India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tuticorin
News March 21, 2025
தூத்துக்குடியில் கேபிள் டிவி இணைப்பு இல்லாத ஊர்
தூத்துக்குடி மாவட்டம் ஸ்ரீவைகுண்டம் தாலுகாவில் பேட்மாநகரம் என்ற ஊர் உள்ளது. தொலைக்காட்சிகளில் கேபிள் டிவி மூலம் நிகழ்ச்சிகள் ஒளிபரப்பிய நாளிலிருந்து இன்று வரை இந்த ஊரில் மட்டும் கேபிள் டிவி இணைப்புகள் கிடையாது. ஊர் கமிட்டி சார்பில் இந்த முடிவு எடுக்கப்பட்டுள்ளது. இதுவரை கேபிள் டிவி இணைப்புகள் இல்லாமலே இந்த ஊர் உள்ளது. ஆச்சரியமாக இல்லை? *புது தகவல் என்றால் நண்பர்களுக்கும் பகிரவும்*
News March 21, 2025
தூத்துக்குடி மாவட்டத்தில் 11 வழித்தடங்களில் மினி பஸ் சேவை
தூத்துக்குடி மாவட்டத்தில் போக்குவரத்து துறை சார்பில் 11 புதிய வழித்தடங்களில் மினி பஸ் சேவை வழங்க விண்ணப்பதாரர்களுக்கு செயல்முறை ஆணைகளை மாவட்ட ஆட்சியர் இளம் பகவத் வழங்கினார். அதன்படி தூத்துக்குடியில் 6 புதிய வழித்தடங்களும் கோவில்பட்டியில் 5 புதிய வழித்தடங்களும் என மொத்தம் 11 புதிய வழித்தடங்களில் மினி பஸ் சேவை இயக்கப்பட உள்ளது.
News March 21, 2025
கேரள முதல்வரை வரவேற்ற தூத்துக்குடி எம்பி
சென்னையில் வைத்து வரும் 22ஆம் தேதி நியாயமான தொகுதி மறு வரையறை சம்பந்தமான அனைத்து மாநில முதலமைச்சர்களும் பங்கேற்கும் கூட்டு நடவடிக்கை குழு கூட்டம் நடைபெற உள்ளது. இந்த கூட்டத்தில் கலந்துகொள்ள கேரள முதல்வர் பினராயி விஜயன் நேற்று(மார்ச் 21) சென்னை வந்தார். சென்னையில் அவரை தூத்துக்குடி நாடாளுமன்ற உறுப்பினர் கனிமொழி வரவேற்றார்.
News March 21, 2025
அனல் மின் நிலைய தீ விபத்தை தடுக்க குழு அமைப்பு
தூத்துக்குடி அனல் மின் நிலையத்தில் சில தினங்களுக்கு முன்பு பயங்கர தீ விபத்து ஏற்பட்டு பல கோடி ரூபாய் சேதம் ஏற்பட்டது. இதனை தொடர்ந்து அனல் மின் நிலையங்களில் ஏற்படும் தீ விபத்தை தடுக்கும் வகையில் தீ விபத்து பற்றி ஆய்வு மேற்கொள்ளவும், தடுப்பு நடவடிக்கைகள் பற்றி அறிக்கை சமர்ப்பிக்கவும் தமிழ்நாடு மின் உற்பத்தி மற்றும் பகிர்மான கழக தலைமை பொறியாளர் தலைமையில், குழு ஒன்று அமைத்து உத்தரவிட்டுள்ளது.
News March 21, 2025
தூத்துக்குடியில் இன்று கனமழைக்கு வாய்ப்பு!
தென்காசி, தூத்துக்குடி, ராமநாதபுரம், தேனி, திண்டுக்கல், மதுரை, விருதுநகர் ஆகிய 7 மாவட்டங்களில் ஓரிரு இடங்களில் இன்று(மார்ச் 21) கனமழைக்கு வாய்ப்புள்ளது. மேலும், குமரி மற்றும் தென்காசி மாவட்டங்களில் மட்டும் நாளையும் ஓரிரு இடங்களில் கனமழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது. தமிழ்நாட்டில் வரும் 25ஆம் தேதி சில இடங்களில் கனமழைக்கு வாய்ப்புள்ளதாக தகவல். SHARE IT.
News March 21, 2025
தென்னையிலிருந்து பதநீர் இறக்க பயிற்சி: கலெக்டர்
கோரம்பள்ளத்தில் உள்ள மாவட்ட ஆட்சியர் அலுவலகத்தில் நேற்று(மார்ச் 20) நடைபெற்ற விவசாயிகள் குறைதீர் நாள் கூட்டத்தில் கலந்து கொண்டு பேசிய தூத்துக்குடி மாவட்ட ஆட்சியர் இளம்பகவத் – தூத்துக்குடி மாவட்டத்தில் தென்னை விவசாயிகளின் நலன் கருதி தென்னை மரங்களிலிருந்து பதநீர் இறக்க விவசாயிகளுக்கு பயிற்சி அளிக்க திட்டமிடப்பட்டுள்ளதாக தெரிவித்தார். share it.
News March 21, 2025
தூத்துக்குடி: இணைய வங்கி சேவை பயன்படுத்துறீங்களா?
ஒவ்வொரு நாளும் இணைய வங்கி சேவையை(ONLINE BANKING) பயன்படுத்துபவர்களின் எண்ணிக்கை அதிகரித்து வருகிறது. தூத்துக்குடி மாவட்ட காவல்துறை இதற்கான விழிப்புணர்வை வெளியிட்டுள்ளது. இணைய வங்கி சேவையை பயன்படுத்திய பிறகு ‘logout’ செய்த பின்னரே வெளியேறவும். மேலும் சைபர் குற்றப் புகார்களுக்கு 1930 (or) cybercrime.gov.in ஆகிவயற்றில் தொடர்புகொள்ளவும் தெரிவிக்கப்பட்டுள்ளது.
News March 21, 2025
சென்னையில் தூத்துக்குடி ரவுடியை சுட்டுப் பிடித்த போலீஸ்!
தூத்துக்குடியை சேர்ந்த பிரபல ரவுடியை போலீசார் சுட்டுப் பிடித்துள்ளனர். சுந்தரவேல்புரத்தை சேர்ந்தவர் ஹைகோர்ட் மகாராஜா. இவர் கடந்த ஆண்டு நீதிமன்ற விசாரணைக்கு வந்தபோது போலீசார் மீது மிளகாய் பொடி தூவி தப்பினார். இந்நிலையில், கிண்டியில் பதுங்கியிருந்த மகாராஜாவை போலீசார் இன்று(மார்ச் 21) சுத்துப்போட்ட நிலையில், அவர் தப்பி ஓடவே துப்பாக்கியால் சுட்டுப் பிடித்தனர். ஆயுதங்களையும் பறிமுதல் செய்துள்ளனர்.
News March 21, 2025
தூத்துக்குடியில் 604 சைபர் குற்றங்கள்
“தூத்துக்குடி மாவட்டத்தில் இந்த ஆண்டு 604 சைபர் குற்றங்கள் பதிவு செய்யப்பட்டு நடவடிக்கை எடுக்கப்பட்டதில் ரூபாய் 12 லட்சம் முடக்கப்பட்டும், ரூபாய் 48 லட்சம் நீதிமன்ற உத்தரவின்படி மீட்கப்பட்டும் உரியவர்களிடம் ஒப்படைக்கப்பட்டுள்ளது” என தூத்துக்குடி மாவட்ட காவல்துறை கண்காணிப்பாளர் ஆல்பர்ட் ஜான் இன்று தெரிவித்துள்ளார்.
News March 21, 2025
தூத்துக்குடியில் 10 சிப்காட் அமைக்க திட்டம்
இன்று தமிழக அரசின் நிதிநிலை அறிக்கை பொது விவாதத்தின் போது சாத்தான்குளம் தாலுகா, எழுவரைமுக்கி ஊராட்சி பகுதியில் சிப்காட் அமைக்கப்படுமா என்கிற கேள்விக்கு, பதில் அளித்த அமைச்சர் டிஆர்பி ராஜா, “தூத்துக்குடியில் 10 சிப்காட் அமைக்கும் திட்டம் அரசுக்கு உள்ளதாகவும், அதில் 7 அறிவிக்கப்பட்டு தற்போது 4 முடிந்துள்ளதாகவும், 3 சிப்காட் பணிகள் நடைபெற்று வருகிறது” என தெரிவித்தார்.
Featured News
Sorry, no posts matched your criteria.