங்கள் மாநிலத்துக்கு வராத மோடியை மக்கள் எதிர்காலத்திலும் மணிப்பூருக்கு வர அனுமதிக்க மாட்டார்கள் எனவும் சாடியுள்ளார்.
News November 18, 2024
ஆசிய மகளிர் ஹாக்கி போட்டி: இந்திய அணி அபாரம்
ஆசிய மகளிர் ஹாக்கி போட்டியில் ஜப்பானை வீழ்த்தி இந்திய அணி அரையிறுதிக்கு முன்னேறியுள்ளது. விறுவிறுப்பாக நடந்த ஆட்டத்தில் 47 மற்றும் 48ஆவது நிமிடங்களில் தீபிகாவும், 37ஆவது நிமிடத்தில் துணை கேப்டன் நவ்நீத் கவுரும் கோல் அடித்தனர். இதனால், 3-0 என்ற கணக்கில் இந்திய அணி வென்றது. 5 வெற்றிகளுடன் இந்தியா அரையிறுதிக்கு முன்னேறியுள்ள நிலையில், அரையிறுதியில் மீண்டும் ஜப்பானை எதிர்கொள்கிறது.
News November 18, 2024
அசோக் செல்வன் படத்தின் ரிலீஸ் தேதி அறிவிப்பு
இயக்குநர் பாலாஜி கேசவன் இயக்கத்தில், அசோக் செல்வன், அவந்திகா மிஸ்ரா நடிப்பில் காதல் நகைச்சுவை திரைப்படமாக உருவாகியுள்ள படம் ‘எமக்குத் தொழில் ரொமான்ஸ்’. இப்படத்தை T Creations சார்பில் திருமலை தயாரித்துள்ளார். படம் நவ.15 வெளியாகும் என அறிவிக்கப்பட்டிருந்த நிலையில், மழை காரணமாக ரிலீஸ் தேதி ஒத்தி வைக்கப்பட்டிருந்தது. இந்நிலையில், இந்த படம் நவ. 22இல் வெளியாகவுள்ளது.
News November 18, 2024
கழுத்தைச் சுற்றி கரும்படலம் ஏன்?
கழுத்தைச் சுற்றி கரும்படலம் ஏற்படும் நிலையில், அதை அழுக்கு என நினைத்து சிலர் சோப் போட்டு கழுவுவார்கள். சிலர் கிரீம் போடுவார்கள். ஆனால் உண்மையில் அது அழுக்கு அல்ல. இன்சுலின் ரெசிஸ்டன்ஸ் காரணமாக ஏற்படும் பிரச்னை தான் கரும்படலம் ஏற்பட காரணமாகிறது. இந்த குறைபாடு காரணமாக கழுத்து, அக்குள் பகுதிகளில் கரும்படலம் ஏற்படுகிறது. மருத்துவரிடம் சென்று முறையான சிகிச்சை பெறுவதே இதற்கு சரியான தீர்வாகும்.
News November 18, 2024
கம்பீருக்கு கங்குலி ஆதரவு
AUS வீரர்கள் கூறும் கருத்துகளுக்கு பதிலடி கொடுப்பதில் தவறில்லை என கங்குலி தெரிவித்துள்ளார். ரிக்கி பாண்டிங் விமர்சனத்துக்கு கம்பீரின் பதிலடி தொடர்பான கேள்விக்கு பதிலளித்த அவர், ஆஸி. வீரர்கள் எப்போதும் அப்படிதான் பேசுவார்கள், அவர்களின் பாணியிலேயே கம்பீர் பதிலடி கொடுத்துள்ளதாகவும் அவர் பாராட்டியுள்ளார். முன்னதாக கோலி, ரோஹித் ஃபார்ம் பற்றி பாண்டிங் பேசியதற்கு கம்பீர் கடும் எதிர்வினையாற்றி இருந்தார்.
News November 18, 2024
சுகர் உள்ளவர்கள் வாழைப்பழம் சாப்பிடலாமா?
பொதுவாக சர்க்கரை நோயாளிகள் வாழைப்பழம் சாப்பிடுவதை தவிர்க்க வேண்டும் என கூறப்பட்டாலும், சிலவகை வாழைப்பழங்களை சாப்பிடலாம் என மருத்துவர்கள் பரிந்துரைக்கிறார்கள். குளுக்கோஸ் அதிகம் உள்ள பூவன் பழம், ரஸ்தாளி ஆகிய பழங்களை சர்க்கரை உள்ளவர்கள் தவிர்ப்பது நல்லது எனக் கூறப்படுகிறது. அதே நேரத்தில், அதிக நார்ச்சத்து உள்ள பச்சை வாழைப்பழம், செவ்வாழை, நேந்திரம் பழம் போன்றவற்றை சாப்பிடலாம் என்றும் கூறுகிறார்கள்.
News November 18, 2024
முதல்வர் கனவும் எனக்கில்லை: உத்தவ் தாக்கரே
தான் முதல்வராக வேண்டும் என்று கனவு காணவில்லை என உத்தவ் தாக்கரே கூறியுள்ளார். தனியார் நாளிதழுக்கு பேட்டியளித்துள்ள அவர், மகாராஷ்டிராவை சுரண்டுபவர்களை தோற்கடிப்பதே தனது முன்னுரிமையாக உள்ளதாக தெரிவித்தார். துணை முதல்வரான தேவேந்திர பட்நாவிசை முதல்வர் வேட்பாளராக அமித் ஷா அறிவித்துள்ளதை ஏக்நாத் ஷிண்டேவும், அஜித் பவாரும் ஒப்புக்கொள்கிறார்களா? எனவும் அவர் கேள்வி எழுப்பியுள்ளார்.
News November 18, 2024
தினம் ஒரு திருக்குறள்
▶குறள் பால்: அறத்துப்பால்
▶அதிகாரம்: செய்ந்நன்றி அறிதல்
▶குறள் எண்: 102
▶குறள்:
காலத்தி னாற்செய்த நன்றி சிறிதெனினும்
ஞாலத்தின் மாணப் பெரிது.
▶பொருள்: உற்ற காலத்தில் ஒருவன் செய்த உதவி சிறிதளவாக இருந்தாலும், அதன் தன்மையை ஆராய்ந்தால் உலகத்தைவிட மிகப் பெரிதாகும்.
News November 18, 2024
அதானி, அம்பானிக்கானது மோடி அரசு: பிரியங்கா
கடந்த பத்து ஆண்டுகளில் இந்திய அரசியலின் திசை மாறிவிட்டதாக பிரியங்கா கூறியுள்ளார். மக்களுக்கான ஆட்சி என்பது இல்லாமல் போய்விட்டதாக குறைகூறிய அவர், மக்களை பிளவுப்படுத்தி அதன் மூலம் அரசியல் ஆதாயம் பெறவே பாஜக விரும்புவதாகவும் குற்றஞ்சாட்டினார். விமான நிலையம், துறைமுகம் என நாட்டின் பெரும்பாலான சொத்துகள் அதானி, அம்பானி வசமே உள்ளதாகவும், இருவருக்காகவே மோடி உழைப்பதாகவும் அவர் சாடியுள்ளார்.
Featured News
Sorry, no posts matched your criteria.