News February 22, 2025
100 பெண்களுடன் டேட்டிங்.. பலே ஆசாமி கைது
டெல்லியைச் சேர்ந்த மனோஜ் கல்யாண், திருமண செயலி மூலம் கிடைத்த எண்களை கொண்டு 100 பெண்களுடன் பழகியுள்ளார். காவலாளியான அவர், மெட்ரோ ரயில் நிறுவன அதிகாரி எனக் கூறி, திருமணம் செய்வதாக சொல்லி நம்ப வைத்துள்ளார். பின்னர் அவர்களிடம் இருந்து ஏடிஎம் அட்டை, கிரெடிட் கார்டுகளை வாங்கி ரூ.3 கோடி வரை பணம் செலவழித்துள்ளார். 2 பெண்கள் அளித்த புகாரின்பேரில் விசாரித்த பாேலீஸ், கல்யாணை கைது செய்துள்ளது.
Similar News
News February 23, 2025
PM Kisan: வங்கிக் கணக்கில் நாளை ரூ.2000
மத்திய அரசின் PM-KISAN திட்டத்தின் கீழ் விவசாயிகளுக்கு வழங்கப்படும் ரூ.2000 உதவித்தொகை நாளை வங்கிக் கணக்கில் வரவு வைக்கப்படவுள்ளது. 19ஆவது தவணையான இந்த உதவித் தொகையை நாடு முழுவதும் 9.8 கோடி விவசாயிகள் பெற உள்ளனர். முன்னதாக, இந்த உதவித்தொகையை வழக்கமாகப் பெறும் விவசாயிகள், தங்களது வங்கிக் கணக்கில் E-KYCயை செய்து முடிக்கவும். இல்லையெனில் கணக்கில் பணம் வராது என்பதை கவனத்தில் கொள்ளுங்கள்.
News February 23, 2025
கார்த்தி சிதம்பரம் மீதான வழக்கில் மார்ச் 5இல் தீர்ப்பு
சி.பி.ஐ. விசாரணைக்கு தடை கோரிய கார்த்தி சிதம்பரம் மனு மீது மார்ச் 5ஆம் தேதி டெல்லி சிபிஐ நீதிமன்றம் தீர்ப்பளிக்கிறது. சீனர்களுக்கு விசா வாங்கி கொடுக்க ரூ.50 லட்சம் லஞ்சம் பெற்றதாக அவர் மீது சி.பி.ஐ. 2022இல் வழக்குப்பதிவு செய்தது. இதை எதிர்த்து கார்த்தி சிதம்பரம் தொடர்ந்த வழக்கை விசாரித்த நீதிபதி காவேரி பவேஜா, இருதரப்பு வாதங்களையும் கேட்ட நிலையில், தீர்ப்பை மார்ச் 5ஆம் தேதி ஒத்திவைத்துள்ளார்.
News February 23, 2025
கங்கை நதியின் அதிசய சக்தி.. ஆராய்ச்சியாளர்கள் வியப்பு!
கங்கை நதி பிற நன்னீர் நதிகளை விட 50 மடங்கு வேகமாக கிருமிகள் மற்றும் மாசுபடுத்திகளை அழிக்கும் திறனைக் கொண்டுள்ளது என்று நீரியல் நிபுணர் அஜய் சோன்கர் கூறி தெரிவித்துள்ளார். நன்னீர் நதியான கங்கையில், 1,100 வகையான இயற்கையான பாக்டீரியா கொல்லிகள் (பாக்டீரியோபேஜ்) உள்ளதாகவும், இவை மாசுபாட்டை நீக்கி, அவற்றின் எண்ணிக்கையை விட 50 மடங்கு அதிகமான கிருமிகளை கொன்று சுத்திகரிக்கின்றன என்றும் அவர் கூறியுள்ளார்.