India's largestHyperlocal short
news App
Get daily news updates that are tailored for you based on your preferred language & location.
download Way2News app now
Sivagangai
News August 15, 2024
காரைக்குடி மாநகராட்சியுடன் இணையும் 5 ஊராட்சிகள்
தமிழகத்தில் காரைக்குடி உள்ளிட்ட 4 புதிய மாநகராட்சிகள் சமீபத்தில் உதயமாகின. இதற்கான ஆணைகளை சம்பந்தப்பட்ட மேயர்களிடம் முதலமைச்சர் ஸ்டாலின் ஆக.12 இல் வழங்கினார். காரைக்குடி நகராட்சியுடன் கண்டனூர், கோட்டையூர் பேரூராட்சிகள், சங்கராபுரம், கோவிலூர், இலுப்பக்குடி, அரியக்குடி, தளக்காவூர் ஆகிய 5 கிராம ஊராட்சிகள் காரைக்குடி மாநகராட்சியுடன் இணைக்கப்படுகின்றன.
News August 14, 2024
மக்களுடன் முதல்வர் திட்டம் முகாம் ஆட்சியர் அறிவிப்பு
மக்களுடன் முதல்வர் திட்டத்தின் கீழ் வரும் ஆக. 16 அன்று திருப்புவனம் வட்டாரத்திற்குட்பட்ட 12 கிராமங்களுக்கு கீழடி, பசியாபுரம், மதுரன் திருமண மண்டபத்திலும், கல்லல் வட்டாரத்திற்குட்பட்ட 9 கிராமங்களுக்கு கோவிலூர், ஆண்டவர் திருமண மண்டபத்திலும், காளையார்கோவில் வட்டாரத்திற்குட்பட்ட 9 கிராமங்களுக்கு கொல்லங்குடி, கதிரேசன் கமலாவதி திருமண மண்டபத்திலும் நடைபெற உள்ளதாக ஆட்சியர் இன்று தெரிவித்தார்.
News August 14, 2024
கடன் உதவிகளுக்கு விண்ணப்பிக்க ஆட்சியர் அழைப்பு
சுய உதவி குழு உறுப்பினர்கள்(மற்றும்) இவர்களின் குடும்பங்களை சார்ந்த குடும்ப உறுப்பினர்கள், பெண் தொழில் முனைவோர் ஆகியோர் ‘வாழ்ந்து காட்டுவோம்’ திட்டத்தின் கீழ் மானியத்துடன் வழங்கப்படும் கடன் உதவிகளுக்கு விண்ணப்பித்து பயன்பெறலாம். விவரங்களூக்கு காளையார்கோவில் 8754080921, தேவகோட்டை 9786698846, மானாமதுரை 9092262696 என்ற எண்களில் தொடர்பு கொண்டு பயன் பெறலாம் என சிவகங்கை கலெக்டர் தெரிவித்துள்ளார்.
News August 14, 2024
கிராம சபைக் கூட்டம் பற்றி தெரிந்து கொள்வோமா? (1/6)
சிவகங்கையில் உள்ள 445 கிராம பஞ்சாயத்துகளிலும் நாளை(ஆக.15) கிராம சபை கூட்டம் நடைபெற உள்ளது. கிராம பஞ்சாயத்திற்குட்பட்ட பஞ்சாயத்து அலுவலகத்திலோ, சமுதாய கூடத்திலோ, பொது இடத்திலோ கூட்டம் நடைபெறும். இக்கூட்டத்தில் பொதுமக்கள் அனைவரும் கலந்துகொள்ளலாம். கிராம பஞ்சாயத்து தலைவரே கிராம சபையின் தலைவராக இருப்பார். இதில் நீங்களூம் தலைவராக முடியும் என்பது உங்களுக்கு தெரியுமா? (அடுத்த பக்கம் திருப்பவும்)
News August 14, 2024
கிராம சபை கூட்டத்தின் தீர்மான நகலை பெறுவது எப்படி? (2/6)
7 நாட்களுக்கு முன் தண்டோரா மூலம் கிராம மக்களுக்கு கிராம சபை கூட்டம் குறித்து தெரிவிக்க வேண்டும். ஊராட்சி தலைவர் தகவல்களை முன்கூட்டியே தெரிவிக்கவில்லை எனில் நடவடிக்கை எடுக்கப்படும். இதில் நிறைவேற்றப்படும் தீர்மானத்தின் நகலை கிராம மக்கள் கட்டணம் இல்லாமல் பெறமுடியும். உங்கள் பகுதியை தவிர்த்து மற்ற கிராம சபை கூட்டத்தில் நீங்கள் கலந்து கொள்ளலாம். அதில் நீங்கள் பார்வையாளராக மட்டுமே இருக்க முடியும்.
News August 14, 2024
கிராம சபை கூட்டத்தை நிறுத்த முடியுமா? (3/6)
கிராம சபை கூட்டத்தில் அனைவரும் தரையில்தான் அமரவேண்டும். பஞ்சாயத்தின் மக்கள் தொகை 500 என்றால், குறைந்தபட்சம் 50 பேர், 501 – 3000 என்றால் 100 பேர், 3001 – 10,000 என்றால் 200 பேரும், 10,000 மேல் மக்கள்தொகை இருப்பின் 300 பேரும் கிராம சபையில் கலந்து கொள்ள வேண்டும் என்கிறது அரசாணை(130). இதற்கு குறைவாக இருந்தால் கூட்டத்தை நிறுத்தும் அதிகாரம் மக்களுக்கு உண்டு. கூட்டம் வேறொரு தேதிக்கு ஒத்திவைக்கப்படும்.
News August 14, 2024
கிராம சபை கூட்டத்தில் ஆலோசிக்கப்படுவது எது?(4/6)
இதில் 2023-2024-ஆம் ஆண்டுக்கான தணிக்கை அறிக்கை, தூய்மையான குடிநீா் விநியோகத்தை உறுதி செய்வது, இணையவழி வரி செலுத்தும் முறை, தூய்மை பாரத இயக்கம் (ஊரகம்), ஜல் ஜீவன் இயக்கம், மகாத்மா காந்தி தேசிய ஊரக வேலை உறுதித் திட்டம் முதலான 12 கூட்டப் பொருள்கள் குறித்து ஆலோசிக்கப்படும். காவல்துறையை சேர்ந்த அதிகாரிகள் கிராம சபை கூட்டம் நடப்பதை உறுதி செய்வார்கள்.
News August 14, 2024
கிராம சபை கூட்டம் குறித்து புகார் அளிப்பது எப்படி ? (5/6)
உங்கள் ஊராட்சியில் இந்த நிமிடம் வரை கிராமசபை கூட்டம் குறித்த தகவல் தெரியவில்லை என்றாலும், கிராம சபை கூட்டம் நடக்கவில்லை என்றால் ஆட்சியருக்கு புகார் தெரிவிக்க உங்களுக்கு உரிமை உண்டு. முதல்வர் தனிப்பிரிவு – 1100, ஊராட்சி மணி – 155340, அரசின் தலைமை செயலாளர் – 044-25671555, ஊரக வளர்ச்சி துறை செயலகம் – 044-25665566, முதலமைச்சர் தனி பிரிவு – 044 25672283, 9443146857 ஆகிய எண்களை தொடர்பு கொள்ளலாம்.
News August 14, 2024
கிராம சபை கூட்டத்தில் நீங்களும் தலைவராக முடியுமா? (6/6)
கிராம பஞ்சாயத்து தலைவரே கிராம சபை கூட்டதிற்கு தலைவர். அவர் இல்லாதபோது துணை தலைவர் கிராம சபையின் தலைவராக இருப்பார். துணைத் தலைவரும் இல்லாதபோது வார்டு உறுப்பினர்களில் யாரேனும் ஒருவர் தலைவராக செயல்படலாம். இவர்கள் யாரும் இல்லாத போது கிராம மக்கள் தேர்ந்தெடுக்கும் நபர் கிராம சபையின் தலைவராக இருப்பார். அவர் தலைமையில் தான் அன்றைய கிராம சபை கூட்டம் நடைபெறும். SHARE IT
News August 14, 2024
மதுபானக்கடைகள் மூட ஆட்சியர் உத்தரவு
சுதந்திரதினத்தை முன்னிட்டு நாளை (ஆக.15) டாஸ்மாக் மதுபானகடைகள், அதனுடன் இணைந்த மதுபானம் அருந்தும் கூடம் உள்ளிட்ட மதுக்கூடங்களை மூட தமிழக அரசு ஆணையிட்டுள்ளது. அதன்படி சிவகங்கை மாவட்டத்தில் உள்ள அனைத்து டாஸ்மார்க் மதுபானகடைகள் மற்றும் FL1, FL2/FL3/ FL3A/ FL3AA, உரிமம் பெற்ற கிளப் ஹோட்டல்கள், மது அருந்தும் கூடங்கள் நாளை முழுவதுமாக மூடப்படும் என மாவட்ட ஆட்சியர் ஆஷா அஜித் தெரிவித்துள்ளார்.
Featured News
Sorry, no posts matched your criteria.