News October 11, 2025
90 பேருக்கு இன்று கலைமாமணி விருது வழங்கும் CM ஸ்டாலின்
TN அரசின் இயல், இசை, நாடக மன்றத்தின் மூலம் 2021, 2022, 2023-ம் ஆண்டுக்கான கலைமாமணி விருதுகளை 90 பேருக்கு CM ஸ்டாலின் இன்று வழங்குகிறார். கலைவாணர் அரங்கில் நடைபெறும் விழாவில், நடிகர்கள் SJ சூர்யா, விக்ரம் பிரபு, நடிகைகள் சாய் பல்லவி, மெட்டி ஒலி காயத்ரி உள்ளிட்டோர் விருதுகளை பெற உள்ளனர். மேலும், பாரதியார் விருது, MS சுப்புலட்சுமி விருது, பாலசரஸ்வதி விருதும் வழங்கப்படவுள்ளன.
Similar News
News October 11, 2025
பெண் மேலாளரை மிரட்டிய ஜிம் உரிமையாளர் கைது
திருமுல்லைவாயலை சேர்ந்த சீனிவாசன் என்பவர் சென்னையில் 15 உடற்பயிற்சி கூடங்களை நடத்தி வருகிறார். அதில் ஆழ்வார்பேட்டையில் உடற்பயிற்சி கூடத்தின் பெண் மேலாளரிடம் தனியாக ஜிம் வைத்து தருவதாக கூறி அப்பெண் பெயரில் வங்கியில் ரூ.1.75 கோடி கடன் வாங்கியுள்ளார். கடனை கேட்டபோது சீனிவாசன் மிரட்டியதாக இளம்பெண் போலீசில் புகார் அளித்தார். இதன் அடிப்படையில் சீனிவாசன் கைது செய்யப்பட்டார்.
News October 11, 2025
பிரஸ்மீட்டில் பெண்களுக்கு இடமில்லையா?
டெல்லியில் நேற்று நடந்த தாலிபன் அமைச்சர் அமீர் கான் முத்தகியின் செய்தியாளர்கள் சந்திப்பில், பெண் செய்தியாளர்கள் அனுமதிக்கப்படாதது சர்ச்சையை ஏற்படுத்தியுள்ளது. இந்திய மண்ணில் தாலிபன்களின் பெண் ஒதுக்கல் கொள்கையை ஏற்றுக்கொள்ள முடியாது என பலரும் கண்டனம் தெரிவித்துள்ளனர். ஆப்கனில் பெண்கள் படிக்கவும், வேலை செய்யவும், பொதுவெளியில் நடமாடவும் தாலிபன்கள் கடும் கட்டுப்பாடு விதித்துள்ளது குறிப்பிடத்தக்கது.
News October 11, 2025
சீனாவிற்கு 100% வரி.. வர்த்தக போரை அறிவித்த டிரம்ப்
சீனாவில் இருந்து அமெரிக்காவிற்கு இறக்குமதி செய்யப்படும் பொருள்களுக்கு டிரம்ப் 100% வரிவிதித்துள்ளார். இந்த புதிய வரிவிதிப்பு வரும் நவ.1 முதல் அமலாகும் எனவும், வர்த்தகத்தில் ஆணவப்போக்குடன் செயல்படும் சீனாவால் உலகின் அனைத்து நாடுகளும் பாதிக்கப்படுவதாகவும் அவர் கூறியுள்ளார். தங்களது அரிய கனிம வளங்களை ஏற்றுமதி செய்ய சீனா கடும் கட்டுப்பாடுகள் விதித்த நிலையில், டிரம்ப் இவ்வாறு அறிவித்துள்ளார்.