India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tuticorin
News October 4, 2024
விவசாய நிலம் வாங்க வங்கி மூலம் கடன்
தூத்துக்குடி மாவட்டத்தில் தாட்கோ மூலம் மகளிர் நில உடமை திட்டத்தின் கீழ் விவசாயிகளை ஊக்குவிக்கும் வகையில் விவசாயம் நிலம் வாங்க விவசாயிகளுக்கு இந்தியன் ஓவர்சீஸ் வங்கி மூலம் மானிய தொகையுடன் குறைந்த வட்டியில் கடன் வழங்க நடவடிக்கை எடுக்கப்பட்டுள்ளது. இதனை பயன்படுத்திக் கொள்ள தூத்துக்குடி மாவட்ட ஆட்சியர் இளம்பகவத் கேட்டுக் கொண்டுள்ளார்.
News October 4, 2024
புகைப்பட போட்டி கால அவகாசம் நீடிப்பு
தூத்துக்குடியில் இன்று துவங்கி நடைபெற்று வரும் ஐந்தாவது புத்தகத் திருவிழா மற்றும் நெய்தல் கலை விழாவை முன்னிட்டு புகைப்பட போட்டி நடைபெறுவதாக அறிவிக்கப்பட்டிருந்தது. புகைப்படங்களை சமர்ப்பிக்க கடைசி தேதி இன்றுடன் (3) நிறைவு பெறுவதாக முதலில் அறிவிக்கப்பட்டிருந்த நிலையில் தற்போது இதற்காக கால அவகாசத்தை ஐந்தாம் தேதி வரை நீடித்துள்ளதாக அறிவித்துள்ளனர்.
News October 3, 2024
இரவு ரோந்து பாதுகாப்பு காவலர்கள்
தூத்துக்குடி மாவட்டத்தில் இரவு நேரங்களில் எந்தவித அசம்பாவித சம்பவங்களும் நடைபெற்று விடாமல் தடுக்கும் வகையில் இரவு நேரங்களில் காவல்துறையினர் ரோந்து பணியில் ஈடுபட்டு வருகின்றனர். அந்த வகையில் இன்று இரவு ரோந்து பணியில் ஈடுபடும் காவல்துறையினரின் விவரங்களை மாவட்ட காவல்துறை கண்காணிப்பாளர் அலுவலகம் வெளியிட்டுள்ளது.
News October 3, 2024
சென்னை – தூத்துக்குடி இடையே சிறப்பு ரயில்
ஆயுத பூஜை மற்றும் தொடர் விடுமுறை முன்னிட்டு சென்னை சென்ட்ரலில் இருந்து தூத்துக்குடிக்கு சிறப்பு ரயில் இயக்க உள்ளதாக தெரிவிக்கப்பட்டுள்ளது. இந்த ரயில் 8ஆம் தேதி இரவு சென்னையில் இருந்து புறப்பட்டு விழுப்புரம், திருச்சி, மதுரை, மணியாச்சி வழியாக தூத்துக்குடி வந்தடையும். மறுமார்க்கமாக தூத்துக்குடியில் இருந்து 9ஆம் தேதி காலை 9.30 மணிக்கு புறப்பட்டு செல்லும் என்று கூறப்பட்டுள்ளது.
News October 3, 2024
தனியார் வேலைவாய்ப்பு முகாம்
தூத்துக்குடி மாவட்ட வேலைவாய்ப்பு அலுவலக அலுவலகம் மற்றும் தொழில்நெறி மையம் ஆகியவை இணைந்து அக்.5 அன்று தூத்துக்குடி வ.உ.சி கல்லூரியில் மாபெரும் தனியார் வேலைவாய்ப்பு முகாம் நடைபெற உள்ளது. இதில் 100 முன்னணி நிறுவனங்கள் கலந்து கொள்ளும் நிலையில் சுமார் 5000 காலி பணியிடங்கள் நிரப்பப்பட உள்ளதாக தெரிவிக்கப்பட்டுள்ளது.
News October 3, 2024
காந்தி ஜெயந்தி: 89 நிறுவனங்கள் மீது நடவடிக்கை
தேசிய விடுமுறை தினமான காந்தி ஜெயந்தி அன்று கடைகள் வர்த்தக நிறுவனங்கள் உணவு நிறுவனங்களில் பணிபுரிபவர்களுக்கு விடுமுறை அளிக்கப்பட வேண்டும். தூத்துக்குடி மாவட்டத்தில் நேற்று(அக்.02) விடுமுறை அளிக்காத 45 கடைகள் 43 உணவு நிறுவனங்கள் ஒரு மோட்டார் நிறுவனம் உட்பட 89 நிறுவனங்கள் மீது நடவடிக்கை எடுக்கப்பட்டுள்ளதாக தொழிலாளர் நலத்துறை தெரிவித்துள்ளது.
News October 3, 2024
தூத்துக்குடியில் நான்கு தாசில்தார்கள் இடம் மாற்றம்
தூத்துக்குடி மாவட்டத்தில் நில எடுப்பு பிரிவில் பணியாற்றி வந்த கிருஷ்ணகுமாரி, செல்வகுமார், மணிகண்டன், லட்சுமி ஆகிய நான்கு தனி தாசில்தார்களை நெடுஞ்சாலை அழகு & திட்ட பணிகளுக்கு மாற்றம் செய்யப்பட்டுள்ளனர். இதே போல் 7 முதுநிலை வருவாய் ஆய்வாளர்களும் பணியிட மாற்றம் செய்து மாவட்ட ஆட்சியர் இளம் பகவத் உத்தரவிட்டுள்ளார்.
News October 3, 2024
திருச்செந்தூர் – நெல்லை, சென்னை செல்லும் ரயில்கள் 5 நாட்கள் ரத்து
திருச்செந்தூரில் இருந்து நெல்லைக்கு பயணிகள் ரயில் இயக்கப்படுகிறது. இந்நிலையில் நெல்லையில் தண்டவாளம் புதுப்பிக்கும் பணி நடைபெறுவதால் நாளை அக்.4 முதல் அக்.8ம் தேதி வரை ரயில் ரத்து செய்யப்பட்டுள்ளது. இதைப்போல் திருச்சியில் நடைபாதை பணிகள் நடைபெறுவதால் திருச்செந்தூரிலிருந்து சென்னை செல்லும் எக்ஸ்பிரஸ் ரயில் 6 ,8 ,10 தேதிகளில் இரவு 8:25 க்கு பதில் 10.35 மணிக்கு புறப்படும் என அறிவிக்கப்பட்டுள்ளது
News October 3, 2024
தூத்துக்குடி: காலநிலை மாற்ற அலுவலகத்தில் வேலை வாய்ப்பு
தூத்துக்குடி காலநிலை மாற்ற அலுவலகத்திற்கு ஒப்பந்த அடிப்படையில் தற்காலிகமாக தொழில்நுட்ப உதவியாளர்கள் கள அலுவலர்கள் தேர்ந்தெடுக்கப்பட உள்ளனர், தகுதியான பட்டப் படிப்பு படித்தவர்கள் இம்மாதம் 10 ம் தேதிக்குள் காலநிலை மாற்ற இயக்கம் வனத்துறை அலுவலகம் தூத்துக்குடி மாவட்ட ஆட்சியர் அலுவலகத்திற்கு விண்ணப்பிக்கலாம் என மாவட்ட ஆட்சியர் இளம் பகவத் தெரிவித்துள்ளார்
News October 2, 2024
தூத்துக்குடி அருகே வியாபாரி கொடூர கொலை
தூத்துக்குடி மீளவிட்டான் பகுதியைச் சேர்ந்தவர் ஜெய சுந்தர் (69). இவர் அப்பகுதியில் டீக்கடை நடத்தி வருகிறார். இன்று காலை இவர் அவரது டீக்கடையில் கொடூரமாக வெட்டி கொலை செய்யப்பட்டு கிடந்தார். தகவல் அறிந்த சிப்காட் போலீசார் அவரது உடலை கைப்பற்றி பிரேத பரிசோதனைக்கு அனுப்பி வைத்து குற்றவாளிகளை தேடி வருகின்றனர்.
Featured News
Sorry, no posts matched your criteria.