India's largestHyperlocal short
news App
Get daily news updates that are tailored for you based on your preferred language & location.
download Way2News app now
Thiruvarur
News October 21, 2024
முத்துப்பேட்டை அருகே முதியவர் போக்சோ சட்டத்தில் கைது
முத்துப்பேட்டை தாலுகா, மண்ணுக்குமுண்டான் தாடிபாலத்தில் நேற்று 9ஆம் வகுப்பு மாணவி ஒருவர் தனியாக நடந்து சென்றபோது, ஆற்றாங்கரை தெருவை சேர்ந்த சகாய இருதையராஜ் என்பவர் வழிமறித்து அவரிடம் பாலியல் துன்புறுத்தலில் ஈடுபட்டுள்ளார். இதுகுறித்து மகளிர் காவல் நிலையத்தில் மாணவி புகார் செய்ததையடுத்து எஸ்.ஐ. ரூபாவதி மற்றும் போலீசார் சகாய இருதையராஜ் மீது போக்சோ சட்டத்தின் கீழ் வழக்கு பதிந்து சிறையில் அடைத்தார்.
News October 21, 2024
திருவாரூர் மாவட்டத்தில் 112 பேர் கைது
திருவாருர் மாவட்டத்தில் அக்.19, 20 ஆகிய இரு தினங்களில் போலீசார் நடத்திய அதிரடி சோதனையில் கஞ்சா, மது, குட்கா, லாட்டரி விற்பனை மற்றும் மணல் கடத்தல், சூதாட்டம் என மொத்தம் 98 வழக்குகள் பதிவு செய்யப்பட்டு குற்ற செயல்களில் தொடர்புடைய மொத்தம் 112 நபர்கள் கைது செய்யப்பட்டுள்ளனர். இந்த நடவடிக்கை தொடரும் என திருவாரூர் மவ்வட்ட எஸ்பி ஜெயக்குமார் தெரிவித்துள்ளார்.
News October 21, 2024
திருவாரூர் மாவட்டத்தில் போதையில் பைக் ஓட்டிய 88 பேர் மீது வழக்கு
திருவாருர் மாவட்ட எஸ்பி ஜெயக்குமார் உத்தரவின்படி அனைத்து காவல் சரகத்திலும் போலீசார் நடவடிக்கையில் பொதுமக்களுக்கும், போக்குவரத்துக்கும் இடையூறு ஏற்படுத்தும் வகையில் மதுபோதையில் இருசக்கரவாகனம் ஓட்டிவந்தவர்கள் மீது போலீசார் மொத்தம் 88 வழக்குகள் பதிவுசெய்யப்பட்டு அவர்களின் வாகனங்கள் பறிமுதல் செய்யப்பட்டுள்ளன. இந்த நடவடிக்கை தொடரும் என எஸ்பி ஜெயக்குமார் தெரிவித்துள்ளார்.
News October 20, 2024
திருவாரூர் மாவட்டத்தில் கனமழைக்கு வாய்ப்பு
தமிழகத்தில் வடகிழக்கு பருவமழை தீவிரமடைந்த நிலையில், பல்வேறு மாவட்டங்களுக்கு வானிலை ஆய்வு மையம் கனமழை எச்சரிக்கை விடுத்துள்ளது. அதன்படி திருவாரூர் மாவட்டத்தில் அக்டோபர்-20 (இன்று) மற்றும் அக்டோபர்-22 (செவ்வாய்) ஆகிய தேதிகளில் கனமழை பெய்யக்கூடும் என வானிலை ஆய்வு மையம் தெரிவித்துள்ளது. அக்.20-ஆம் தேதி நிலவரப்படி தமிழகத்தில் வடகிழக்கு பருவமழை வழக்கத்தை விட 65% கூடுதலாக பெய்துள்ளது குறிப்பிடத்தக்கது.
News October 20, 2024
திமுக செயல்படுத்தவில்லை: முன்னாள் அமைச்சர் காமராஜ்
மன்னார்குடியில் நேற்று இரவு அதிமுக சார்பில் 53 ஆம் ஆண்டு துவக்க விழா பொதுக்கூட்டம் நடைபெற்றது. இந்த விழாவில் தமிழக முன்னாள் உணவுத்துறை அமைச்சர் காமராஜ் கலந்து கொண்டு, தமிழகத்தில் அம்மா கொண்டு வந்துள்ள அனைத்து திட்டங்களையும் திமுக தற்பொழுது செயல்படுத்தவில்லை என்று கூறினார். மேலும் இந்த திட்டத்தை 2026ஆம் ஆண்டு தேர்தலில் அதிமுக வெற்றி பெற்றவுடன் நடைமுறைப்படுத்துவதாக கூறினார்.
News October 20, 2024
கிருஷ்ணகிரிக்கு 2000 டன் நெல்
நீடாமங்கலத்தில் இருந்து கிருஷ்ணகிரிக்கு 2000 டன் நெல் அரவைக்கு அனுப்பி வைக்கப்பட்டது. விவசாயிகளிடம் இருந்து கொள்முதல் செய்யப்பட்ட நெல்மூட்டைகளை, நவீன சேமிப்பு கிடங்கில் சேகரித்து அங்கிருந்து லாரிகள் மூலம் நீடாமங்கலம் கொண்டு வரப்படுகிறது. அங்கிருந்து பல்வேறு மாவட்டங்களுக்கு பொது விநியோகத்திற்கு எடுத்து செல்லப்படுகின்றன. நேற்று இரவு கிருஷ்ணகிரிக்கு 42 வேகன்களில் 2000 டன் நெல் அனுப்பி வைக்கப்பட்டது.
News October 20, 2024
மன்னார்குடியில் புதிய ஆர்டிஓ நியமனம்
மன்னார்குடி வருவாய் கோட்டாட்சியராக பணிபுரிந்த கீர்த்தனா மணி தற்போது சிவகங்கைக்கு மாற்றப்பட்ட காரணத்தால், நாகையில் பணிபுரிந்து வந்த யோகேஸ்வரன் மன்னார்குடி புதிய வருவாய் கோட்டாட்சியராக நியமிக்கப்பட்டுள்ளார். இவர் அக்டோபர் 20 முதல் ஆர்டிஓவாக செயல்படுவார் என அறிவிக்கப்பட்டுள்ளது. ஷேர் செய்யவும்
News October 19, 2024
திருவாரூர் மாவட்டத்தில் அறநிலையத்துறை சார்பில் 14 ஜோடிகளுக்கு திருமணம்
மன்னார்குடி ராஜகோபால சுவாமி கோவிலில் அறநிலையத்துறை சார்பில் 21 ஆம் தேதி 14 ஜோடிகளுக்கு இலவச திருமணம் நடைபெற உள்ளது. இவர்களுக்கு சீர்வரிசை அறநிலையத்துறை சார்பில் வழங்கப்படுகிறது. இதற்கான ஏற்பாடுகளை திருவாரூர் மாவட்டத்தைச் சேர்ந்த பல்வேறு கோவில் நிர்வாகிகளும் செய்து வருகின்றனர். திருமணம் நடைபெறும் இடமான ராஜகோபாலசாமி கோவில் ஆயிரங்கால் மண்டபம் அலங்கரிக்கப்பட்டுள்ளது.
News October 19, 2024
திருவாரூர் மாவட்டம் குறித்த முக்கிய தகவல்கள்
திருவாரூர் மாவட்டம் கடந்த 1997-ஆம் ஆண்டு ஜனவரி 1-ஆம் தேதி, நாகை மற்றும் தஞ்சை மாவட்டத்தில் இருந்து பிரிக்கப்பட்டு தனி மாவட்டமாக அறிவிக்கப்பட்டது. 2,274 சதுர கி.மீ பரப்பளவு கொண்ட திருவாரூர் மாவட்டத்தில் 9 தாலுகா, 573 வருவாய் கிராமங்கள் அமைந்துள்ளன. மாவட்டத்தின் மொத்த மக்கள் தொகை எண்ணிக்கை சுமார் 13 லட்சம் ஆகும். திருவாரூர் மாவட்டம் என்றால் உங்களுக்கு ஞாபகத்திற்கு வருவது என்ன? SHARE NOW!
News October 19, 2024
திங்கள் கிழமை முதல் ரேஷன் கடைகள் இயங்காது
திருவாரூர் மாவட்டத்தில் உள்ள அனைத்து ரேஷன் கடைகளையும் அடைத்து போராட்டத்தில் ஈடுபட உள்ளதாக டாக்பியா சங்கம் அறிவிப்பு நேற்று நடைபெற்ற ஆலோசனைக் கூட்டத்தில் அங்காடிகளில் பல மடங்கு அபராதம் விதிக்கப்படுவதை கைவிட வேண்டும் விற்பனையாளர்கள் பல மயில் தூரம் பணிபுரிவதை மாற்றம் விட வேண்டும் உள்ளிட்ட கோரிக்கைகளை நிறைவேற்ற வேண்டி 21-10-2024முதல் வேலைநிறுத்த போராட்டத்தில் ஈடுபட உள்ளதாக அறிவித்துள்ளனர்.
Featured News
Sorry, no posts matched your criteria.