News October 14, 2025
Google Maps-க்கு சவால் விடும் ‘MapmyIndia’
‘அரட்டை App’ உலகளவில் கவனிக்கப்பட்டுள்ள நிலையில், அதே போல தற்போது ‘MapmyIndia’ என்ற App-க்கும் வரவேற்பு கூடியுள்ளது. மத்திய அமைச்சர் அஸ்வினி வைஷ்ணவ்வின் பதிவை தொடர்ந்து, இந்தியர்களின் கவனத்தை பெற்ற இந்த App, 3.5 கோடி டவுன்லோட்களை பெற்றுள்ளது. 1995-ல் ராகேஷ் & ரஷ்மி வர்மா என்ற இந்தியர்கள் உருவாக்கிய இந்த App-ல் துல்லியமான Map-களும், மேடுகள் பள்ளங்கள் குறித்து எச்சரிக்கைகளும் இடம் பெற்றுள்ளன.
Similar News
News October 14, 2025
BREAKING: தமிழ்நாட்டில் பட்டாசு வெடிக்க கட்டுப்பாடு
தீபாவளியன்று பட்டாசு வெடிக்க தமிழக அரசு நேரக் கட்டுப்பாடு விதித்துள்ளது. அதன்படி, அக்.20 அன்று காலை 6 மணி முதல் 7 மணி வரையும், இரவில் 7 மணி முதல் 8 மணி வரையும் மட்டுமே பட்டாசு வெடிக்க வேண்டும் எனத் தெரிவிக்கப்பட்டுள்ளது. குறைந்த ஒலி, குறைந்த மாசு ஏற்படுத்தும் பசுமைப் பட்டாசுகளையே வெடிக்குமாறு அறிவுறுத்தப்பட்டுள்ளது. இதனை மீறினால் நடவடிக்கை எடுக்கப்படும் எனக் குறிப்பிடப்பட்டுள்ளது. SHARE IT.
News October 14, 2025
முதற்கட்ட வேட்பாளர் பட்டியலை வெளியிட்டது பாஜக
பிஹாரில் கூட்டணி ஒப்பந்தத்தின்படி 101 தொகுதிகளில் பாஜக போட்டியிடுகின்றது. இந்நிலையில், 71 வேட்பாளர்கள் அடங்கிய முதற்கட்ட வேட்பாளர் பட்டியலை பாஜக வெளியிட்டது. மீதமுள்ள 30 வேட்பாளர்கள் விரைவில் அறிவிக்கப்படுவார்கள் என கூறப்படுகிறது. DCM சாம்ராட் சவுத்ரி, தாராப்பூர் தொகுதியிலும், மற்றொரு DCM விஜயகுமார் சின்ஹா, லக்கிசாராய் தொகுதியிலும் போட்டியிட உள்ளனர். 9 பெண் வேட்பாளர்கள் பட்டியலில் உள்ளனர்.
News October 14, 2025
₹1,000 மகளிர் உரிமைத் தொகை.. நாளை ரெடியா இருங்க!
சுமார் 1.15 கோடி பேருக்கு தமிழக அரசின் மகளிர் உரிமைத் தொகை வழங்கப்பட்டு வருகிறது. இதுவரை 25 தவணையாக ₹1,000 வழங்கப்பட்டுள்ள நிலையில், 26-வது தவணை பணம் நாளை வரவு வைக்கப்பட உள்ளது. மேலும், புதிதாக விண்ணப்பித்தவர்களின் மனுக்கள் மீதான கள ஆய்வையும் அரசு தொடங்கியுள்ளது. அவர்களுக்கும் விரைவில் பணம் டெபாசிட் செய்யப்படும். SHARE IT.