India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 11, 2025
இந்தியருக்கு அரசியல் சாசனமே புனித நூல்: பி.ஆர்.கவாய்
தான் எப்போதும் அதிகார பரவலாக்கத்தின் ஆதரவாளர் என்று SC தலைமை நீதிபதி பி.ஆர்.கவாய் தெரிவித்துள்ளார். நீதி, மக்களின் வீட்டு வாசலை சென்றடைய வேண்டும்; அதிகார மண்டபங்கள் இருக்கக்கூடாது. நாட்டின் வளர்ச்சிக்காக நமது கலாச்சாரம் மற்றும் பாரம்பரியத்தை பலி கொடுக்கக் கூடாது எனக் கூறிய அவர், ஒவ்வொரு இந்தியருக்கும் அரசியல் சாசனமே புனித நூல், அதைத்தான் நம்ப வேண்டும் எனவும் தெரிவித்துள்ளார்.
News August 11, 2025
தேர்தல் வியூகத்தை கூர் தீட்டும் பாஜக
சட்டமன்ற தேர்தலுக்கான வியூகம், கூட்டணி, கட்சிப் பணிகள் குறித்து பாஜக மாநில நிர்வாகிகளுடன் தேசிய பொதுச் செயலாளர் BL சந்தோஷ் ஆலோசனை நடத்தியுள்ளார். இதில் பாமக, தேமுதிகவை கூட்டணியில் இணைப்பதை பற்றியும் பேசப்பட்டுள்ளது. கடந்த கால கசப்புகளை மறந்து அதிமுக – பாஜக கூட்டணியை வெற்றி பாதைக்கு கொண்டு செல்ல உழைக்க நிர்வாகிகளுக்கு அறிவுறுத்தப்பட்டுள்ளது. OPS-ஐ சமாதானம் செய்யவும் பாஜக முயற்சிக்கிறதாம்.
News August 11, 2025
புதிய வாரிசை களமிறக்கிய ராமதாஸ்
ராமதாஸ் – அன்புமணி இடையிலான மோதல் உச்சகட்டத்தை எட்டியதால் பாமக இரண்டாக பிரிந்துள்ளது. இந்நிலையில், அன்புமணிக்கு பதிலாக ராமதாஸ் புதிய வாரிசை அரசியலில் களமிறக்கியுள்ளார். நேற்று நடந்த பாமக மகளிர் மாநாட்டில் ராமதாஸுடன் மகள் காந்திமதியும் பங்கேற்றார். அதுமட்டுமல்லாமல், ராமதாஸின் மகள் வழிப்பேரன் முகுந்தனின் சகோதரர் சுகுந்தனும் பங்கேற்றது அரசியல் ரீதியாக கவனத்தை ஈர்த்துள்ளது.
News August 11, 2025
SPORTS ROUNDUP: ஈட்டி எறிதலில் IND வீராங்கனை முதலிடம்!
◆உலக தடகள கான்டினென்டல் டூர்: ஈட்டி எறிதலில் IND வீராங்கனை அன்னு ராணி முதலிடம்.
◆2வது ODI: 37 ஓவரில் PAK 171/7 எடுத்த போது மழை குறுக்கிட்டது. 181 டார்கெட்டை துரத்திய WI, 33.2 ஓவரில் 184/5 எடுத்து வெற்றி.
◆சின்சினாட்டி ஓபன்: சபலென்கா(பெலாரஸ்) & ரிபாகினா(கஜகஸ்தான்) 3வது சுற்றுக்கு முன்னேற்றம்.
◆IPL 2026: தமிழக வீரர்கள் RS. அம்ப்ரிஷ் & இசக்கி முத்து ஆகியோரை தேர்வுக்கான சோதனைக்கு அழைத்துள்ளது CSK.
News August 11, 2025
கூலி படத்தில் SK?
ரிலீசுக்கு இன்னும் ஓரிரு நாள்களே உள்ள நிலையில், ‘கூலி’ படத்தின் மீது ரசிகர்களுக்கு பெரிய எதிர்பார்ப்பு கிளம்பியுள்ளது. படத்தில் LCU கனெக்ஷனாக புது ரோலில் SK நடித்துள்ளதாகவும் சில நாள்களாக சோஷியல் மீடியாவில் தகவல் பரவி வருகிறது. ஆனால், தற்போது வெளிவரும் செய்திகளின் படி, SK இந்த படத்தில் நடிக்கவில்லையாம். ‘கூலி’ கதைக்கு முன்பு ரஜினியிடம் லோகேஷ் சொன்ன Fantasy கதையில்தான், SK நடிப்பதாக இருந்ததாம்.
News August 11, 2025
இன்று முதல் இபிஎஸ் மீண்டும் சுற்றுப்பயணம்
இபிஎஸ் 3-ம் கட்ட சுற்றுப்பயணத்தை இன்று முதல் தொடங்குகிறார். உடல்நிலை சரியில்லாத காரணத்தால் சுற்றுப்பயணம் ஒத்திவைக்கப்படும் என கூறப்பட்டது. ஆனால், இன்று கிருஷ்ணகிரியில் சுற்றுப்பயணத்தை மேற்கொள்ளும் அவர், 19-ம் தேதி வேலூரில் நிறைவு செய்கிறார். இந்த பயணத்தின்போது மாற்றுக்கட்சியினர் இணைப்பு விழாவும் நடத்த ஏற்பாடு செய்யப்பட்டுள்ளது. இதற்கான பணிகளை அந்தந்த மாவட்டச் செயலாளர்கள் கவனித்து வருகின்றனர்.
News August 11, 2025
‘யுத்த நாயகன்’ காலமானார்
ஓய்வு பெற்ற இந்திய விமானப்படை குரூப் கேப்டன் டிகே பருல்கார், நேற்று காலமானார். 1965 இந்திய – பாகிஸ்தான் போரின் போது, இவரது விமானம் எதிரிகளால் சுடப்பட்டது. விமானத்தை விட்டுவிட்டு அங்கிருந்து புறப்படுமாறு உயர் அதிகாரிகள் கூறினாலும், விமானத்துடன் நாட்டிற்கு வந்த தீரன் இவர். அதேபோல், 1971 பாகிஸ்தான் போரின் போது, போர் கைதியாக இவர் பிடிபட்டார். ஆனால், அங்கிருந்து தப்பித்து இந்தியா வந்தடைந்தார்.
News August 11, 2025
வணிகமயமான கல்வி, மருத்துவம்: மோகன் பகவத்
கல்வி, மருத்துவம் ஆகியவை இன்று எளிய மக்களுக்கு எட்டாக்கனியாகிவிட்டதாக RSS தலைவர் மோகன் பகவத் கூறியுள்ளார். ஒரு காலத்தில் சேவை துறைகளாக இருந்த கல்வி, மருத்துவம் இப்போது வணிகமயம் ஆகிவிட்டதாகவும் அவர் கவலை தெரிவித்துள்ளார். தரமான புற்றுநோய் சிகிச்சை என்பது இந்தியாவில் 8 – 10 நகரங்களில் மட்டுமே கிடைப்பதாகவும் அவர் குறிப்பிட்டுள்ளார். மோடி தலைமையிலான அரசு குறித்த விமர்சனமாகவே இது பார்க்கப்படுகிறது.
News August 11, 2025
கேஸ் அடுப்பு வாங்குவதற்கு முன்.. இத கவனியுங்க!
பல பிராண்டுகளில் கேஸ் அடுப்புகள் கிடைப்பதால், அவற்றில் எது தரமானது என்ற குழப்பம் இனி வேண்டாம். கேஸ் அடுப்புகளுக்கு ஸ்டார் ரேட்டிங் வழங்கும் திட்டம் 2026 ஜனவரி முதல் அமலுக்கு வரும் என மத்திய மின்சார அமைச்சகம் அறிவித்துள்ளது. இந்த ரேட்டிங், அடுப்புகளின் நீடிக்கும் திறன், சூடாக்கும் திறன் மற்றும் தரத்தின் அடிப்படையில் தீர்மானிக்கப்பட்டு, அடுப்பின் மீதே ஒட்டப்பட்டிருக்கும். SHARE IT.
News August 11, 2025
சுதந்திர தினம்.. இன்று முதல் அதிரடி ஆஃபர்
சுதந்திர தினத்தையொட்டி, ‘Air India Express’ விமான பயண கட்டணத்தில் அதிரடி ஆஃபர் அறிவித்துள்ளது. இன்று முதல் 15-ம் தேதி நள்ளிரவு 11.59 மணி வரை விமான டிக்கெட்டுகளை முன்பதிவு செய்யும் 50 லட்சம் பயணியருக்கு கட்டணத்தில் சலுகை அளிக்கப்படுகிறது. அதன்படி, உள்நாட்டு விமான பயண கட்டணம் ₹1,279, சர்வதேச விமான பயண கட்டணம் ₹4,279லிருந்து தொடங்குகிறது. இதை பொதுமக்கள் பயன்படுத்திக் கொள்ளவும்.
Featured News
Sorry, no posts matched your criteria.