India's largestHyperlocal short
news App
Get daily news updates that are tailored for you based on your preferred language & location.
download Way2News app now
Thenilgiris
News October 26, 2024
நீலகிரி தலைப்புச் செய்திகள்
1.கோத்தகிரியில் அரசு மருத்துவமனை கட்டிலில் ஓய்வெடுத்த தெருநாய்
2.கொடநாடு வழக்கு விசாரணை நவம்பர் 29-க்கு ஒத்திவைப்பு
3.நீலகிரி: வகுப்பறையில் 9ஆம் வகுப்பு மாணவி தீ குளிக்க முயற்சி
4. ஊட்டி ஸ்டெர்லிங் பயோடெக் நிறுவன ஊழியர்கள் காத்திருப்பு போராட்டம்
5.உதகை பள்ளி மாணவர்களுக்கு சைக்கிள் வழங்கல்
News October 26, 2024
அரசு மருத்துவமனை கட்டிலில் ஓய்வெடுத்த தெரு நாய்
கோத்தகிரி பஸ் நிலையம் பகுதியில் பல்வேறு சிறப்பு வசதிகளுடன் அரசு மருத்துவமனை செயல்பட்டு வருகிறது. சமீபத்தில் 3 கோடி ரூபாய் அவசர சிகிச்சைப் பிரிவு கட்டிடம் கட்டப்பட்டு பயன்பாட்டிற்கு கொண்டு வரப்பட்டது. தினமும் சுமார் 300 க்கும் மேற்பட்ட நோயாளிகள் சிகிச்சை பெற்று வரும் மருத்துவமனை நோயாளிகள் கட்டிலில் தெரு நாய் ஒன்று ஏறி அமர்ந்து ஓய்வெடுத்த காட்சி தற்போது சமூக வலைதளங்களில் வைரலாகி வருகிறது.
News October 26, 2024
கொடநாடு வழக்கு விசாரணை ஒத்திவைப்பு
கொடநாடு கொலை, கொள்ளை வழக்கு உதகை மாவட்ட குடும்ப நல நீதிமன்றத்தில் நடந்து வருகிறது. இந்த நிலையில் நேற்று முக்கிய குற்றவாளியாக கருதப்படும் சயான் மற்றும் வாளையார் மனோஜ் கோர்ட்டுக்கு வந்தனர். மேலும், சாட்சிகளிடம் விசாரிக்க அவகாசம் கோரப்பட்டதை அடுத்து, வழக்கு விசாரணையை நவம்பர் 29-க்கு ஒத்திவைத்து நீதிபதி லிங்கம் உத்தரவிட்டார்.
News October 26, 2024
நீலகிரி: வகுப்பறையில் மாணவி தீ குளிக்க முயற்சி
உதகை அருகே அரசு மேல்நிலை பள்ளி 9ஆம் வகுப்பு மாணவி குறைந்த மதிப்பெண் எடுத்ததை தந்தை கண்டித்து உள்ளார். இதனிடையே நேற்று நடந்த பெற்றோர் ஆசிரியர் கூட்டத்தில் தந்தை பங்கேற்று உள்ளார். அதே நேரத்தில் வகுப்பறையில் யாரும் இல்லாத நேரத்தில் அந்த மாணவி பாட்டிலில் வைத்திருந்த மண்ணெண்ணெயை தன் மீது ஊற்றி உள்ளார். தகவலறிந்த ஆசிரியர்கள் சென்று தடுத்தனர். இது குறித்து தேனாடுகம்பை போலீஸ் விசாரித்து வருகின்றனர்.
News October 26, 2024
நீலகிரி மாவட்ட ஆட்சியர் முக்கிய அறிவிப்பு
நீலகிரி மாவட்ட வனத்துறை சார்பில் சர்வதேச காலநிலை தினத்தை முன்னிட்டு ஊட்டியில் சிறப்பு கருத்தரங்கு நடைபெற்றது. இதில் நீலகிரி கலெக்டர் லட்சுமி பவ்யா தண்ணீரு, கார்பன் டை ஆக்சைடை குறைக்கும் வகையில் பல்வேறு நடவடிக்கைகள் எடுக்கப்பட்டு வருகிறது. நீலகிரி மக்கள் அனைவரும் பொது போக்குவரத்தை பயன்படுத்த வேண்டும். இதன் மூலம் கார்பன் டை ஆக்சைடு உருவாவது குறையும். போக்குவரத்து நெரிசல் குறையும் என கூறியுள்ளார்.
News October 26, 2024
குன்னூரில் புதிய நீதிமன்றம் கட்டிடம்
நீலகிரி மாவட்டம் ,குன்னூரில் புதிய நீதிமன்றம் அமைக்க அரசின் மூலம் சுமார் 8 ஏக்கர் நிலம் ஒதுக்கீடு செய்யப்பட்டுள்ளது. இந்நிலையில் இன்றைய தினம் குன்னூர் நீதிமன்ற நீதிபதிகள், தாசில்தார், குன்னூர் கூடுதல் ஆட்சியர் ஆகியோர் ஒதுக்கீடு செய்யப்பட்டுள்ள இடத்தினை நேரில் ஆய்வு செய்தனர். இவர்களுடன் வனத்துறை அதிகாரிகள், நில அளவை அதிகாரிகள் மற்றும் வழக்கறிஞர்கள் ஏராளமானோர் பங்கேற்றனர்.
News October 25, 2024
அதிமுக வர்த்தக அணி தலைவருக்கு சம்மன்
கொடநாடு கொலை கொள்ளை வழக்கு விசாரணைக்கு ஆஜராகுமாறு தூபாயில் தலைமறைவாக உள்ள அதிமுக மாநில வர்த்தக அணி தலைவர் சஜீவனுக்கு, சிபிசிஐடி போலீசார் சம்மன் அனுப்பியுள்ளது. வனவிலங்குகளை வேட்டையாட தனது பணியாளர்களுக்கு கள்ள துப்பாக்கி வாங்கி கொடுத்த வழக்கில் 3வது குற்றவாளியாக சஞ்சீவன் சேர்க்கப்பட்டதால் கடந்த ஏப்ரலில் அவர் துபாய்க்கு தப்பி சென்று தலைமறைவானார்.
News October 25, 2024
நெல்லியாளம் நகராட்சியில் ரூ.3.37 லட்சம் பறிமுதல்
தீபாவளி பண்டிகை நெருங்கி வரும் நிலையில், தமிழகம் முழுவதும் பணம் மற்றும் பரிசுப் பொருட்கள் அதிகாரிகளுக்கு வழங்கப்படும் என்பதால், நீலகிரி மாவட்ட லஞ்ச ஒழிப்புத் துறை போலீசார் தீவிர சோதனை மேற்கொண்டு வருகின்றனர். இதில், இன்று நெல்லியாளம் நகராட்சியில் நடந்த சோதனையில், கணக்கில் வராத பணம் ரூபாய் 3 லட்சத்து 37 ஆயிரத்து 500 பறிமுதல் செய்யப்பட்டது.
News October 25, 2024
நவம்பர் 1 முதல் கூடுதல் பேருந்து இயக்கம்
கரியமில வாயு (கார்பன் டை ஆக்சைடு) இல்லாத மாவட்டமாக நீலகிரி திகழ்வதாக கலெக்டர் லட்சுமி பவ்யா தண்ணீரு தெரிவித்துள்ளார். அவர் கூறுகையில், உதகையில் வாகன நெரிசலை தவிர்க்க பொதுமக்கள் சொந்த வாகனங்களைத் தவிர்த்துவிட்டு, நகர பேருந்துகளை பயன்படுத்த வேண்டும். வரும் நவ.1ஆம் தேதி முதல் உதகையில் பொதுமக்கள் பயன்பாட்டிற்காக கூடுதல் பேருந்துகள் இயக்கப்படும் என்றார்
News October 25, 2024
நீலகிரி மாவட்டத்தில் 12 இடங்கள் தேர்வு
தமிழ்நாடு மலையேற்ற வழித்தடங்களில் நீலகிரி மாவட்டத்தில் 11 இடங்கள் தேர்வு செய்து இன்று தலைமை செயலகத்தில் நடைபெற்ற நிகழ்ச்சியில் தமிழ்நாடு துணை முதலமைச்சர் உதயநிதி ஸ்டாலின் அறிவித்தார். அதன்படி கேர்ன்ஹில், லாங்வுட்சோலை, ஜீன்பூல், ரங்கசாமி சிகரம், போரிசிகரம், முக்குருத்தி, அவலாஞ்சி, அவலாஞ்சி சோலை, கோலாரிபெட்டா, தேவர்பெட்டா, நீடில்ராக் ஆகிய 12 இடங்கள் தேர்வு செய்யப்பட்டுள்ளன.
Featured News
Sorry, no posts matched your criteria.