India's largestHyperlocal short
news App
Get daily news updates that are tailored for you based on your preferred language & location.
download Way2News app now
Theni
News September 25, 2024
தேனியில் தற்காலிக பணியிடம்; ஆட்சியர் அறிவிப்பு
தேனி மாவட்ட காலநிலை மாற்ற இயக்க அலகிற்கு தொழில்நுட்ப உதவியாளர் பணியிடம் ஒப்பந்த அடிப்படையில் நிரப்பப்பட உள்ளது. எனவே தேனி மாவட்டத்தைச் சேர்ந்த ஏதேனும் ஒரு பட்டப்படிப்புடன் தமிழ் மற்றும் ஆங்கில தட்டச்சு தேர்ச்சி பெற்றிருப்பின் தங்களது சுய விவரங்களுடன் மாவட்ட வன அலுவலகத்தில்,நேரிலோ அஞ்சல் வழி மூலமாக விண்ணப்பிக்கலாம். இப்பணியிடம் முற்றிலும் தற்காலிகமானது என மாவட்ட ஆட்சியர் தெரிவித்துள்ளார்.
News September 25, 2024
தேனியில் 6-வது நாளாக வேலை நிறுத்தம்
தேனி மாவட்டத்திலுள்ள கல்குவாரிகளில் எம்.சாண்ட், ஜல்லி, எஸ்.சாண்ட் போன்ற கட்டுமானப் பொருள்களின் விலை யூனிட்டுக்கு ரூ.1000 வரையில் உயா்ந்தது. இதைக் கண்டித்து டிப்பா் லாரி உரிமையாளா்கள் சங்கத்தினா் கம்பம், கூடலூா், சின்னமனூா், ஆண்டிபட்டி, பெரியகுளம் பகுதிகளில் வேலை நிறுத்தப் போராட்டத்தில் ஈடுபட்டு வருகின்றனா். இந்தப் போராட்டம் 6 ஆவது நாளாக இன்றும் நீடித்து வருகிறது.
News September 25, 2024
தேனியில் எரிவாயு நுகர்வோர் குறைதீர்க்கும் கூட்டம்
எரிவாய் நுகர்வோர்களுக்கு சிலிண்டர் வழங்குவதில் காணப்படும் காலதாமதம் மற்றும் முறைகேடுகள் போன்ற குறைபாடுகளை களையும்பொருட்டு செப்.27 அன்று மாலை 4 மணி அளவில் மாவட்ட ஆட்சியர் அலுவலகத்தில் எரிவாயு நுகர்வோர் குறைதீர்க்கும் கூட்டம் நடைபெற உள்ளது. இதில் அனைத்து எண்ணெய் நிறுவனம், எரிவாயு முகவர்கள், நிறுவன மேலாளர்கள் மற்றும் எரிவாய் நுகர்வோர்கள் கலந்து கொள்ள இருப்பதாக ஆட்சியர் தெரிவித்துள்ளார்.
News September 25, 2024
ரூ.22.85 லட்சம் மோசடி வழக்கில் மேலும் ஒரு வாலிபர் கைது.
பழனிசெட்டிபட்டியை சேர்ந்த ஆனந்த ரூபனுக்கு, தேனி KRR நகர் குமார், திருச்சியைச் சேர்ந்த ஜேரோம், குரு ஈஸ்வர், பரணிதரன் ஆகியோர் வெளிநாட்டில் வேலை வாங்கித் தருவதாக கூறி ரூ.22 லட்சத்து 85 ஆயிரம் பணத்தை பெற்றுக் கொண்டு, மோசடி செய்ததாக ஆனந்த ரூபன் தேனி மாவட்ட குற்றப்பிரிவில் புகார் அளித்தார். பிறகு போலீசார் 4 பேர் மீது வழக்கு பதிந்து ஜெரோமை சிறையில் அடைத்த நிலையில் நேற்று பரணிதரனையும் சிறையில் அடைத்தனர்.
News September 24, 2024
“சுருளி சாரல் திருவிழா-2024” சுற்றுலா பயணிகளுக்கு அழைப்பு
தேனி மாவட்ட நிர்வாகம் மற்றும் சுற்றுலாத்துறையின் சார்பில் “சுருளி சாரல் திருவிழா-2024” வருகின்ற 28 முதல் அக்.02 வரை 5 நாட்கள் காலை 11 மணி முதல் மாலை 4 மணி வரை நடைபெற உள்ளது. இவ்விழாவில் விளையாட்டு போட்டிகள், பள்ளி மாணவர்களின் கலை நிகழ்ச்சிகள், நாட்டுப்புற கலைஞர்களின் கிராமிய கலை நிகழ்ச்சிகள் & நாய்கள் கண்காட்சி உள்ளிட்டவைகள் நடைபெற உள்ளதாக மாவட்ட ஆட்சியர் ஷஜீவனா தெரிவித்துள்ளார்.
News September 24, 2024
தேனியில் வருகின்ற 27ஆம் தேதி விவசாயிகள் குறைதீர்க்கும் கூட்டம்
தேனி மாவட்ட ஆட்சியர் அலுவலகத்தில் உள்ள கூட்டரங்கத்தில் வருகின்ற செப்டம்பர் 27ஆம் தேதி காலை 10 மணி அளவில் விவசாயிகள் குறைதீர்க்கும் நாள் கூட்டம் மாவட்ட ஆட்சியர் ஷஜீவனா தலைமையில் நடைபெற உள்ளது. இதில் தேனி மாவட்டத்தை சேர்ந்த விவசாயிகள் தவறாமல் கலந்து கொண்டு தங்கள் பகுதியில் உள்ள பிரச்சனைகள் மற்றும் கோரிக்கைகளை மனுக்களாக வழங்கி தீர்வு காணலாம் என அம்மாவட்ட ஆட்சியர் தெரிவித்துள்ளார்.
News September 24, 2024
தேனி பாலியல் வழக்கில் திருப்பம்
தேனியை சேர்ந்த 22 வயது நர்சிங் கல்லூரி மாணவியை 7 நபர்கள் கடத்தி பாலியல் வன்கொடுமை செய்து திண்டுக்கல் ரயில் நிலையத்தில் இறக்கி விட்டதாக புகார் எழுந்தது. இது குறித்து போலீசார் வழக்கு பதிவு செய்து விசாரணை நடத்தி வந்தனர். இந்த விசாரணையில் அந்த நர்சிங் கல்லூரி மாணவி கூறியது அனைத்தும் பொய்யான தகவல் என்றும், மன அழுத்தம் காரணமாக மாணவி அவ்வாறு கூறியுள்ளதாக காவல் துறையினர் தெரிவித்துள்ளனர்.
News September 24, 2024
தேனி: பணிக்கு வராத உதவியாளர் மீது கலெக்டர் நடவடிக்கை
ஆண்டிபட்டி தாலுகாவுக்கு உட்பட்ட கடமலை மயிலாடும்பாறை ஊராட்சி ஒன்றிய அலுவலகத்தில் செப்.18 அன்று கலெக்டர் ஆய்வு நடத்தினார். இதில் அங்கு பணிபுரியும் இளநிலை உதவியாளர் சரவணன் பணியில் இல்லாதது தெரியவந்தது. விசாரணையில், சரவணன் 14 நாட்களுக்கும் மேலாக உரிய தகவல் தெரிவிக்காமல், பணிக்கு வாராமல் இருப்பது தெரியவந்தது. இந்நிலையில், அவர் மீது துறை ரீதியான ஒழுங்கு நடவடிக்கை எடுக்க கலெக்டர் உத்தரவிட்டார்.
News September 24, 2024
தேனி கல்லூரி மாணவியை கடத்தி காரில் பாலியல் தொல்லை
உத்தமபாளையத்தை சேர்ந்த 22 வயதான நர்சிங் கல்லூரி மாணவி நேற்று காலை தேனி பஸ் ஸ்டாண்டில் நின்று கொண்டிருந்தார்.அப்போது பெண் உட்பட 7 பேர் கொண்ட கும்பல் அந்த மாணவியை காரில் கடத்தி திண்டுக்கல் வந்தது.வழியிலே பாலியல் தொல்லை கொடுத்துள்ளனர். திண்டுக்கல் ரயில்வே ஸ்டேஷன் அருகே வந்ததும் மாணவியை இறக்கவிட்டு தப்பினர். மாணவி மகளிர் போலீசாாரிடம் சம்பவத்தை கூறினார். போலீசார் விசாரணை நடத்தி வருகின்றனர்
News September 24, 2024
பாஜக சார்பில் செப்.28ல் மினி மாரத்தான் போட்டி
பண்டிட் தீனதயாள் உபாத்தியாயா, பிரதமர் மோடி பிறந்தநாள் விழாக்களை முன்னிட்டு ஆண்டிபட்டி ஒன்றிய பாஜக சார்பில் செப் 28ல் மினி மாரத்தான் போட்டி நடைபெற உள்ளது. பெண்களுக்கு 5.5 கி.மீ. தூரமும், ஆண்களுக்கு 9.5 கி.மீ. தூர போட்டியும் நடைபெற உள்ளது. மாரத்தான் போட்டியில் பங்கேற்க விரும்புபவர்கள் 9080687958 என்ற எண்ணில் செப்.26க்குள் முன்பதிவு செய்ய வேண்டும் என தேனி மாவட்ட பாஜக சார்பில் அறிவிக்கப்பட்டுள்ளது.
Featured News
Sorry, no posts matched your criteria.