India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tirupathur
News October 30, 2024
மாவட்ட எஸ்பி தலைமையில் உறுதிமொழி ஏற்பு
திருப்பத்தூர் மாவட்ட காவல் கண்காணிப்பாளர் ஸ்ரேயா குப்தா தலைமையில் இன்று மாவட்ட காவல் அலுவலக வளாகத்தில் தேசிய ஒருமைப்பாட்டு நாள் உறுதிமொழி ஏற்கப்பட்டது. இதேபோல் மாவட்டத்தில் உள்ள அனைத்து உட்கோட்ட காவல் துணை கண்காணிப்பாளர்கள் அலுவலகத்திலும் உறுதிமொழி ஏற்கப்பட்டது. நிகழ்ச்சியில் கூடுதல் காவல் கண்காணிப்பாளர் ரவீந்திரன் மற்றும் அனைத்து உயர் அதிகாரிகள் கலந்து கொண்டனர்.
News October 30, 2024
ஜோலார்பேட்டை ரயில் சந்திப்பில் தீவிர சோதனை
ஜோலார்பேட்டை ரயில் நிலையத்தில் தீபாவளி பண்டிகை முடியும் வரை தொடர்ந்து 3 நாட்களாக ரயில்வே போலீசார் சோதனை செய்து வருகின்றனர். ரயில்களில் பட்டாசு உள்ளிட்ட பொருட்கள் எடுத்து செல்லப்படுகிறதா என சோதனையிடுவதோடு, ரயில் நிலைய முகப்பிலேயே பயணிகளின் உடமைகளை தீவிர சோதனைக்கு பிறகே உள்ளே அனுமதிக்கப்படுகின்றனர். பட்டாசுகளை எடுத்து சென்றால் ரூ.5,000 அபராதம் விதிக்கப்படும் என்று எச்சரித்துள்ளனர்.
News October 30, 2024
அரசு மருத்துவமனையில் வெட்டப்பட்ட நபரை சந்தித்த டிஎஸ்பி
வாணியம்பாடி அடுத்த நேதாஜி நகர் பகுதியில் இளைஞர் முருகன் அறிவாள் வெட்டு காயத்துடன் அரசு மருத்துவமனையில் அனுமதிக்கப்பட்டு சிகிச்சை பெற்று வருகின்றார். மருத்துவமனைக்கு வாணியம்பாடி துணை காவல் கண்காணிப்பாளர் விஜயகுமார் பாதிக்கப்பட்ட நபரை நேரில் சந்தித்து விசாரித்தார். மேலும், அங்கு ஏராளமான போலீசார் பாதுகாப்பிற்காக குவிக்கப்பட்டதால் மருத்துவமனை பரபரப்பாக காணப்பட்டது.
News October 30, 2024
ஜோலார்பேட்டை அருகே ஆஞ்சநேயர் ஆலயத்தில் பிரதோஷ புஜை
ஜோலார்பேட்டை அடுத்த அம்மையப்பன் நகர் வி.எம். வட்டத்தில் அமைந்துள்ள ஸ்ரீ வீர ஆஞ்சநேயர் ஆலயத்தில் உள்ள காசி விஸ்வநாதர் மற்றும் ஸ்ரீ நந்திகேஸ்வரருக்கு இன்று மங்களவார பிரதோஷத்தை முன்னிட்டு சிறப்பு அபிஷேகமும், ஆராதனையும் நடைபெற்றது. இவ்விழாவில் ஜோலார்பேட்டை மற்றும் அதனைச் சுற்றியுள்ள பல்வேறு பகுதிகளில் இருந்து ஏராளமான பொதுமக்கள் கலந்து கொண்டு சாமி தரிசனம் செய்தனர்.
News October 29, 2024
ஜோலார்பேட்டை அருகே 6 ஆடுகள் திருடிய 2 பேர் கைது
ஜோலார்பேட்டை அடுத்த வெளள்ளைய கவுண்டனூர் பகுதியை சேர்ந்த தங்கராஜ் நேற்று இரவு தனது விவசாய நிலத்தில் 6 ஆடுகளை ஆட்டுக்கொட்டையில் கட்டி வைத்திருந்தார். இந்நிலையில் இன்று அதிகாலை எழுந்து பார்த்தபோது 6 ஆடுகள் காணவில்லை. இதனையடுத்து போலீசார் விசாரணை செய்ததில், சின்னபொன்னேரி சேர்ந்த அஜித் மற்றும் குன்னத்தூரை சேர்ந்த ஸ்ரீராகுல் ஆகிய 2 பேர் ஆடுகளை திருடி சந்தையில் விற்கும்போது இருவரையும் கைது செய்தனர்.
News October 29, 2024
திருப்பத்தூர் மாவட்டத்தில் இரவு ரோந்து பணி காவலர்கள்
திருப்பத்தூர் மாவட்டத்தில் உள்ள கந்திலி, திருப்பத்தூர் ஜோலார்பேட்டை, நாட்றம்பள்ளி, அம்பலூர், வாணியம்பாடி, ஆம்பூர், உமராபாத் உள்ளிட்ட காவல்நிலையங்களில் இன்று (29.10.2024) ரோந்து பணியில் ஈடுபட உள்ள காவலர்களின் விவரங்களை மாவட்ட காவல்துறையினர் அறிவித்துள்ளனர். இரவு நேரங்களில் நடக்கும் அசம்பாவிதங்களை மேற்கண்ட எண்களில் தொடர்பு கொண்டு தெரிவிக்கலாம்.
News October 29, 2024
திருப்பத்தூர் மாவட்ட காவல்துறை அறிவுரை
தீபாவளி பண்டிகை நெருங்கிவரும் நிலையில், திருப்பத்தூர் மாவட்ட காவல்துறை முகநூல் பக்கத்தில் வெளியிட்டுள்ள இந்த அறிக்கையில் பண்டிகை காலத்தை முன்னிட்டு, கடைவீதிகள் மற்றும் மக்கள் அதிகம் கூடுமிடங்களில் உங்களது உடைமைகளை பாதுகாப்பாக பார்த்துக்கொள்ள மாவட்ட அறிவுறுத்தப்பட்டுள்ளது. எனவே, துணி, பட்டாசு, நகை, மளிகை பொருட்களை வாங்க செல்லும் மக்கள் உஷாராக இருங்கள்.
News October 29, 2024
வருவாய் துறை அலுவலர்கள் தற்செயல் விடுப்பு போராட்டம்
தமிழ்நாடு வருவாய் துறை அலுவலர்கள் சார்பில் இன்று தமிழகம் முழுவதும் உள்ள அலுவலக உதவியாளர் முதல் தாசில்தார் வரை 14,000 ஊழியர்கள் பல்வேறு கோரிக்கைகளை வலியுறுத்தி தற்செயல் விடுப்பு போராட்டத்தில் ஈடுபடவுள்ள நிலையில் திருப்பத்தூர் மாவட்ட ஆட்சியர் அலுவலகத்தில் இன்று காலை 10 மணியளவில் வருவாய் துறை அலுவலர்கள் சார்பில் கண்டன ஆர்ப்பாட்டம் நடைபெறும் என்று அறிவிக்கப்பட்டுள்ளது.
News October 29, 2024
திருப்பத்தூர் கலால் உதவி ஆணையர் பணியிட மாற்றம்!
திருப்பத்தூர் மாவட்ட ஆட்சியர் அலுவலகத்தில் பணியாற்றி வரும் கலால் உதவி ஆணையர் ஜோதிவேல் நேற்று செங்கல்பட்டு மாவட்டம் தனித்துணை ஆட்சியர் தனி மாவட்ட வருவாய் அலுவலராக பணி மாற்றம் செய்து தலைமைச் செயலக முதன்மை செயலாளர் அமுதா ஆணை பிறப்பித்துள்ளார்கள். மேலும் திருப்பத்தூர் மாவட்டத்திற்கு சேலத்தில் பணியாற்றி வரும் முருகன் திருப்பத்தூர் மாவட்டத்திற்கு நியமனம் செய்த உத்தரவு பிறப்பித்துள்ளார்கள்.
News October 29, 2024
திருப்பத்தூர் அருகே விபத்தில் தலை நசுங்கி மரணம்
வாணியம்பாடி அடுத்த பூங்குளம் பகுதியில் அரசு பேருந்து இருசக்கர வாகனம் மோதிய விபத்தில் அதே பகுதியை சேர்ந்த மதியழகன் என்பவர் இருசக்கர வாகனம் சக்கரத்தில் தலை நசுங்கி சம்பவ இடத்திலேயே உயிரிழந்துள்ளார். இது குறித்து ஆலங்காயம் காவல்துறையினர் வழக்கு பதிவு செய்து விசாரணை மேற்கொண்டு வருகின்றனர்.
Featured News
Sorry, no posts matched your criteria.