India's largestHyperlocal short
news App
Get daily news updates that are tailored for you based on your preferred language & location.
download Way2News app now
Theni
News September 14, 2024
தேனியில் வேலை வாய்ப்பு முகாம் – ஆட்சியர் தகவல்
தேனி மாவட்டம் தமிழ்நாடு மாநில ஊரக மற்றும் நகர்ப்புற வாழ்வாதார இயக்கம் மகளிர் திட்டம் சார்பாக மாவட்ட அளவில் தனியார் துறை வேலைவாய்ப்பு முகாம் செப்டம்பர் 21ஆம் தேதி காலை 9 மணி முதல் மாலை 3 மணி வரை வீரபாண்டி அரசு கலை மற்றும் அறிவியல் கல்லூரியில் நடைபெற உள்ளதாக தேனி மாவட்ட ஆட்சித் தலைவர் ஷஜீவனா இன்று (செப்.13) தெரிவித்துள்ளார். இந்த முகாமில் நூற்றுக்கும் மேற்பட்ட தனியார் நிறுவனங்கள் பங்கேற்க உள்ளனர்.
News September 14, 2024
தேனி: 10 கிமீ பாம்புடன் பயணித்த டிரைவர்
சின்னமனூர் அருகே உள்ள பொன்னி லாரி சர்வீஸ் டிரைவர் குப்பமுத்து புலிக்குத்தி வாடகைக்கு சென்று விட்டு திரும்பும் வழியில் உடனிருந்த நபர் பாம்பினை கண்டு குப்பமுத்துவிடம் தெரிவித்தார். உடனே அவர் அச்சப்படாமல் அந்த வாகனத்தை சுமார் 10 கிலோமீட்டர் அந்தப் பாம்புடன் பயணம் மேற்கொண்டு சின்னமனூரில் உள்ள தீயணைப்பு நிலையத்திற்கு கொண்டு வந்து தீயணைப்பு அதிகாரிகள் மூலம் அந்த பாம்பை மீட்டு ஒப்படைத்தார்.
News September 13, 2024
தேனியில் புதிய ஏ.எஸ்.பி பொறுப்பேற்பு
தூத்துக்குடி டவுனில் பணிபுரிந்து வந்த ஏ.எஸ்.பி கேல்கர் சுப்பிரமணி பாலசந்தரா, தேனி துணை காவல் கண்காணிப்பாளர் அலுவலகத்திற்கும், தேனி டிஎஸ்பி-ஆக பணிபுரிந்து வந்த பார்த்திபன் சென்னைக்கு பணியிட மாறுதல் செய்து தமிழக காவல்துறை உத்தரவிட்டது. இந்த நிலையில், இன்று (செப்.13) தேனி டிஎஸ்பி அலுவலகத்தில் ஏஎஸ்பி கேல்கர் சுப்பிரமணி பாலசந்தரா பொறுப்பேற்றுக் கொண்டார். அவருக்கு காவல்துறையினர் வாழ்த்து தெரிவித்தனர்.
News September 13, 2024
தேனியில் இருந்து ஆழப்புலாவிற்கு புதிய பேருந்து சேவை
கேரள அரசு போக்குவரத்து கழகம் சார்பாக கேரள அரசு பேருந்து இன்று முதல் ஆழப்புலாவிற்கு இயக்கப்படுகிறது. தேனி புதிய பேருந்து நிலையத்தில் இன்று அதிகாலை 3.30 மணிக்கு புறப்பட்ட பேருந்து கம்பம், கட்டப்பனை, வாகமண், ஈராட்டு பேட்டை, பாலா, கோட்டயம் வழியாக காலை 11.15 மணிக்கு ஆழப்புலா சென்றடையும். மறு மார்க்கத்தில் ஆழப்புலாவில் பிற்பகல் 2.50 மணிக்கு புறப்பட்டு இரவு 10:30 மணிக்கு தேனி வந்தடையும்.
News September 13, 2024
தேனி அருகே கணவர் இறந்ததால் மனைவி தற்கொலை
தேவதானப்பட்டி அருகே சில்வார்பட்டியை சேர்ந்தவர் முத்துப்பாண்டி (45). இவர் காசநோயால் பாதிக்கப்பட்டிருந்த நிலையில் கடந்த 3 மாதங்களுக்கு முன்பு உயிரிழந்தார். இதனால் இவரது மனைவி சுதா (39) மனநிலை பாதிக்கப்பட்டு காணப்பட்டார். இந்நிலையில் நேற்று சுதா தூக்கிட்டு தற்கொலை செய்து கொண்டார். இது குறித்து தேவதானப்பட்டி போலீசார் வழக்கு பதிவு செய்து விசாரணை நடத்தி வருகின்றனர்.
News September 13, 2024
டாஸ்மாக்கிற்கு விடுமுறை அறிவிப்பு
தேனி மாவட்டத்தில் செப்.17 அன்று மிலாடி நபி தினத்தை முன்னிட்டு அனைத்து டாஸ்மாக் மதுபான சில்லறை விற்பனை கடைகள் மற்றும் உரிமம் பெற்ற தனியார் பார்களில் மது விற்பனை மேற்கொள்ளக் கூடாது என ஆணையிடப்பட்டுள்ளது. மேற்காணும் நாளில் விதிமீறல்கள் ஏதும் இருப்பின் சம்பந்தப்பட்ட மதுபானக் கடைகள், உரிமதாரர்கள் மீது சட்டப்படி கடுமையான நடவடிக்கை எடுக்கப்படும் என கலெக்டர் ஷஜீவனா தெரிவித்துள்ளார்.
News September 13, 2024
33615 மகளிர் சுய உதவிக் குழுவிற்கு வங்கி கடன்
தேனி மாவட்டத்தில் தமிழ்நாடு மாநில ஊரக மற்றும் நகர்ப்புற வாழ்வாதாரம் இயக்கத்தின் மூலம் 33615 மகளிர் சுய உதவிக் குழுக்களுக்கு ரூ.1990.33 கோடி வங்கி கடன் இணைப்பு வழங்கப்பட்டு பல்வேறு வகையில் தொழில் நடவடிக்கை மேற்கொள்ளப்பட்டுள்ளது. இதில் பயன் பெற்ற பயனாளிகள் தமிழக முதலமைச்சர் மற்றும் தேனி மாவட்ட தலைவருக்கு நன்றியை தெரிவித்துக் கொண்டனர்.
News September 12, 2024
தேனியில் பள்ளி மாணவி கர்ப்பம் இளைஞர் போக்சோவில் கைது
பழனிசெட்டிபட்டியை சேர்ந்தவர் இத்ரீஸ். இவர் 11 படிக்கும் 16 வயது பள்ளி மாணவியுடன் இன்ஸ்டாகிராமில் பழகி வந்த நிலையில் மாணவியிடம் ஆசை வார்த்தைகளை கூறி தனிமையில் இருந்துள்ளார். பிறகு மாணவிக்கு வயிற்று வலி ஏற்படவே, ஸ்கேன் செய்ததில் மாணவி கர்ப்பமாக இருப்பது தெரியவந்துள்ளது. பிறகு தேனி அனைத்து மகளிர் போலீசார் இத்ரீஸ் மீது போக்சோ வழக்கு பதிவு செய்து, தலைமறைவாக உள்ள இத்ரீஸை போலீசார் தேடி வருகின்றனர்.
News September 12, 2024
கண்டமனூர் அருகே கிணற்றில் மிதந்த பெண் சடலம்
கண்டமனூர் அருகே மரிக்குண்டு கிராமத்திற்கு தெற்கு பகுதியில் உள்ள 60 அடி விவசாய கிணற்றில் சுமார் 40 முதல் 45 வயது மதிக்கத்தக்க பெண் ரத்தக்காயங்களுடன் இறந்த நிலையில் மிதப்பதாக கண்டமனூர் போலீசாருக்கு தகவல் கிடைத்தது. தற்போது சம்பவ இடத்தில் விசாரணை நடத்தி, தீயணைப்பு துறையினருடன் மீட்கும் பணியில் ஈடுபட்டு வருகின்றனர்.
News September 12, 2024
தேனி: விபத்தில் மைத்துனர் பலியானதை அறிந்த மாமா தற்கொலை
உத்தமபாளையத்தை சேர்ந்தவர் சாம்நிஜந்தன் (27). இவரது சகோதரியின் கணவர் ஆனந்தராஜும் (48) தனித்தனி பைக்கில் நேற்று அதிகாலை உத்தமபாளையம் சென்றனர். அப்போது சாலையோரத்தில் இருந்த புளியமரத்தில் சாம்நிஜந்தன் ஓட்டிவந்த பைக் மோதியது. இதில் அவர் உயிரிழந்தார். இதையறிந்த ஆனந்தராஜ் விபத்து நிகழ்ந்த இடத்தில் இருந்த உயர்மின் கம்பியை பிடித்து தற்கொலை செய்து கொண்டார். இது குறித்து போலீசார் விசாரணை செய்து வருகின்றனர்.
Featured News
Sorry, no posts matched your criteria.