News April 26, 2025
புதுச்சேரியில் மதுபான விலை உயருகிறது
புதுச்சேரி அமைச்சரவைக் கூட்டத்தில் 2025-26ம் ஆண்டு பட்ஜெட் நலத்திட்டங்களுக்கு நிதி தேவைப்படுவதால், மதுபானம் மீதான கலால் வரி உள்ளிட்ட வரிகளை உயர்த்த முடிவு செய்யப்பட்டது. இந்த வரி உயர்வால், புதுச்சேரியில் மதுபான விலை கணிசமாக உயரக்கூடும் எனக் கூறப்படுகிறது. புதுச்சேரி மது விலை குறைவு என்பதால், தமிழகத்தில் இருந்தும் பலர் அதை வாங்கி அருந்துவர். ஆதலால் மது பிரியர்களை இது அதிர்ச்சியில் ஆழ்த்தியுள்ளது.
Similar News
News January 17, 2026
திங்கள்கிழமை பள்ளிகளுக்கு விடுமுறையா?
பொங்கல் பண்டிகையை ஒட்டி, பள்ளிகளுக்கு ஜன.14 – 18 வரை விடுமுறை அளிக்கப்பட்டுள்ளது. இந்த விடுமுறையை மாணவர்கள் படுகுஷியாக கொண்டாடி வருகின்றனர். இந்நிலையில், சொந்த ஊருக்கு சென்றவர்கள் மீண்டும் திரும்ப ஏதுவாக திங்கள்கிழமை அன்றும் விடுமுறை அளிக்க பெற்றோர், பொதுமக்கள் கோரிக்கை வைத்துள்ளனர். இதனால் ஞாயிற்றுக்கிழமை ஏற்படும் கூட்ட நெரிசலில் சிரமத்தை சந்திக்காமல் இருக்கலாம் எனவும் அவர்கள் கூறுகின்றனர்.
News January 17, 2026
பலாத்காரத்துக்கு காரணம் அழகு தான்: காங்., MLA
ஒரு அழகான பெண் சாலையில் நடந்து செல்வதை பார்த்தால் எந்த ஆணும் சலனப்படத்தான் செய்வான். அதுதான் பலாத்காரத்துக்கு காரணம் என மத்திய பிரதேச காங்., MLA பூல்சிங் பரையா கூறியுள்ளது சர்ச்சையாகியுள்ளது. மேலும் SC, ST வகுப்பைச் சேர்ந்த பெண்கள் அழகற்றவர்கள் எனவும் அவர் கூறியுள்ளார். இதனையடுத்து அவரை கட்சியில் இருந்து நீக்கக்கோரி ராகுல்காந்திக்கு அம்மாநில CM மோகன் வலியுறுத்தியுள்ளதால் பரபரப்பு ஏற்பட்டுள்ளது.
News January 17, 2026
அது BRICS நாடுகளின் பயிற்சி அல்ல: INDIA
தென்னாப்பிரிக்கா கடற்பரப்பில் நடந்த பலதரப்பு கடற்படை பயிற்சியில் இந்தியா பங்கேற்காதது சர்ச்சையானது. இந்நிலையில் அது BRICS-ன் அதிகாரப்பூர்வ பயிற்சி அல்ல என்றும், அனைத்து பிரிக்ஸ் உறுப்பு நாடுகளும் அதில் பங்கேற்கவில்லை என்றும் இந்திய அரசு தெரிவித்துள்ளது. BRICS 2026 மாநாடு இந்தியாவில் நடைபெற உள்ள நிலையில், IBSAMAR கடற்பயிற்சியில் மட்டுமே இந்தியா பங்கேற்கும் எனவும் தெரிவிக்கப்பட்டுள்ளது.