India's largestHyperlocal short
news App
Get daily news updates that are tailored for you based on your preferred language & location.
download Way2News app now
Thiruvarur
News July 12, 2024
நாளை பள்ளிகளுக்கு முழு வேலை நாள்
திருவாரூர் மாவட்டத்தில் நாளை முழு நேரமும் பள்ளிகள் செயல்படும் என திருவாரூர் மாவட்ட முதன்மைக் கல்வி அலுவலகம் சார்பில் அறிவிக்கப்பட்டுள்ளது. இதுகுறித்த அறிவிப்பில், “பள்ளிக்கல்வித்துறை நாட்காட்டியின்படி 13-07-2024 அன்று சனிக்கிழமை அனைத்து வகை பள்ளிகளுக்கும் பள்ளி வேலை நாள். எனவே மாணவர்கள் விடுப்பு இல்லாமல் வருகை புரிய வேண்டும்” என குறிப்பிடப்பட்டுள்ளது.
News July 12, 2024
திருவாரூர் இளைஞர்களுக்கு உதவித்தொகை
திருவாரூர் மாவட்ட வேலைவாய்ப்பு அலுவலகத்தில், 10 ஆம் வகுப்பு முதல் பட்ட வகுப்பு வரை படித்து பதிவு செய்து ஐந்தாண்டு காத்திருப்பில் உள்ள 45 வயது உட்பட்டவர்களுக்கு மாதாந்திர உதவித்தொகை அளிக்கப்பட உள்ளது. இதற்கு www.tnvelaivaaippu.gov.in என்ற இணையதளத்திலோ அல்லது மாவட்ட வேலைவாய்ப்பு மற்றும் தொழில் நெறி வழிகாட்டி மையத்தில் நேரில் வந்து விண்ணப்பிக்கலாம் என மாவட்ட ஆட்சியர் சாருஸ்ரீ தெரிவித்துள்ளார்.
News July 12, 2024
பொது விநியோக திட்ட குறை தீர்க்கும் கூட்டம் அறிவிப்பு
திருவாரூர் மாவட்டத்தில் பொது விநியோகத் திட்ட சிறப்பு பொது மக்கள் குறை தீர்க்கும் கூட்டம் வரும் நாளை காலை 10 மணி முதல் பிற்பகல் 1 மணி வரையில் நடைபெற உள்ளது. இதன்படி, புதுபத்தூர், ஆலங்குடி, ஆலத்தூர், விருப்பாட்சிபுரம், வடபாதி, மணலி, பூவனூர், புத்தகரம் ஆகிய பகுதிகளில் அந்தந்த கிராம நிர்வாக அலுவலகத்தில் முகாம் நடைபெறும் என மாவட்ட ஆட்சியர் சாருஸ்ரீ நேற்று தெரிவித்துள்ளார்.
News July 11, 2024
‘தமிழ்நாடு நாள்’ – முதல் இடம் பிடித்த மாணவனுக்கு ரூ.10,000
தமிழ் வளர்ச்சித்துறை சார்பில் ‘தமிழ்நாடு நாள்’ முன்னிட்டு இன்று(ஜூலை 11) திருவாரூரில் மாவட்ட அளவிலான பேச்சுப்போட்டி நடைபெற்றது. இதில் முதலிடம் பெற்ற பேரளம் அரசு பள்ளி மாணவர் ச.கெள.பாவேஷ்பிரசன்னாவுக்கு தமிழ்வளர்ச்சி துறை உதவி இயக்குனர் கஜலெட்சுமி ரூ.10,000 பரிசு தொகையும், சான்றிதழும் வழங்கி பாராட்டினார். மாணவர் பாவேஷ்பிரசன்னா மாநில அளவில் நடைபெறும் பேச்சுப்போட்டிக்கு தகுதி பெற்றுள்ளார்.
News July 11, 2024
திருவாரூர் ஆட்சியர் முக்கிய அறிவிப்பு
தமிழ் வளர்ச்சித்துறை சார்பில் ஆண்டுதோறும் தமிழ் ஆர்வலர்களுக்கு தமிழ்ச் செம்மல் விருது வழங்கப்படுகிறது. இதில் ரூ.25,000 ரொக்கப் பரிசுடன் தகுதியுரையும் வழங்கப்படுகிறது. இந்நிலையில், திருவாரூர் மாவட்டத்தை சேர்ந்த தமிழ் ஆர்வலர்கள் <
News July 10, 2024
ஆட்சியர் அலுவலகம் முன்பு ஆர்ப்பாட்டம்
திருவாரூர் மாவட்ட ஆட்சியர் அலுவலகம் முன்பு அங்கன்வாடி ஊழியர்கள் மற்றும் உதவியாளர்கள் சங்கம் சார்பில் ஆர்ப்பாட்டம் நடைபெற்றது. இதில் அங்கன்வாடி திட்டத்தை தனியார் மையமாகும் சட்டத்தை ரத்து செய்ய வேண்டும். காலி பணியிடங்களை நிரப்ப வேண்டும். புதிய கைப்பேசி வழங்க வேண்டும். உள்ளிட்ட கோரிக்கைகளை வலியுறுத்தி இன்று 200-க்கும் மேற்பட்டோர் கண்டன ஆர்ப்பாட்டத்தில் ஈடுபட்டனர்.
News July 10, 2024
திருவாரூர்: ரூ.8.48 கோடிக்கு பருத்தி ஏலம்
திருவாரூர் மாவட்டத்தில் நடப்பு ஆண்டில் நடைபெற்ற பருத்தி மறைமுக ஏலத்தில், 1328 டன் பெறப்பட்டு ரூ.8.48 கோடிக்கு வியாபாரிகள் பருத்தி கொள்முதல் செய்துள்ளதாக கலெக்டர் சாரு ஸ்ரீ தெரிவித்துள்ளார். திருவாரூர் ஒழுங்குமுறை விற்பனை கூடத்தை ஆய்வு செய்த கலெக்டர், சரியான முறையில் ஏலம் நடைபெறுகிறதா என பார்வையிட்டார். மேலும், கடந்த வாரங்களில் சராசரி விலையாக ரூ.6.909க்கு விற்பனை நடைபெற்றதாகவும் தெரிவித்தார்.
News July 10, 2024
தற்காலிக பணியிடங்களுக்கு விண்ணப்பிக்கலாம்!
திருவாரூர் மாவட்ட ஆதிதிராவிட நலத்துறை பள்ளிகளில் தற்காலிக பணியிடங்களுக்கு விண்ணப்பிக்கலாம் என கலெக்டர் சாரு ஸ்ரீ தெரிவித்துள்ளார். 10 இடைநிலை ஆசிரியர் பணியிடங்களுக்கு ரூ.12,000 அடிப்படையில் தொகுப்பூதியம் வழங்கப்படவுள்ளது; தகுதி: வரையறுக்கப்பட்ட கல்வி தகுதியுடன் ஆசிரியர் தகுதித் தேர்வு தேர்ச்சி; முகவரி: பழங்குடியினர் நல அலுவலகம், கலெக்டர் அலுவலக வளாகம், முதல் தளம், அறை 34, திருவாரூர்.
News July 9, 2024
களிமண் வண்டல் மண் எடுக்க ஆட்சியர் அறிவுறுத்தல்
திருவாரூர் மாவட்ட ஆட்சியர் சாரு ஸ்ரீ இன்று வெளியிட்டுள்ள செய்திக்குறிப்பில், மாவட்டத்தில் நெடுஞ்சாலை துறை, ஊரக வளர்ச்சி மற்றும் ஊராட்சி வசமுள்ள 86 ஏரி மற்றும் ஆறு, குளம் ஆகியவற்றில் தமிழ்நாடு அரசு உத்தரவின் படி விவசாயிகள் மற்றும் மண்பாண்ட தொழில் புரிவோர் களிமண் மற்றும் வண்டல்மண் ஆகியவற்றை எடுத்து கொள்ளலாம். இணையம் வழியாக விண்ணப்பித்து தாசில்தார்களிடம் அனுமதி பெற வேண்டும் என தெரிவித்துள்ளார்.
News July 8, 2024
திருவாரூரில் உலக மக்கள் தொகை விழிப்புணர்வு நிகழ்ச்சி
ஒவ்வொரு ஆண்டும் ஜீலை 11 ஆம் நாளை உலக மக்கள் தொகை நாளாக ஐக்கிய நாடுகள் சபை மூலம் உலகம் முழுவதும் கொண்டாடப்படுகிறது. இந்த ஆண்டு ஜீலை 11ஆம் தேதி உலக
மக்கள் தொகை தினம் கொண்டாடப்பட உள்ளது. இதையொட்டி, திருவாரூர்
மாவட்டத்தில் மக்கள் தொகை விழிப்புணர்வு பேரணி, தாய்மார்கள் குழுக்கூட்டம் மற்றும் மாணவர்களிடையே விழிப்புணர்வு ஏற்படுத்தப்படும் என மாவட்ட ஆட்சியர் சாரு ஸ்ரீ தெரிவித்துள்ளார்.
Featured News
Sorry, no posts matched your criteria.