India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tiruchirappalli
News July 27, 2024
திருச்சியில் ஆன்மீக சுற்றுலா – ஆட்சியர் அழைப்பு
ஆடி மாதத்தை முன்னிட்டு திருச்சி சுற்றுலா பயணிகள், பொதுமக்கள் பயன்பெறும் வகையில் சுற்றுலா துறையும், இந்து சமய அறநிலைத்துறையும் இணைந்து ஆன்மீக சுற்றுலாவிற்கு ஏற்பாடு செய்துள்ளது. இந்த சுற்றுலாவில் திருச்சியைச் சுற்றியுள்ள அனைத்து கோவில்களுக்கும் அழைத்து செல்லப்பட உள்ளது. இதற்கான பயணத்தொகை ரூ.1100 ஆகும். விருப்பமுள்ளவர்கள் 0431-2414346 என்ற எண்ணை தொடர்பு கொள்ளலாம் என ஆட்சியர் இன்று தெரிவித்துள்ளார்.
News July 27, 2024
தெற்கு ரெயில்வே துறைகளுக்கு இடையிலான கிரிக்கெட் போட்டி
திருச்சி தெற்கு ரெயில்வே விளையாட்டு சங்கம் சார்பில் துறைகளுக்கு இடையிலான கிரிக்கெட் போட்டி திருச்சியில் இன்று தொடங்கியது. சீரமைக்கப்பட்ட திருச்சி பெல்ஸ் மைதானத்தில் இதன் தொடக்க விழா நடந்தது. இதைத் தொடர்ந்து நடந்த போட்டியில் மருத்துவ பிரிவு அணியும், எலக்ட்ரிக்கல் பொது பிரிவு அணியும் மோதுகின்றன. மற்ற போட்டிகளில் டி.ஆர்.எம். பொது பிரிவு, மெக்கானிக்கல் பிரிவு அணிகள் கலந்து கொள்கின்றன.
News July 27, 2024
டெல்லி புறப்பட்ட திருச்சி விவசாயிகள்
விவசாய விளைபொருட்களுக்கு 2 மடங்கு இலாபகரமான விலை தருவதாக கூறிவிட்டு தற்போது தராமல் ஏமாற்றியதை நிறைவேற்ற கோரியும், விவசாயிகள் வாங்கிய அனைத்து கடன்களையும் தள்ளுபடி செய்ய பல்வேறு கோரிக்கைகளை வலியுறுத்தி, தேசிய தென்னிந்திய நதிகள் இணைப்பு விவசாயிகள் சங்க தலைவர் அய்யாக்கண்ணு தலைமையில் 100க்கும் மேற்பட்ட விவசாயிகள் தலைநகர் டெல்லியில் சென்று போராட்டம் நடத்துவதற்காக பயணம் மேற்கொண்டனர்.
News July 27, 2024
திருச்சி விமான நிலையத்தில் ஆட்டோக்களுக்கு தடை
திருச்சி சர்வதேச விமான நிலையத்தின் புதிய முனையத்துக்கு ஆட்டோ போக்குவரத்துக்கு அனுமதியில்லை என்றும், ஆட்டோக்கள் நுழைய தடை என்று அறிவித்து விளம்பர பலகை திருச்சி விமான நிலையம் சார்பில் இன்று வைக்கப்பட்டுள்ளது. இந்த திடீர் உத்தரவால், ஆட்டோ ஓட்டுநர்களின் வாழ்வாதாரம் பாதிக்கப்பட்டுள்ளது. மேலும் பயணிகள் மற்றும் பொதுமக்கள் ஆட்டோக்களுக்கு அனுமதி மறுக்கப்பட்டதால் அதிர்ச்சியடைந்துள்ளனர்.
News July 27, 2024
அதிக வட்டி வசூலித்தால் புகார் அளியுங்கள்
பொன்மலை ரயில்வே பணிமனையில் பணியாற்றும் அரசு ஊழியர்கள் தங்களின் தேவைக்காக வட்டிக்கு பணம் வாங்கி அதை திருப்பி செலுத்த முடியாமல் பல சிக்கலுக்கு ஆளாகியுள்ளதாக கூறப்படுகிறது. மேலும் மாத சம்பளத்தை நம்பி வட்டிக்கு பணம் கொடுக்கும் கும்பல் ஊழியர்களை குறிவைத்து மீட்டர் வட்டி, ராக்கெட் வட்டி என பணத்தை கேட்டு தொல்லை கொடுப்பார்கள். எனவே மக்களுக்கு அறிவிப்பு பலகை மூலம் விழிப்புணர்வு ஏற்படுத்தப்பட்டுள்ளது.
News July 27, 2024
திருச்சி காங்கிரஸ் அறிவிப்பு
திருச்சி BSNL அலுவலகம் தலைமை தபால் நிலையம் அருகில் ஒன்றிய அரசின் நிதியை பாரபட்சமாக சில மாநிலங்களுக்கு வழங்கி, தமிழகத்தை வஞ்சிப்பதை கண்டித்து கண்டன இன்று காங்கிரஸ் சார்பில் கண்டன ஆர்ப்பாட்டம் நடைபெறுகிறது. எனவே இந்திய தேசிய காங்கிரஸ் கட்சியின் தேசிய, மாநில, மாவட்ட நிர்வாகிகள் அனைவரும் பங்கேற்கும்படி திருச்சி மாவட்ட காங்கிரஸ் கமிட்டி தலைவர் ரெக்ஸ் அழைப்பு விடுத்துள்ளார்.
News July 27, 2024
நலத்திட்ட உதவிகளை வழங்கிய ஆட்சியர்
திருச்சி மாவட்ட ஆட்சியர் அலுவலகத்தில் நேற்று (ஜூலை 26) முன்னாள் படைவீரர் மற்றும் சார்ந்தோர்களுக்கான குறைதீர்க்கும் கூட்டம் நடைபெற்றது. இந்த கூட்டத்தில் கொடி நாள் நிதியில் அதிக வசூல் புரிந்தமைக்காக துறையூர் நகராட்சி ஆணையர் சுரேந்திரஷாவிற்கு வெள்ளி பதக்கமும், முன்னாள் படைவீரர் மற்றும் அவர்களை சார்ந்தோருக்கு ரூபாய் 5 லட்சம் மதிப்பிலான நலத்திட்ட உதவிகளையும் ஆட்சியர் வழங்கினார்.
News July 26, 2024
தடம் பதிக்க போகும் ஒலிம்பிக் வீரர்கள்
33வது ஒலிம்பிக் போட்டிகள் பிரான்ஸ் தலைநகர் பாரீஸில் இன்று முதல் நடைபெற்று வருகிறது. அதில் தமிழகத்தை சேர்ந்த 13 வீரர் மற்றும் வீரங்கனைகள் தேர்ந்தெடுக்கப்பட்டு உள்ளனர். அதில் திருச்சியை சேர்ந்த பிருத்திவிராஜ் தொண்டைமான் துப்பாக்கி சுடும் போட்டியிலும், சுபா. வெங்கடேசன் தடகளபோட்டியிலும் கலந்துக் கொள்ள உள்ளனர். இவர்கள் வெற்றி பெற வேண்டுமென திருச்சி மக்கள் சார்பாக வாழ்த்துகிறோம்.
News July 26, 2024
ஓட்டுநர் சேமலையப்பனுக்கு அமைச்சர் அஞ்சலி
தன் இன்னுயிரை இழக்கும் தருணத்திலும், பிஞ்சு உயிர்களைக் காப்பாற்றிய ஓட்டுநர் திரு. சேமலையப்பன் அவர்களுக்கு அமைச்சர் அன்பில் மகேஸ் அவர்கள் அஞ்சலி செலுத்தினார். முதலமைச்சர் அவர்களின் அறிவுறுத்தலின்படி காங்கேயத்தில் அமைந்துள்ள சேமலையப்பன் அவர்களின் இல்லத்திற்கு நேரடியாக சென்று, அவரின் குடும்பத்தினருக்கும் உறவினர்களுக்கும் ஆறுதல் தெரிவித்தார்.
News July 26, 2024
வெக்காளியம்மன் கோவிலில் முதல்வர் மனைவி சாமி தரிசனம்
திருச்சி உறையூரில் உள்ள பிரசித்தி பெற்ற வெக்காளியம்மன் ஆலயத்தில் இன்று முதலமைச்சர் மு க ஸ்டாலின் மனைவி துர்கா ஸ்டாலின் தரிசனம் செய்தார். இதற்காக சென்னையில் இருந்து விமானம் மூலம் திருச்சிக்கு வந்த அவர் வெக்காளியம்மன் தரிசனம் செய்துவிட்டு திருவானைக்காவல் மற்றும் சமயபுரத்திற்கு செல்ல உள்ளார். இதற்காக ஆங்காங்கே போலீஸ் பாதுகாப்பு பணிகள் பலப்படுத்தப்பட்டுள்ளன.
Featured News
Sorry, no posts matched your criteria.