India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 1, 2026
துபாய் மீது ஈரான் தாக்குதல் நடத்த காரணம் என்ன?
செல்வம், தொழிற் வளர்ச்சி டெக்னாலஜி, சுற்றுலா என அனைத்திலும் செழிப்பாக இருக்கும் நகரம் தான் துபாய். அங்கு இல்லாத உலகின் டாப் கம்பெனிகளே இல்லை. அத்துடன் அங்கு வசிக்கும் 40 லட்சம் பேரில் 92% பேர் வெளிநாட்டினர். எனவே துபாயை தாக்கினால், அங்கு வசிக்கும் தனது மக்களை காக்க உலக நாடுகளின் அழுத்தம் அதிகரித்து போரை நிற்க வாய்ப்பிருப்பதாக நினைத்து ஈரான் இந்த தாக்குதலை நடத்தியிருக்கலாம் என கூறப்படுகிறது.
News March 1, 2026
மதுரை முழுவதும் ‘Go back modi’ போஸ்டர்கள்
NDA கூட்டணி பொதுக்கூட்டத்தில் பங்கேற்க வரும் பிரதமர் மோடி, இன்று மாலை 4 மணிக்கு திருப்பரங்குன்றம் முருகன் கோயிலில் வழிபாடு செய்யவிருக்கிறார். இந்நிலையில், மதுரை முழுவதும் காங்., சார்பில் ‘Go back modi’ போஸ்டர்கள் ஒட்டப்பட்டுள்ளன. அதில் தமிழ்நாடு ஒற்றுமையாக நிற்கிறது, மத ரீதியான மூளை சலவை வேண்டாம், திருப்பரங்குன்றம் உங்களை வரவேற்கவில்லை உள்ளிட்ட வாசகங்களும் இடம்பெற்றுள்ளன.
News March 1, 2026
போர் பதற்றம்.. நடிகர் அஜித் எங்கு இருக்கிறார்?
மத்திய கிழக்கு நாடுகளில் பெரும் பதற்றமான சூழல் நிலவி வரும் நிலையில், நடிகர் அஜித் எங்கு இருக்கிறார் என்ற அச்சம் எழுந்துள்ளது. கடைசியாக துபாயில் பிப்ரவரி 6-ம் தேதி முதல் 8-ம் தேதி வரை நடைபெற்ற கார் ரேஸிங்கில் பங்கேற்ற அவர், அதன் பிறகு என்ன செய்கிறார், எங்கு உள்ளார் என்ற எந்த அதிகாரப்பூர்வ தகவலும் இல்லை. அவர் குறித்த அப்டேட் வேண்டுமென ரசிகர்கள் SM-ல் கோரிக்கை வைத்து வருகின்றனர்.
News March 1, 2026
36 ஆண்டுக்கால பவர்.. யார் இந்த அயதுல்லா அலி கமேனி?
1939-ம் ஆண்டு ஈரானின் மஷ்ஹத் நகரில் அயதுல்லா <<19268432>>அலி கமேனி<<>> பிறந்தார். இஸ்லாமிய புரட்சி தலைவர் ருஹோல்லா கமேனியின் தலைமையில், ஷா ஆட்சியை வீழ்த்தும் போராட்டத்தில் முக்கிய பங்காற்றினார். 1981– 1989 வரை ஈரானின் ஜனாதிபதியாக இருந்த கமேனி, 1989-ம் ஆண்டு ஈரானின் உயர் தலைவராக பொறுப்பேற்றார். 36 ஆண்டுகள் 6 மாதங்கள் அப்பதவியை வகித்த அவர், தொடர்ந்து USA-க்கு எதிரான நிலைப்பாட்டையே கடைபிடித்து வந்தார்.
News March 1, 2026
விடைபெறத் தயாராகுங்கள்: அதிமுக
எந்த Getup போட்டுட்டு வந்தாலும், உங்களுக்கு இனி Get out தான் என ஸ்டாலினின் போட்டோவை சித்தரித்து அதிமுக விமர்சித்துள்ளது. வேஷங்கள் கலையும் நேரம் வந்துவிட்டது. இனி எந்த வேடம் போட்டும் எந்த பயனும் இல்லை, உங்கள் ஆட்சிக்கான முடிவுரையை, உங்கள் வீழ்ச்சிக்கான தொடக்கவுரையை எழுத மக்கள் தயாராகி விட்டார்கள். உங்கள் அலங்கார அரசியலின் முகத்திரை கிழியும் நேரம் இது, விடைபெறத் தயாராகுங்கள் எனவும் சாடியுள்ளது.
News March 1, 2026
நகைக் கடன் தள்ளுபடி.. இனிப்பான செய்தி வந்தது
கூட்டுறவு வங்கிகளில் உள்ள நகைக் கடன்கள் தள்ளுபடி செய்யப்படும் என்ற வாக்குறுதியை திமுக, அதிமுக கட்சிகள் அளிக்கும் என நம்பத்தகுந்த வட்டாரங்கள் தெரிவிக்கின்றன. அதேநேரம், கடந்த முறையைப் போல் 5 சவரன் தங்க நகைக் கடன்கள் மட்டும் தள்ளுபடி, வருமான வரி செலுத்துவோர், அரசுப் பணியில் உள்ளவர்களுக்கு இது பொருந்தாது போன்ற நிபந்தனைகள் விதிக்கப்படுமா என்ற கேள்வியும் எழுந்துள்ளது.
News March 1, 2026
சூழ்ச்சிகளை அறிவால் முறியடிக்க வேண்டும்: ஸ்டாலின்
தமிழனத்தின் லட்சியப் பயணத்தில் நம் கால்கள் பாதை மாறக்கூடாது; நம் தலை யாரிடமும் எதற்காகவும் தாழக் கூடாது என்று மு.க.ஸ்டாலின் தெரிவித்துள்ளார். சூழ்ந்து வரும் சூழ்ச்சிகளை அறிவுத்திறத்தால், நாம் அனைவரும் ஒன்றிணைந்து முறியடித்திட வேண்டும் எனக் கூறிய அவர், இளமை முதல் 73-ம் வயது காணும் இந்நாள் வரையில், நாட்டுக்கும் நாட்டு மக்களுக்கும் பணியாற்றுவதே என் வாழ்நாள் கடமை என்றும் தெரிவித்துள்ளார்.
News March 1, 2026
கமேனியை கொன்றதற்காக பழி வாங்குவோம்: ஈரான்
அமெரிக்கா – இஸ்ரேல் கூட்டுத் தாக்குதலில் ஈரான் உயர் தலைவர் அயதுல்லா கமேனி கொல்லப்பட்டுள்ளார். இந்நிலையில், கமேனியை கொன்றதற்கு பழி வாங்குவோம் என்று ஈரான் அரசு சபதம் எடுத்துள்ளது. கொடுங்கோலர்களுக்கு எதிரான ஒரு பெரிய எழுச்சிக்கான தொடக்கமாக கமேனியின் கொலை இருக்கும் என்றும் கொமேனி மறைவுக்கு ஈரானில் 40 நாள்கள் துக்கம் அனுசரிக்கப்படும் எனவும் தெரிவித்துள்ளது.
News March 1, 2026
மனைவியால் விஜய்க்கு இப்படியொரு நிலையா?
ஆட்சியில் பங்கு மற்றும் 40+1 தொகுதிகளை கேட்டு திமுகவுக்கு அழுத்தம் கொடுத்த அதே நேரத்தில், தவெகவுடன் காங்., கூட்டணி பேச்சுவார்த்தை நடத்தியதாக கூறப்பட்டது. இதற்கிடையில் விஜய் மனைவி சங்கீதா விவகாரத்து கேட்டு வழக்குத் தொடுத்தார். இந்த செய்தி வெளியான பின்னரே தவெகவுடன் கூட்டணி அமைக்கும் முடிவில் இருந்து பின் வாங்கிய <<19261440>>காங்.,<<>> திமுகவுடனும் அதிகாரப்பூர்வ பேச்சுவார்த்தையை தொடங்கியதாம்.
News March 1, 2026
திமுக கூட்டணி.. ஒரே நாளில் மாறியது
மனிதநேய மக்கள் கட்சி, SDPI, மஜக, முக்குலத்தோர் புலிப்படை, கொங்கு இளைஞர் பேரவை ஆகிய கட்சிகள் உதய சூரியன் சின்னத்தில் போட்டியிட சம்மதம் தெரிவித்துள்ளதாக தகவல் வெளியாகியுள்ளது. இந்த மாற்றத்திற்கு ஒப்புக்கொண்டதால், வெற்றி வாய்ப்பு அதிகரிக்கும் என திமுக தலைமை கருதுகிறதாம். அதேநேரம், 2021 தேர்தலைப் போன்றே மதிமுக, தவாக, கொமதேக கட்சிகளை உதய சூரியன் சின்னத்திலேயே போட்டியிடுமாறு திமுக வலியுறுத்தியுள்ளதாம்.
Featured News
Sorry, no posts matched your criteria.