India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tirunelveli
News November 2, 2024
வயநாட்டில் ஆலோசனை கூட்டம் நெல்லை எம்.பி பங்கேற்பு
வயநாட்டில் நடைபெறும் இடைத்தேர்தலில் அகில இந்திய காங்கிரஸ் கமிட்டியின் பொதுச் செயலாளர் பிரியங்கா காந்தி போட்டியிடுகிறார். அதனை முன்னிட்டு வயநாட்டில் இன்று (நவ 2) நடைபெற்ற ஆலோசனைக் கூட்டத்தில் தமிழ்நாடு காங்கிரஸ் கமிட்டி தலைவர் செல்வப் பெருந்தகை, நெல்லை நாடாளுமன்ற உறுப்பினர் ராபர்ட் புரூஸ், நாங்குநேரி சட்டமன்ற உறுப்பினர் ரூபி மனோகரன் பங்கேற்றனர்.
News November 2, 2024
சென்னைக்கு நாளை முன்பதிவு இல்லாத ரயில் இயக்கம்
தீபாவளி பண்டிகை விடுமுறை முடிந்து நாளை பலர் சென்னைக்கு திரும்புகின்றனர். இதற்கான சிறப்பு ரயில்களில் இருக்கைகள் நிரம்பிவிட்டன. நாளை ஞாயிறு இரவு 7:15 மணிக்கு 12 பெட்டிகள் கொண்ட முன்பதிவு இல்லாத ‘MEMU’ ரயில் ஒன்று மதுரையிலிருந்து புறப்பட்டு திங்கட்கிழமை அதிகாலை 3.20 மணிக்கு தாம்பரத்தைச் சென்றடையும். நெல்லை மக்கள் மதுரை வரை சென்று இந்த ரயிலில் சென்னைக்கு பயணிக்கலாம்.
News November 2, 2024
நெல்லை மாவட்ட மழை விபரம் அறிவிப்பு
நெல்லை மாவட்டத்தில் இன்று (நவம்பர் 2 ) மாலை 4 மணி வரை பெய்த மழை விபரம் மாவட்ட நிர்வாகத்தில் அறிவிக்கப்பட்டுள்ளது. இதன்படி மொத்தம் 42.60 மில்லி மீட்டர் மழை பதிவாகியுள்ளது. அதிகபட்சமாக ராதாபுரம் வட்டாரத்தில் 21 மில்லி மீட்டர் மழை பெய்தது. நெல்லையில் 8 மில்லி மீட்டரும் சேரன்மகாதேவியில் 9 மில்லி மீட்டர் மழையும் பெய்துள்ளது. பாளையங்கோட்டையில் 4 மில்லி மீட்டர் மழை பதிவாகியுள்ளது.
News November 2, 2024
மாணவர்களுக்கு சிறப்பு பணிமனை அறிவிப்பு
மாவட்ட அறிவியல் மையம், திருநெல்வேலி சர்வதேச அறிவியல் மையம் மற்றும் அறிவியல் அருங்காட்சியக தினத்தை முன்னிட்டு வருகின்ற 10ம் தேதி அன்று 8 முதல்10ம் வகுப்பு பயிலும் பள்ளி மாணவ-மாணவிகளுக்கு “‘வேதி வினைகள்” என்ற தலைப்பில் பணிமனை காலை 10.30 முதல் மாலை 04.30 மணி வரை நடத்த திட்டமிட்டுள்ளது. விருப்பமுள்ளவர்கள் 8ம் தேதிக்கு முன்னதாக இணையதளத்தில் முன் பதிவு செய்ய வேண்டும் என தெரிவிகக்கப்பட்டுள்ளது.
News November 2, 2024
நெல்லை மாவட்டத்திற்கு ஆரஞ்ச் அலர்ட்
தமிழகத்தில் பல்வேறு மாவட்டங்களில் கனமழை வெளுத்து வாங்கி வருகின்றது. இந்நிலையில், நெல்லை மற்றும் குமரி மாவட்டங்களுக்கு தற்போது முதல் நாளை (நவ.03) காலை வரை ஆரஞ்சு் அலர்ட் விடுத்து இந்திய வானிலை ஆய்வு மையம் அறிவிப்பு வெளியிட்டுள்ளது. பொதுமக்கள் முன்னெச்சரிக்கையுடன் இருக்கவும் அறிவுறுத்தப்பட்டுள்ளது.
News November 2, 2024
சபாநாயகர் அப்பாவுக்கு முதலமைச்சர் வாழ்த்து
தமிழக சட்டப்பேரவை தலைவர் அப்பாவு ஆஸ்திரேலியா நாட்டில் சிட்னி நகரில் நடைபெற உள்ள 67 வது காமன்வெல்த் பாராளுமன்ற மாநாட்டில் கலந்து கொள்ள உள்ளார். இதற்காக ஆஸ்திரேலியா புறப்பட்டு செல்லும் அவரை தமிழக முதலமைச்சர் மு.க. ஸ்டாலின் இன்று (நவம்பர் 2) தலைமைச் செயலகத்தில் சட்டப்பேரவை தலைவர் அறையில் சபாநாயகர் அப்பாவுக்கு சால்வை அணிவித்து வாழ்த்து தெரிவித்தார்.
News November 2, 2024
மணிமுத்தாறு அருவியில் வெள்ளப்பெருக்கு – குளிக்கத் தடை
அம்பாசமுத்திரம் வனச்சரகத்திற்கு உட்பட்ட பகுதியில் கனமழை எச்சரிக்கை விடுக்கப்பட்டுள்ளதாலும் மணிமுத்தாறு அருவி பகுதியில் பெய்த மழையின் காரணமாக அருவியில் நீர்வரத்து அதிகரித்திருப்பதாலும் பொதுமக்களின் பாதுகாப்பு கருதி இன்று (நவ.2) மணிமுத்தாறு அருவிக்கு சூழல் சுற்றுலாவிற்கு வரும் பொதுமக்கள் அருவியில் குளிப்பதற்கு மட்டும் வனத்துறையினர் தடை விதிப்பதாக அறிவித்துள்ளனர்.
News November 2, 2024
மேலப்பாளையம் வீட்டை சேதப்படுத்திய 3 பேர் கைது
மேலப்பாளையம் வசந்தபுரத்தைச் சேர்ந்த பவானி தீபாவளி அன்று வீட்டின் வாசல் அருகில் பட்டாசு வெடித்துக் கொண்டிருந்தார். அப்போது குமார் என்பவர் அந்த வழியாக மோட்டார் சைக்கிளில் வேகமாக வந்தார். இதனை பவானியின் கணவர் தட்டி கேட்டார். இதனால் இருவருக்கும் இடையே வாக்குவாதம் ஏற்பட்டது. குமார் பவானியின் வீட்டை அடித்து சேதப்படுத்தி உள்ளார். போலீசார் வழக்கு பதிவு செய்து 3 பேரை கைது செய்துள்ளனர்.
News November 2, 2024
போக்சோவில் கைதான போலீஸ் சஸ்பெண்ட் – எஸ்பி உத்தரவு
களக்காடு அருகே உள்ள சிதம்பர புரத்தைச் சேர்ந்த ஆனந்த கலைச்செல்வன் (35) ஏர்வாடி காவல் நிலையத்தில் போலீசாக பணியாற்றி வந்தார். இவர் 17 வயது பிளஸ் டூ மாணவியரின் வீடியோக்களை சமூக வலைதளங்களில் வெளியிடுவதாக கூறி மிரட்டி பணம் பறித்த வழக்கில் கைது செய்யப்பட்டு சிறையில் அடைக்கப்பட்டுள்ளார். இந்த நிலையில் அவரை சஸ்பெண்ட் செய்து நெல்லை மாவட்ட காவல் கண்காணிப்பாளர் சிலம்பரசன் நேற்று (நவ.1)உத்தரவிட்டார்.
News November 2, 2024
நெல்லை சரகத்தில் 275 வழக்குகள் பதிவு
நெல்லை காவல் சரகத்திற்கு உட்பட்ட நெல்லை, தென்காசி, தூத்துக்குடி மாவட்டங்களில் தீபாவளி பண்டிகையை முன்னிட்டு விதிகளை மீறி பட்டாசு வெடித்ததாக 142 வழக்குகளும், பொதுமக்களுக்கு இடையூறாக விதிகளை மீறி நடந்து கொண்டதாக 133 வழக்குகளும் பதிவு செய்யப்பட்டு விசாரணை நடைபெற்று வருவதாக நெல்லை டிஐஜி மூர்த்தி நேற்று (நவ.1) தெரிவித்துள்ளார்.
Featured News
Sorry, no posts matched your criteria.