India's largestHyperlocal short
news App
Get daily news updates that are tailored for you based on your preferred language & location.
download Way2News app now
Thiruvarur
News July 16, 2024
திருவாரூர் மாவட்டத்தில் மழைக்கு வாய்ப்பு
தமிழகத்தில் தென் மேற்கு பருவ மழை தீவிரமடைந்து வரும் நிலையில், இன்று மாலை 7 மணி வரை தமிழகத்தின் 18 மாவட்டங்களில் மழைக்கு வாய்ப்புள்ளதாக சென்னை வானிலை ஆய்வு மையம் அறிவித்துள்ளது. அதன்படி இன்று மாலை 7 மணி வரை திருவாரூர் மாவட்டத்தின் பல்வேறு பகுதிகளில் லேசானது முதல் மிதமான மழை பெய்யக்கூடும் எனத் தெரிவிக்கப்பட்டுள்ளது.
News July 16, 2024
மாற்றுத்திறனாளிகள் போராட்டம்
மாற்றுத்திறனாளிகளுக்கு உதவித்தொகை வழங்க வேண்டும், மாற்றுத்திறனாளிகளுக்கு 35 கிலோ வரை அரிசி பெறுவதற்கான குடும்ப அட்டையை உடனடியாக வழங்க வேண்டும் உள்ளிட்ட பல்வேறு அம்ச கோரிக்கைகளை வலியுறுத்தி திருவாரூர் மாவட்ட ஆட்சியர் அலுவலகம் முன்பு மாற்றுத்திறனாளிகள் 50-க்கும் மேற்பட்டோர் இன்று கண்டன ஆர்ப்பாட்டத்தில் ஈடுபட்டனர்.
News July 16, 2024
நீங்களும் இனி ரிப்போர்ட்டர் தான்
தமிழில் முன்னணி Short News செயலியான Way2News-யில், உங்களை சுற்றி நடக்கும் உள்ளூர் நிகழ்சிகள், அரசியல் நிகழ்வுகள், புகார்கள், கோரிக்கைகள் ஆகியவற்றை செய்திகளாக பதிவேற்றி நீங்களும் செய்தியாளராக மாறுங்கள். இதுதொடர்பாக ஏதேனும் சந்தேகம் இருந்தால் 9160322122 என்ற எண்ணிற்கு தொடர்பு கொள்ளவும்.
News July 16, 2024
திருவாரூர்: 2 நாட்களுக்கு குடிநீர் நிறுத்தம்
சோழபுரம்-தஞ்சாவூர் சாலையில் மேம்பாலம் கட்டும் பணிக்காக வேதாரண்யம் கூட்டுக்குடிநீர் திட்ட பிரதான நீர் உந்துக் குழாயை மாற்றுப் பாதையில் பதிக்கும் பணி மேற்கொள்ளப்பட உள்ளதால் 18.07.2024 மற்றும் 19.07.2024 ஆகிய இரண்டு நாட்களுக்கு குடிநீர் நிறுத்தம் செய்யப்படும். எனவே குடிநீரை சிக்கனமாக பயன்படுத்தி குடிநீரை சேமித்து வைத்துக் கொள்ளவும் என மாவட்ட ஆட்சியர் சாருஸ்ரீ நேற்று தெரிவித்துள்ளார்.
News July 15, 2024
மன்னார்குடி ரயில் நிலையத்தை ஆய்வு செய்த எஸ்பி
திருவாரூர் மாவட்டத்தில் தமிழ்நாடு விவசாய சங்கத்தினர் நாளை ரயில் மறியல் போராட்டத்தில் ஈடுபட உள்ளதால் திருவாரூர் மாவட்ட காவல் கண்காணிப்பாளர் எஸ்.ஜெயக்குமார் இன்று மன்னார்குடி ரயில் நிலையத்தில் ஆய்வு செய்தார். மேலும், அங்கு மேற்கொள்ளப்பட வேண்டிய பாதுகாப்பு நடவடிக்கைகள் குறித்து ஆய்வு செய்தார்.
News July 15, 2024
மாநில அளவிலான கபாடி போட்டிகள்
வேதாரண்யம் ஆறகாட்டுத்துறையில் மாநில அளவிலான கபாடி போட்டி இன்று (ஜூலை 15) நிறைவடைந்தது. 38 மாவட்டங்களில் இருந்தும் அணிகள் போட்டியில் பங்கேற்றன. இதில் 18 புள்ளிகள் பெற்று திருவாரூர் மாவட்டம் மன்னார்குடி வட்டம் உள்ளிக்கோட்டை நண்பர்கள் கபாடி அணி முதல் பரிசாக 30,000 ரூபாயும் ஆறுகாட்டுத்துறை அணி இரண்டாம் இடத்தை பெற்று ரூ.20,000 பணப் பரிசினையும் வென்றது.
News July 15, 2024
கர்நாடகா அரசுக்கு எதிராக நாளை ரயில் மறியல் போராட்டம்
திருத்துறைப்பூண்டியில் நாளை(ஜூலை 16) காலை 8.15 மணியளவில் கர்நாடக அரசுக்கு எதிராக ரயில் மறியல் போராட்டம் நடைபெற உள்ளது. கர்நாடக அரசு தமிழகத்திற்கு வழங்க வேண்டிய தண்ணீரை இதுவரையிலும் வழங்காததை கண்டித்தும் அதை முறையாக பெற்று தராத மத்திய அரசை கண்டித்தும் நாளை தமிழ்நாடு விவசாயிகள் சங்கம் சார்பில் திருத்துறைப்பூண்டி சட்டமன்ற உறுப்பினர் மாரிமுத்து தலைமையில் ரயில் மறியல் போராட்டம் நடைபெற உள்ளது.
News July 15, 2024
அக்னி பாத் திட்டத்தின் கீழ் ஆள்சேர்ப்பு – ஆட்சியர் தகவல்
அக்னிபாத் திட்டத்தின் அக்னிவீரர் ஆட்சேர்ப்பு தேர்விற்காக திருமணமாகாத இந்திய ஆண் மற்றும் பெண் விண்ணப்பதாரர்களிடமிருந்து 08.07.2024 முதல் 28.07.2024 வரை இணையவழியாக விண்ணப்பிக்க இந்திய விமானப்படை விளம்பர அறிவிப்பு வெளியிட்டுள்ளது.
தகுதியுடைய விண்ணப்பதாரர்கள் இணையதளம் வாயிலாக விண்ணப்பித்து பயன் பெறலாம் என மாவட்ட ஆட்சியர் சாரூஸ்ரீ தகவல் தெரிவித்துள்ளார்.
News July 15, 2024
மாவட்ட ஆட்சியர் தலைமையில் மக்கள் குறைந்திருக்கும் நாள் கூட்டம்
திருவாரூர் மாவட்ட ஆட்சியர் அலுவலகக் கூட்ட அரங்கில் இன்று(ஜூல்சி 15) மக்கள் குறைதீர்க்கும் நாள் கூட்டம் நடைபெற்றது. இக்கூட்டத்தில் திருவாரூர் மாவட்ட ஆட்சியர் தி.சாரு ஸ்ரீ பொதுமக்களின் குறைகளை கேட்டு அறிந்து மனுக்களை பெற்றுக் கொண்டார். அப்போது மாவட்ட ஆட்சியர் அலுவலக அதிகாரிகள் உடனிருந்தனர்.
News July 15, 2024
மாற்றுத்திறனாளிகளுக்கு நலத்திட்ட உதவிகளை வழங்கிய ஆட்சியர்
திருவாரூர் மாவட்ட ஆட்சியர் அலுவலக கூட்ட அரங்கில் நடைபெற்ற கூட்டத்தில் இன்று திருவாரூர் மாவட்ட மாற்றுத்திறனாளிகள் நலத்துறை சார்பில் மாற்றுத்திறனாளிகளுக்கான இலவச மோட்டார் சைக்கிள் மற்றும் நலத்திட்ட உதவிகள் வழங்கும் நிகழ்ச்சி நடைபெற்றது. இதில் திருவாரூர் மாவட்ட ஆட்சியர் சாரு ஸ்ரீ கலந்து கொண்டு பயனாளிகளுக்கு நலத்திட்ட உதவிகளை வழங்கினார். மேலும், இந்த நிகழ்வில் அரசு அலுவலர்கள் கலந்து கொண்டனர்.
Featured News
Sorry, no posts matched your criteria.