• Download our app

Tiruppur

News November 12, 2024

திருப்பூர்: பாட்டிலுக்கு கூடுதலாக ரூ.10-க்கு மது விற்பனை

image

திருப்பூர் மாவட்டம் குன்னத்தூர் வட்டம் டாஸ்மாக் கடையில் (எண் 3990) பாட்டிலுக்கு கூடுதலாக பத்து ரூபாய்க்கு விற்பனை செய்யப்பட்டது. மதுப்பிரியர்கள் மற்றும் சமூக ஆர்வலர்கள் பாட்டிலில் உள்ள விலைக்கு மதுபானத்தை கேட்டனர். கடையின் சேல்ஸ்மேன் பொதுமக்களை தரை குறைவாக பேசி மது பாட்டிலை கொடுக்க முடியாது என்று கூறியதாக தெரிகிறது. மதுவிலக்கு அமைச்சர் உரிய நடவடிக்கை எடுப்பாரா என பொதுமக்கள் கேள்வி எழுப்பியுள்ளனர்.

News November 12, 2024

அழைப்பு விடுத்த திருப்பூர் கலெக்டர்

image

திருப்பூர் மாவட்டத்தில் தென்னை விவசாயிகளுக்கு தென்னை காப்பீட்டு செய்ய அழைப்பு விடுத்துள்ளார். இந்திய வேளாண் காப்பீட்டு நிறுவனம் இந்த ஆண்டு தென்னை மரம் காப்பீட்டை எவ்வாறு செயல்படுத்தி வருகிறது? இத்திட்டத்தின் கீழ் வெள்ளம், வறட்சி, பூச்சி நோய் தாக்குதல் போன்றவற்றிற்கு உரிய காப்பீடு வழங்கப்படும் என கலெக்டர் தெரிவித்தார். மேலும் வேளாண் அலுவலகத்தை தொடர்பு கொள்ள வேண்டுமென அழைப்பு விடுத்தார்.

News November 11, 2024

திருப்பூரில் வேலைவாய்ப்பு முகாம்

image

திருப்பூர் மாவட்ட வேலைவாய்ப்பு மற்றும் தொழில்நெறி வழிகாட்டும் மையம் மூலம் சிறிய அளவிலான தனியார்துறை வேலைவாய்ப்பு முகாம் வருகிற 15ம் தேதி காலை 10.30 மணி முதல் மதியம் 2.00 மணி வரை திருப்பூர் மாவட்ட கலெக்டர் அலுவலக மக்கள் குறைதீர்க்கும் கூட்டரங்கத்தில் (அறை எண்.20) நடைபெறவுள்ளது. வேலை தேடுகிறவர்கள் இதில் கலந்துகொண்டு பயன் பெறலாம் என மாவட்ட கலெக்டர் கிறிஸ்துராஜ் அழைப்பு விடுத்துள்ளார்.

News November 11, 2024

காங்கேயம் – திருப்பூர் பிரதான சாலையில் திடீர் பள்ளம்

image

காங்கேயத்தில் இருந்து திருப்பூர் செல்லும் சாலையில் உள்ளது பாரதியார் வீதி. இங்குள்ள தனியார் பல்பொருள் அங்காடி முன்பு இன்று மாலை திடீரென மூன்று அடி பள்ளம் ஏற்பட்டது.புதிதாக அமைக்கப்பட்ட சாலையில் ஏற்பட்ட திடீர் பள்ளத்தால் சிறிது நேரம் போக்குவரத்து பாதிப்படைந்தது. நெடுஞ்சாலைத்துறையினர் உரிய நடவடிக்கை எடுக்க கோரிக்கை எழுந்துள்ளது.

News November 11, 2024

திருப்பூர் அருகே விரட்டி விரட்டி கொட்டிய தேனீக்கள்

image

பொங்கலூர் அருகே உள்ள தெற்கு அவிநாசி பாளையம் ஊராட்சிக்குட்பட்ட செல்லப்பிள்ளை பாளையத்தை சேர்ந்தவர் பொன்னப்பன் ஏற்கனவே இறந்துவிட்டார்.இவரது மனைவி லட்சுமி (64) குழந்தைகள் இல்லை கூலி வேலை செய்து தனிய வசித்து வருகிறார். நேற்று வீட்டின் அருகே தேனீக்கள் கொட்டியது. அவரை அருகில் இருப்பவர்கள் மீட்டு திருப்பூர் அரசு மருத்துவக் கல்லூரி மருத்துவமனைக்கு கொண்டு சென்றனர். அங்கு சிகிச்சை பலனின்றி உயிரிழந்தார்.

News November 11, 2024

குண்டடம் அருகே சாலை விபத்தில் 2 பேர் பலி

image

திருப்பூர் மாவட்டம் தாராபுரம் அருகே உள்ள குண்டடம் அடுத்துள்ள வேங்கிபாளையம் பகுதியில் டாட்டா ஏசி வாகனம் சாலையை கடக்கும்போது எதிர்பாராதமாக சாலை ஓரத்தில் கவிழ்ந்து விபத்து ஏற்பட்டது. இந்த விபத்தில் தேனி மாவட்டத்தைச் சேர்ந்த 2 பேர் சம்பவ இடத்திலேயே பரிதாபமாக உயிரிழந்தனர். இந்த விபத்து குறித்து குண்டடம் போலீசார் விசாரணை மேற்கொண்டு வருகின்றனர்.

News November 11, 2024

திருப்பூரில் ‘சிரிப்பின் சிறப்பு’ பற்றி கருத்தரங்கம்

image

திருப்பூர் நகைச்சுவை அரங்கம் சார்பில், ‘சிரிப்போம் சிந்திப்போம்’ நிகழ்ச்சி, ஹார்வி குமாரசாமி மண்டபத்தில் நேற்று நடந்தது. சிரிப்பு யோகா பயிற்சியாளர் சிரிப்பானந்தா, அரங்கில் இருந்தவர்களுக்கு சிரிப்பு பயிற்சி அளித்தார். மேலும் ”தவத்தைவிட சிறப்பானது சிரிப்பு; வயிறு குலுங்க, மகிழ்ச்சியாக சிரிப்பதால், ஆயுள் கூடும். சிரிப்பும், மகிழ்ச்சியும் இருந்தால், பிரச்னைகளும், கவலைகளும் மறந்துவிடும்” என பேசினார்.

News November 11, 2024

திருப்பூரில் வேலை வாங்கி தருவதாக பெண் கடத்தல்

image

ஊத்துக்குளி ரோடு, பாளையக்காட்டைச் சேர்ந்த 30 வயது பெண்; திருமணமானவர். ஆன்லைன் மூலம் வேலை தேடி வந்தார். பைனான்ஸ் நிறுவனம் ஒன்றில் வேலை தொடர்பாக அப்பெண் தொடர்பு கொண்டார். பின்னர் நேரில் சந்தித்தபோது காரில் கடத்தி சென்றனர். போலிஸ் விசாரணையில் நாமக்கல்லை சேர்ந்த சாரதி (38) மற்றும் மணிகண்டன் (34) இருவரும் நகை மற்றும் பணம் பறிக்கும் நோக்கில் கடத்தியதாக தெரிகிறது பின்னர் 2 பேரையும் கைது செய்தனர்.

News November 11, 2024

திருப்பூர்: விவசாயிகள் குறைதீர்க்கும் கூட்டம்

image

திருப்பூர் வருவாய் கோட்ட அளவிலான விவசாயிகள் குறைதீர்க்கும் நாள் கூட்டம் வரும் 22ம் தேதி காலை 11 மணிக்கு திருப்பூர் ஆர்டிஓ அலுவலகத்தில் ஆர்டிஓ மோகனசுந்தரம் தலைமையில் நடைபெற உள்ளது. திருப்பூர் வடக்கு, திருப்பூர் தெற்கு, அவினாசி, பல்லடம், ஊத்துக்குளி தாலுகா பகுதியை சேர்ந்த விவசாயிகள், பொதுமக்கள் இந்த கூட்டத்தில் பங்கேற்று தங்கள் குறைகளை தெரிவிக்கலாம்.

News November 10, 2024

தெருநாய் கடித்து 11 பேர் சிகிச்சை

image

திருப்பூர் மாநகராட்சிக்குட்பட்ட தாராபுரம் ரோட்டில் அமைந்துள்ள விக்னேஸ்வரா நகரில் சாலையில் சென்ற 11 பேரை தெருநாய் கடித்ததில் படுகாயமடைந்தனர். இவர்களை உடனே மீட்டு திருப்பூர் அரசு மருத்துவமனை சென்று சிகிச்சை பெற்று வருகின்றனர். உடனே மாநகராட்சி நிர்வாகம் நடவடிக்கை எடுத்து அந்த நாயை பிடித்து தொண்டு நிறுவனத்திடம் ஒப்படைத்தனர். இச்சம்பவம் அப்பகுதி பொதுமக்களிடையே பீதியை ஏற்படுத்தியுள்ளது.

Featured News

Sorry, no posts matched your criteria.

↑