India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tiruvannamalai
News April 14, 2024
செல்பி பாயிண்டில் சுயப்படம் எடுத்த கலெக்டர்
திருவண்ணாமலை மாவட்டம் களம்பூர் பேரூராட்சியில் பாராளுமன்ற பொது தேர்தல் 2024 முன்னிட்டு 100 சதவீதம் வாக்களிப்பதன் அவசியம் குறித்து பொதுமக்களுக்கு விழிப்புணர்வு ஏற்படுத்தும் வகையில் நேற்று (13.04.2024) தேர்தல் அலுவலர் மற்றும் மாவட்ட ஆட்சித் தலைவர் தெ.பாஸ்கர பாண்டியன் செல்பி பாயிண்டில் சுயப்படம் எடுத்து விழிப்புணர்வு ஏற்படுத்தினார்.
News April 13, 2024
20 ஆண்டு சிறை தண்டனை: அதிரடி உத்தரவு
வந்தவாசி அடுத்த பெரிய புறக்கோட்டை கிராமத்தைச் சேர்ந்த செல்வம் என்பவர் கடந்த 2020ஆம் வருடம் அதே பகுதியைச் சேர்ந்த 9 வயது சிறுமியை பாலியல் வண்புனர்வு செய்ததால் போக்சோ வழக்கில் கைது செய்யப்பட்டார். மேற்படி வழக்கை விசாரணை செய்து வந்த நீதிபதி பார்த்த சாரதி அவர்கள், செல்வகுமாருக்கு 20 ஆண்டுகள் சிறை தண்டனை, 5,000 ரூபாய் அபராதம் விதித்து நேற்று தீர்ப்பளித்தார்.
News April 13, 2024
விடுமுறை அளிக்காத நிறுவனங்கள் குறித்து புகார் அளிக்கலாம்
தி.மலையில் தேர்தல் நாளான ஏப்ரல் 19ஆம் தேதி விடுமுறை அளிக்காத நிறுவனங்கள் குறித்து புகார் அளிக்க புகார் எண்களை ஆட்சியர் அறிவித்துள்ளார். அதன்படி, மாவட்ட தொழிலாளர் உதவி ஆணையர் சீ. மீனாட்சி (9710825341), தொழிலாளர் உதவி ஆய்வாளர் த. சாந்தி (952308664), ஆ. ஆத்திப்பழம் (9442965035) என்ற எண்ணில் தொடர்பு கொண்டு புகார் தெரிவிக்கலாம் என ஆட்சியர் தெ.பாஸ்கர பாண்டியன் தெரிவித்துள்ளார்.
News April 13, 2024
அரிசி ஆலைகளில் வருமானவரி துறையினர் சோதனை
திருவண்ணாமலை மாவட்டம் போளூர் அருகே களம்பூரில் சுமார் 150 க்கும் மேற்பட்ட அரிசி ஆலைகள் இயங்கி வருகின்றன. வருகின்ற நாடாளுமன்ற தேர்தலில் அரிசி ஆலைகளில் அரசியல்வாதிகள் பணம், ஆவணங்கள் பதுக்கி உள்ளதாக புகாரின் பேரில் சென்னை வருமானவரி துறை இணை இயக்குநர் தலைமையில் சென்னை மற்றும் வேலூர் ஆகிய இடங்களில் இருந்து சுமார் 24 அதிகாரிகள் 6 கார்களில் களம்பூரில் உள்ள அரிசி ஆலைகளில் நேற்று சோதனையில் ஈடுபட்டனர்.
News April 13, 2024
நாட்டு துப்பாக்கியுடன் 2 பேர் கைது
செங்கம் அருகே உள்ள வீரானந்தல் பகுதியை சேர்ந்த சந்திரசேகர்(44), கோபால்(29) ஆகியோர் நாட்டு துப்பாக்கிகளுடன் வன விலங்குகளை வேட்டையாடுவதற்காக வாசுதேவன்பட்டு பகுதியில் சுற்றி திரிந்தனர். அப்போது அவ்வழியாக ரோந்து பணியில் இருந்த வனத்துறையினர் அவர்களை பிடித்து போலீஸாரிடம் ஒப்படைத்தனர். அவர்களிடமிருந்த 2 நாட்டு துப்பாக்கிகளை பறிமுதல் செய்து போலீஸார் அவர்களை சிறையில் அடைத்தனர்.
News April 13, 2024
மாபெரும் இரத்ததான முகாம்
திருவண்ணாமலை மாவட்டம் வந்தவாசி தாலுகா தெள்ளார் ஊராட்சியில் டாக்டர் அம்பேத்கரின் 134 ஆவது பிறந்த நாளை முன்னிட்டு தெள்ளார் மேம்படுத்தப்பட்ட அரசு ஆரம்ப சுகாதார நிலையம் மற்றும் கரம் கொடுப்போம் அறம் செய்ய சேவை அறக்கட்டளை இணைந்து நடத்திய மாபெரும் இரத்ததான முகாம் நடைப்பெற்றது. இதில் பலர் கலந்து கொண்டு ரத்ததானம் வழங்கினர்.
News April 12, 2024
மான் இறைச்சி விற்ற இருவர் கைது
தண்டராம்பட்டு அருகே நாலாள்பள்ளம் கிராமத்தை சேர்ந்த ராஜா, பாலசுப்பிரமணியம் ஆகிய இருவரும் காட்டில் மானை வேட்டையாடி இறைச்சியை விற்றதாக தகவல் கிடைத்தது. தகவலின் பெயரில் சாத்தனூர் வனச்சரக அலுவலர் சீனிவாசன் மற்றும் வன அலுவலர்கள் விசாரணை செய்து குற்றவாளிகளை கைது செய்து காவல் துறையினரிடம் ஒப்படைத்தனர்.
News April 12, 2024
தி.மலையில் ரூ. 4.52 கோடி பறிமுதல்
திருவண்ணாமலை மற்றும் ஆரணி மக்களவைத் தொகுதிகளில் தேர்தலை முன்னிட்டு தேர்தல் பறக்கும் படையினர் தீவிர சோதனையில் ஈடுபட்டு வருகின்றனர். அதன் படி கடந்த 27 நாட்களில் உரிய ஆவணம் இல்லாமல் கொண்டு சென்றதாக ரூ. 4.52 கோடி பறக்கும் படையினரால் பறிமுதல் செய்யப்பட்டுள்ளது. அதில் ஆவணங்கள் சரிபார்க்கப்பட்டதன் அடிப்படையில் ரூ. 82 இலட்சம் விடுவிக்கப்பட்டது.
News April 12, 2024
ஆரணி: தீமிதி திருவிழா
திருவண்ணாமலை மாவட்டத்தில் உள்ள ஆரணி அடுத்த அரையாளம் கிராமத்தில் தீமிதி திருவிழாவின் முதல் நாள் ஆரம்பம் இன்று (12.04.2024) தொடங்கியது. மேலும் மகாபாரத சொற்பொழிவு நடைபெற்றது. இதில் ஏராளாமான பக்தர்கள், விழா குழுவினர் கலந்து கொண்டனர். மேலும் பக்தர்களுக்கு அன்னதானம் வழங்கப்பட்டது.
News April 12, 2024
வாகன சோதனையில் கட்டுக்கட்டாக பணம் பறிமுதல்
திருவண்ணாமலை மாவட்டம் செங்கம் அடுத்த பக்கிரிப்பாளையம் புறவழிச்சாலை சந்திப்பில் இன்று காலை 5 மணி அளவில் தேர்தல் நிலை கண்காணிப்பு குழுவினர் வாகன சோதனையில் ஈடுபட்டனர். அப்போது பெங்களூர் நந்தி லேஅவுட் பகுதியைச் சேர்ந்த மோகன் சாரி என்பவரிடம் உரிய ஆவணம் இன்றி எடுத்துச் செல்லப்பட்ட ரூ.1,17,900 யை அதிகாரிகள் பறிமுதல் செய்து தேர்தல் அதிகாரியிடம் ஒப்படைக்கப்பட்டது.
Featured News
Sorry, no posts matched your criteria.