India's largestHyperlocal short
news App
Get daily news updates that are tailored for you based on your preferred language & location.
download Way2News app now
Thiruvarur
News May 13, 2024
நாகை எம்பி எம்.செல்வராஜ் காலமானார்
இந்திய கம்யூ. கட்சியின் மாநில தலைவர்களில் ஒருவரும் நாகப்பட்டினம் பாராளுமன்ற உறுப்பினருமான எம்.செல்வராஜ்(67) இன்று (13.05.24) அதிகாலை காலமானார். அவரது இறுதி சடங்கு நாளை(14. 05. 24) அவரது சொந்த ஊரான மன்னார்குடி அருகே உள்ள சித்தமல்லி கிராமத்தில் நடைபெறும் என அறிவிக்கப்பட்டுள்ளது. அவரது மறைவிற்கு பல்வேறு அரசியல் கட்சி தலைவர்கள் இரங்கல் தெரிவித்துள்ளனர்.
News May 13, 2024
கிரிக்கெட் போட்டி பரிசளிப்பு விழா
உள்ளிக்கோட்டை சின்ன அரச மர மருது நண்பர்கள் நடத்திய கிரிக்கெட் தொடர் போட்டி முடிவுற்று நேற்று பரிசளிப்பு விழா நடைபெற்றது. மாவட்ட திமுக விளையாட்டு மேம்பாட்டு அணி துணை அமைப்பாளர் பத்ம பிரகாஷ் கலந்து கொண்டு வெற்றி பெற்ற அணிகளுக்கு பரிசுகளை வழங்கினார். கீழ்க்கண்ட அணிகள் பரிசு பெற்றன முதல் பரிசை நெய்வாசல் டென்ஷன் பாய்ஸ் தட்டி சென்றனர்.
News May 12, 2024
நாய் பிடிக்க நூறு ரூபாய் வசூல்..!
திருவாரூர் மாவட்டம் மன்னார்குடி தாலுகா பரவாக்கோட்டை கிராமத்தில் வெறி நாய்கள் பகல் மற்றும் இரவு நேரத்தில் இப்பகுதியில் உள்ள வீடுகளில் ஆடு மாடு மற்றும் கோழிகளை கடித்து குதறி வருகின்றன. இதனால் நாயை பிடிக்க ஊராட்சி சார்பில் பொதுமக்களிடம் ரூ.100 வசூல் செய்யப்பட்டதாகவும் ஆனால் இதுவரை எவ்வித நடவடிக்கையும் எடுக்க வில்லை என இப்பகுதி பொதுமக்கள் புலம்பி வருகின்றனர்.
News May 12, 2024
மூத்த குடிமக்கள் இயக்கத்தின் மாதாந்திர கூட்டம்
முத்துப்பேட்டை மூத்த குடிமக்கள் இயக்கத்தின் மாதாந்திர கூட்டம் நேற்று தலைவர் பாலசுப்பிரமணியன் தலைமையில் நடைபெற்றது. இராசாராம் , சேதுராமன் ஆகியோர் முன்னிலை வகித்தனர். இதில் நிர்வாகிகள் செல்லப்பா, வில்வம், பன்னீர்செல்வம், சொக்கலிங்கம், மதியழகன், பாலசுப்பிரமணியன், கோவி. ரெங்கசாமி ஆகியோர் கலந்துக்கொண்டனர் இதில் பிறந்த நாள் கண்ட ஓய்வுபெற்ற அதிகாரிகளுக்கு வாழ்த்து தெரிவிக்கப்பட்டது
News May 11, 2024
திருவாரூர் மாவட்ட பாஜக தலைவர் அதிரடி கைது
பாஜக நிர்வாகி தாக்கப்பட்ட வழக்கில் முக்கிய குற்றவாளியான திருவாரூர் மாவட்ட பாஜக தலைவர் பாஸ்கர் போலீசாரால் இன்று கைது செய்யப்பட்டுள்ளார். குடவாசல் அருகே காவனூரைச் சேர்ந்த மதுசூதனனை கடந்த மே 8-ம் தேதி இரவு மர்ம கும்பல் சரமாரியாக வெட்டிவிட்டு தப்பி சென்றது. இதையடுத்து பாஜக தலைவர் பாஸ்கர், பொதுச்செயலாளர் செந்திலரசன் உள்பட 4 பேர் மீது போலீசார் வழக்குப்பதிவு செய்து விசாரணை மேற்கொண்டு வருகின்றனர்.
News May 11, 2024
திருவாரூர் மழைக்கு வாய்ப்பு
திருவாரூர் மாவட்டத்தில் இன்று (மே.11) மாலை 4 மணி வரை மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அதன்படி, திருவாரூர் மாவட்டத்தில் தமிழக பகுதிகளின் மேல் நிலவும் வளிமண்டல கீழடுக்கு சுழற்சி காரணமாக இடி, மின்னலுடன் கூடிய மிதமான மழை பதிவாகக்கூடும் எனத் தெரிவித்துள்ளது. கோடையில் தமிழகத்தில் சமீபகாலமாக ஆங்காங்கு மழைப்பொழிவு ஏற்பட்டு வருகிறது.
News May 11, 2024
திருவாரூர் வழியாக சென்னைக்கு விரைவு ரயில்
வாரந்தோறும் வெள்ளி மற்றும் ஞாயிற்றுக்கிழமைகளில் வரும் 17 ஆம் தேதி முதல் எழும்பூர் ரயில் நிலையத்தில் இருந்து இரவு 11.50 மணிக்கு புறப்படும் வகையிலும் மறுமார்க்கத்தில் வேளாங்கண்ணியில் இருந்து சனி மற்றும் திங்கள்கிழமைகளில் பிற்பகல் 2.45 மணிக்கு புறப்படும் வகையில் விரைவு ரயில் இயக்கப்பட உள்ளது.
எட்டு முன்பதிவில்லா பொதுப்பெட்டிகள் இணைக்கப்பட்டு திருவாரூர் வழியாக இயக்கப்பட உள்ளது.
News May 11, 2024
திருவாரூரில் மழைக்கு வாய்ப்பு
திருவாரூர் மாவட்டத்தில் இன்று (மே.11) மழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது. அதன்படி, நண்பகல் 1 மணி வரை இடி, மின்னலுடன் கூடிய மிதமான மழை பெய்ய வாய்ப்புள்ளதாக தெரிவித்துள்ளது. கோடையின் தாக்கம் அதிகம் இருந்த நிலையில் தமிழகத்தில் கடந்த சில நாட்களாகவே ஆங்காங்கு மழை பெய்து வருவது குறிப்பிடத்தக்கது.
News May 11, 2024
திருவாரூர் மாவட்ட ஆட்சியர் அலுவலகம் முற்றுகை?
திருவாரூர் :திருவாரூர் மாவட்ட நிர்வாகம் முடக்கியதை கண்டித்தும் விவசாயிகளின் கோரிக்கைகளை புறக்கணிக்கப்படுவது கண்டித்தும் வரும் 21.05.24 (செவ்வாய்க்கிழமை) திருவாரூர் மாவட்ட ஆட்சித் தலைவர் அலுவலகம் முன்பு முற்றுகை போராட்டம் நடத்தப்படும் என தமிழ்நாடு காவிரி விவசாயிகள் சங்க பொதுச்செயலாளர் பி.ஆர். பாண்டியன் தெரிவித்துள்ளார்.
News May 11, 2024
திருவாரூர் மாவட்ட பாஜக தலைவர் கைது.
திருவாரூர் மாவட்டம் குடவாசல் தாலுகா குடவாசல் அருகே உள்ள காவனூரில் முள்ளால் மாவட்ட விவசாய அணி செயலாளர் மதுசூதனன் வெட்டப்பட்ட சம்பவத்தில் திருவாரூர் மாவட்ட பாஜக தலைவர் ச.பாஸ்கர் இன்று கைது செய்யப்பட்டார். கைது செய்யப்பட்ட அவரை மாவட்ட எஸ்பி எஸ்.ஜெயக்குமார் உத்தரவின் பேரில் குடவாசல் காவல் நிலையத்தில் வைத்து விசாரித்து வருகின்றனர்.
Featured News
Sorry, no posts matched your criteria.