Vellore

News November 5, 2024

5 லட்சம் அபராதம் விதித்த நுகர்வோர் கோர்ட்

சாய்நாதபுரத்தை சேர்ந்தவர் தாட்சாயினி அல்லாபுரத்தில் உள்ள தேசிய வங்கியில் கடன் வாங்கினார். கடனை அடைத்தும் தடையில்லா சான்றிதழ் வழங்காததால் வேலூர் நுகர்வோர் கோட்டில் வழக்கு தொடர்ந்திருந்தார். இதில் நேற்று நீதிபதி மீனாட்சி சுந்தரம் அதிரடி தீர்ப்பு வழங்கினர். அதில் சேவை குறைபாட்டிற்கு இழப்பீடாக ரூ.5 லட்சம் மற்றும் மன உளைச்சல் ஏற்படுத்தியதற்காக ரூ.25 ஆயிரம் என அபராதம் விதித்து அதிரடி உத்தரவிட்டார்.

News November 5, 2024

வேலூர்: மேலும் 25 பேருந்துகளுக்கு அபராதம்

தீபாவளி பண்டிகையையொட்டி ஆம்னி பஸ்களில் கூடுதல் கட் டணம் வசூலிக்கப்படுவதை தடுக்க சோதனை செய்யப்பட்டது. அதன்படி 3ம் தேதிவரை 3 நாட்கள் வேலூர் சரகத்தில் சோதனையில் போக்குவரத்து விதிமீறிய 101 ஆம்னி பஸ்களுக்கு ரூ.7,18,750 அபராதம் விதிக்கப்பட்டது. தொடர்ந்து நேற்றுடன் சோதனை நிறைவடைந்தது. இதில் கூடுதலாக 25 பஸ்களுக்கு ரூ.97,500 அபராதம் விதிக்கப்பட்டதாக வட்டார போக்குவரத்துத் அதிகாரிகள் தெரிவித்தனர்

News November 4, 2024

வேலூர் முன்னாள் ராணுவ வீரர் வீட்டில் நகை, பணம் திருட்டு

வேலூர் அரியூரை சேர்ந்தவர் பிரகாஷ் (43). முன்னாள் ராணுவ வீரரான இவர் அக்.31ஆம் தேதி குடும்பத்துடன் தீபாவளி பண்டிகை கொண்டாட தனது மாமியார் வீட்டிற்கு சென்றார். நேற்று இரவு மீண்டும் வீடு திரும்பிய போது வீட்டின் பூட்டு உடைக்கப்பட்டு பீரோவில் வைத்திருந்த ஒன்றரை சவரன் நகை, ரூ.40,000 திருடு போயுள்ளது. இதுகுறித்து அரியூர் போலீசில் பிரகாஷ் நேற்று புகாரளித்தார்.

News November 4, 2024

வேலூர் மாவட்ட ஆட்சியரின் முக்கிய அறிவிப்பு

வேலூரில் தனியார் தொண்டு நிறுவனங்களால் நடத்தப்பட்டு வரும் முதியோர் இல்லங்கள், மகளிர் விடுதிகள், குழந்தைகளுக்கான இல்லங்கள் ஆகியவை சமூக நல அலுவலகத்தின் கீழ் பதிவு செய்திட வேண்டும். முதியோர் இல்லத்திற்கு ww.seniorcitizenhomes, tnsocialwelfare.tn.gov.in என்ற இணையதளத்திலும், பெண்கள், குழந்தைகளுக்கான விடுதிகளை https://tnswp.com என்ற இணையதளம் வாயிலாக விண்ணப்பிக்குமாறு மாவட்ட கலெக்டர் தெரிவித்துள்ளார்.

News November 4, 2024

கோவைக்கு விரைந்த வேலூர் போலீசார்

கோவைக்கு நாளை முதல்வர் மு.க.ஸ்டாலின் வருகையொட்டி, வேலூர் மாவட்டத்தில் இருந்து பாதுகாப்பு பணிக்காக 2 இன்ஸ்பெக்டர்கள் தலைமையில் 70 போலீசார் கோவை மாவட்டத்திற்கு இன்று காலை (நவம்பர் 4) புறப்பட்டு சென்றனர். அவர்கள் அங்கு 2 நாட்கள் பாதுகாப்பு பணியில் ஈடுபட உள்ளதாக வேலூர் மாவட்ட காவல்துறை சார்பில் தகவல் தெரிவிக்கப்பட்டுள்ளது.

News November 4, 2024

பொதுமக்கள் குறைதீர் கூட்டத்தில் 332 கோரிக்கை மனுக்கள்

வேலூர் மாவட்ட ஆட்சியர் அலுவலக காயிதே மில்லத் கூட்டரங்கில் இன்று (நவ.4) மக்கள் குறைதீர்வு நாள் கூட்டம் மாவட்ட ஆட்சித்தலைவர் சுப்புலெட்சுமி தலைமையில் நடைபெற்றது. இதில் பொதுமக்களிடமிருந்து 332 கோரிக்கை மனுக்கள் பெறப்பட்டன. இக்கூட்டத்தில் மாவட்ட வருவாய் அலுவலர் மாலதி, ஊரக வளர்ச்சி முகமை திட்ட இயக்குநர் செந்தில் குமரன், மற்றும் துறை சார்ந்த அலுவலர்கள் கலந்து கொண்டனர்.

News November 4, 2024

ஈம சடங்கிற்கான உதவித்தொகை வழங்கிய கலெக்டர்

வேலூர் மாவட்ட ஆட்சியர் அலுவலகத்தில் இன்று (நவம்பர் 4) நடந்த நிகழ்ச்சியில் மாவட்ட ஆட்சித்தலைவர் சுப்புலட்சுமி மாற்றுத்திறனாளிகள் நல வாரியத்தின் மூலம் இயற்கை மரணம் அடைந்த 10 மாற்றுத்திறனாளிகளின் வாரிசுதாரர்களுக்கு ஈம சடங்கிற்கான உதவித்தொகை தலா 17,000 வீதம் 1,70,000 மதிப்பிலான காசோலைகளை வழங்கினார். இதில் மாவட்ட வருவாய் அலுவலர் மாலதி உள்ளிட்ட துறை சார்ந்த அதிகாரிகள் கலந்து கொண்டனர்.

News November 4, 2024

கூடைப்பந்து லீக் போட்டிகள் தொடங்கியது

வேலூர் மாவட்ட கூடைப்பந்து சங்கம் சார்பில் 2024 ‘லீக்’ கூடைப்பந்து போட்டி வேலூர் பெரியார் பூங்கா விளையாட்டு மைதானத்தில் நேற்று தொடங்கியது. இதில் 14 மற்றும் 18 வயதுக்குட்பட்ட ஆண்கள், பெண்களுக்கு நடைபெறும் இந்த போட்டியில் 30-க்கும் மேற்பட்ட அணிகளில் இருந்து 200-க்கும் மேற்பட்டோர் பங்கேற்றனர். மேலும் அடுத்த இரண்டு மாதங்களில் சனி, ஞாயிற்றுக்கிழமைகளில் இப்போட்டிகள் நடைபெறும்.

News November 4, 2024

காட்பாடி ரயில் நிலையத்தில் பயணிகள் கூட்டம் அலைமோதல்

தீபாவளி பண்டிகைக்கு சொந்த ஊருக்கு வந்திருந்த பொதுமக்கள் 4 நாட்கள் விடுமுறை முடிந்து நிலையில் நேற்று மீண்டும் தாங்கள் பணிபுரியும் ஊர்களுக்கு திரும்பி சென்றனர். இதனால் வேலூர் மாவட்டம் காட்பாடி ரயில் நிலையத்தில் நேற்று இரவு 7 மணியளவில் பயணிகள் கூட்டம் அலைமோதியது. பயணிகள் கூட்டம் அதிகமாக இருந்ததால் ரயில்வே போலீசார் தீவிர பாதுகாப்பு பணியில் ஈடுபட்டிருந்தனர்.

News November 4, 2024

4 நாட்கள் விதி மீறிய ஆம்னி பஸ்களுக்கு ரூ.7,18,000 அபராதம்

தீபாவளி பண்டிகையொட்டி ஆம்னி பஸ்களில் கூடுதல் கட்டணம் வசூலிப்பதை தடுக்க வேலூர் வட்டார போக்குவரத்து கமிஷனர் பட்டாபசாமி மேற்பார்வையில் பள்ளிகொண்டா, வாணியம்பாடி, கிருஷ்ணகிரி, உள்ளிட்ட பகுதிகளில் சிறப்பு வாகன சோதனை நடைபெற்றது. இதில் 959 ஆம்னி பஸ்கள் சோதனை செய்து. அவற்றில் விதி மீறிய 101 பஸ்களுக்கு ரூ.7 லட்சத்து 18 ஆயிரத்து 750 அபராதம் விதிக்கப்பட்டது.

…

9

…

Featured News

Sorry, no posts matched your criteria.

↑