News April 17, 2024
இனி ரூ.1 இலட்சம் எடுக்கலாம்
ஊழியர்களின் ஓய்வூதிய நிதி அமைப்பு விதிகளில் சில மாற்றங்கள் கொண்டு வரப்பட்டுள்ளன. இது தொடர்பாக EPFO வெளியிட்டுள்ள அறிக்கையின்படி, மருத்துவச் சிகிச்சைக்காக ஊழியர்கள் இனி ரூ.1 இலட்சம் வரையிலான பணத்தைத் திரும்பப் பெற முடியும். இதற்கு முன்னதாக, இந்த வரம்பு ரூ.50,000ஆக இருந்தது. படிவம் 68Jஐ பயன்படுத்தி சந்தாதாரர் அல்லது குடும்ப உறுப்பினரின் மருத்துவச் சிகிச்சைக்காக முன் பணம் கோரலாம்.
Similar News
News April 6, 2026
மகளிர் உரிமைத் தொகை.. வழக்கில் தமிழக அரசு அப்டேட்
1.31 கோடி பேருக்கு மகளிர் உரிமைத் தொகை வழங்கப்பட்டு வருகிறது. இந்நிலையில், கிருஷ்ணகிரியை சேர்ந்த பெண்கள், தங்களுக்கு தகுதி இருந்தும் உரிமைத் தொகை கிடைக்கவில்லை என சென்னை ஐகோர்ட்டில் வழக்கு தொடர்ந்தனர். இது விசாரணைக்கு வந்தபோது, மகளிர் உரிமைத் தொகை தொடர்பான மனுதாரர்களின் கோரிக்கை மே 4-ம் தேதிக்கு பிறகு பரிசீலிக்கப்படும் என தமிழக அரசு விளக்கம் அளித்தது. இதன்பின், விசாரணை ஒத்திவைக்கப்பட்டுள்ளது.
News April 6, 2026
KKR Vs PBKS : போட்டி நடக்குமா?
இன்று கொல்கத்தாவில் நடைபெறவுள்ள KKR, PBKS அணிகள் இடையிலான போட்டியில் மழையின் குறுக்கீடு இருக்கலாம் என தகவல்கள் தெரிவிக்கின்றன. முன்னதாக, மழை காரணமாக இரு அணி வீரர்களும் ஈடன் கார்டன்ஸில் பயிற்சி மேற்கொள்ளவில்லை. ஆடுகளமும் தார்ப்பாய் போட்டு மூடப்பட்டுள்ளது. வானிலை ஆய்வு மைய தகவலின்படி, இரவு 8 மணிக்கு மேல் 90% மழைக்கு வாய்ப்புள்ளதாம். போட்டி ரத்தானால் இரு அணிகளுக்கும் தலா ஒரு புள்ளி வழங்கப்படும்.
News April 6, 2026
EPS-ஐ பந்தயத்துக்கு அழைத்த துரைமுருகன்
தனது உடல்நலன், வயது மூப்பு குறித்த EPS-ன் பேச்சுக்கு துரைமுருகன் பதிலடி கொடுத்துள்ளார். வேலூர் பிரசாரத்தில் பேசிய EPS, எழுந்து நடக்கவே முடியாத துரைமுருகனால் எப்படி தொகுதி முழுக்க சென்று மக்களின் குறைகளை கேட்க முடியும் என கேள்வி எழுப்பியிருந்தார். இதற்கு பதிலளித்துள்ள துரைமுருகன், வேண்டுமென்றால் EPS-ஐ என்னுடன் நடைபயிற்சி போட்டிக்கு வரச் சொல்லுங்கள் பார்க்கலாம் என கூறி அழைப்பு விடுத்துள்ளார்.