India's largestHyperlocal short
news App
Get daily news updates that are tailored for you based on your preferred language & location.
download Way2News app now
Salem
News October 8, 2024
சேலத்திற்கு சிறப்பு ரயில் அறிவிப்பு
சேலம் வழியாக தாம்பரம்- கோவை இடையே வாராந்தர சிறப்பு ரயில் வரும் அக்.11ஆம் தேதி முதல் நவ.29ஆம் தேதி வரை இயக்கப்படும் என்று சேலம் ரயில்வே கோட்டம் அறிவித்துள்ளது. சிறப்பு ரயிலுக்கான டிக்கெட் முன்பதிவும் தொடங்கப்பட்டுள்ளதாக தெரிவிக்கப்பட்டுள்ளது. தாம்பரத்தில் இருந்து வெள்ளிக்கிழமையும், மறுமார்க்கத்தில் கோவையில் இருந்து ஞாயிற்றுக்கிழமையும் சிறப்பு ரயில் இயக்கப்படும்.
News October 8, 2024
சேலம்: Ex துணைவேந்தர் ஆஜராக உத்தரவு
சேலம் பெரியார் பல்கலைக்கழகத்தில் பணிபுரியும் இயற்பியல் துறை பேராசிரியர், சேலம் குற்றவியல் நீதிமன்றத்தில் தொடர்ந்த வழக்கில், சேலம் பெரியார் பல்கலைக்கழக தேர்வாணையர் கதிரவன், முன்னாள் பல்கலைக்கழக துணைவேந்தர் குழந்தைவேல் மற்றும் பேராசிரியர் வெங்கடேஸ்வரன் ஆகியோர் வரும் அக்.21ம் தேதி நேரில் நீதிமன்றத்தில் ஆஜராக நீதிபதி உத்தரவிட்டுள்ளார்.
News October 8, 2024
ஆயுதபூஜை: 300 சிறப்பு பேருந்துகள் இயக்கம்
ஆயுதபூஜை மற்றும் தொடர் விடுமுறையை முன்னிட்டு, பயணிகளின் வசதிக்காகவும், கூட்ட நெரிசலைத் தவிர்க்கும் பொருட்டும் தமிழ்நாடு அரசு போக்குவரத்துக் கழகத்தின் சேலம் கோட்டம் சார்பில் வரும் அக்.10ம் தேதி முதல் அக்.14ம் தேதி வரை பெங்களூரு, ஓசூர், தருமபுரி, கிருஷ்ணகிரி, சென்னை, கோவை உள்ளிட்ட பல்வேறு நகரங்களுக்கு 300 சிறப்பு பேருந்துகள் இயக்கப்படும் என போக்குவரத்துத்துறை அதிகாரிகள் தகவல் தெரிவித்தனர்.
News October 8, 2024
சேலத்தில் சிறுத்தை சுட்டுக் கொலை: 10 பேருக்கு சம்மன்
சேலம் மாவட்டம் கொளத்தூர் ஒன்றியத்திற்குட்பட்ட தின்னப்பட்டி ஊராட்சி வெள்ளக்காரட்டூர் கிராமத்தில் கடந்த மாதம் சிறுத்தை பதுங்கி அட்டகாசம் செய்து வந்தது. இதனிடையே கடந்த மாதம் 24ம் தேதி கருங்கரடு பகுதியில் இந்த சிறுத்தை மர்மமான முறையில் இறந்து கிடந்தது. தொடர்ந்து கிராம மக்களிடம் வனத்துறையினர் விசாரித்து வருகின்றனர். மேலும் 10-க்கும் மேற்பட்டவர்களை விசாரணைக்கு நேரில் ஆஜராகுமாறு சம்மன் அனுப்பி உள்ளனர்.
News October 8, 2024
சேலம் அரசு மருத்துவ கல்லூரி புதிய முதல்வர் பொறுப்பேற்பு!
சேலம் அரசு மோகன் குமாரமங்கலம் மருத்துவ கல்லூரி முதல்வராக தேவி மீனாள் நேற்று பொறுப்பேற்றுக் கொண்டார். இவர், கீழ்ப்பாக்கம் அரசு மருத்துவமனையில் பேராசிரியராக பணியாற்றி வந்த நிலையில், மருத்துவக் கல்லூரி மருத்துவமனை முதல்வராக பொறுப்பேற்றார். அவருக்கு மருத்துவர்கள், பேராசிரியர்கள், செவிலியர்கள், மருத்துவமனை ஊழியர்கள் வாழ்த்துகளைத் தெரிவித்தனர்.
News October 8, 2024
தேசிய அஞ்சல் வார கொண்டாட்டங்கள்
சேலம் கிழக்கு அஞ்சல் கோட்டத்தில் வரும் இன்று முதல் அக்.11-ம் தேதி வரை தேசிய அஞ்சல் வாரம் கொண்டாடப்படுகிறது. அக்.8ம் தேதி தபால்தலை சேகரிப்பு தினம், அக்.9ம் தேதி உலக அஞ்சல் தினம் உள்ளிட்ட தினம் கொண்டாடப்படவுள்ளதாக சேலம் கிழக்கு கோட்டத்தின் முதுநிலை அஞ்சலக கோட்ட கண்காணிப்பாளர் முனிகிருஷ்ணன் தெரிவித்துள்ளார்.
News October 8, 2024
நலத்திட்ட உதவிகளை வழங்கிய ஆட்சியர்
சேலம் மாவட்ட ஆட்சியரகத்தில் இன்று (அக்.7) நடைபெற்ற மக்கள் குறைதீர்க்கும் நாள் கூட்டத்தில் மாவட்ட ஆட்சியர் டாக்டர். பிருந்தாதேவி, மாற்றுத்திறனாளிகளிடம் கோரிக்கை மனுக்களைப் பெற்றுக் கொண்டு, சக்கர நாற்காலி, நவீன காதொலிக் கருவி என மாற்றுத்திறனாளிகள் 4 பேருக்கு ரூ.19,050 மதிப்பிலான நலத்திட்ட உதவிகளை வழங்கினார்.
News October 7, 2024
சுற்றுலாத்துறை அமைச்சர் ஆய்வு
சுற்றுலாத்துறை அமைச்சர் ரா.இராஜேந்திரன் இன்று வடகிழக்கு பருவமழையையொட்டி சேலம் மாவட்ட ஆட்சியரகத்தில் பேரிடர் மேலாண்மை துறை மற்றும் தீயணைப்புத் துறையின் சார்பில் அவசரகால மீட்புக்கருவிகள் தயார் நிலையில் வைக்கப்பட்டுள்ளதை பார்வையிட்டார்கள். உடன் மாவட்ட ஆட்சித்தலைவர் டாக்டர் இரா.பிருந்தாதேவி, மாநகராட்சி மேயர் ஆ.இராமச்சந்திரன், உள்ளிட்ட தொடர்புடைய அலுவலர் உள்ளனர்.
News October 7, 2024
அரசு அலுவலர்களுடனான ஆய்வுக் கூட்டம்
வடகிழக்கு பருவமழையை எதிர்கொள்வது தொடர்பான முன்னெச்சரிக்கை நடவடிக்கைகள் குறித்த ஆய்வுக் கூட்டம் இன்று (அக்.7) காலை சேலம் அலுவலகத்தில் அமைச்சர் ராஜேந்திரன் தலைமையில் நடைபெற்றது. அனைத்துத்துறையைச் சேர்ந்த அரசு அலுவலர்கள் பங்கேற்ற கூட்டத்தில், அமைச்சர் ஆலோசனைகளை வழங்கினார். கூட்டத்தில், ஆட்சியர் டாக்டர்.பிருந்தாதேவி, சேலம் எம்.பி. டி.எம்.செல்வகணபதி, மேயர் உள்ளிட்டோர் கலந்து கொண்டனர்.
News October 7, 2024
சேலம் மாவட்டத்திற்கு மழை
வடகிழக்கு பருவமழை தொடங்கிய நிலையில், சேலம் மாநகர் பகுதியில் கடந்த சில நாள்களாக மழை பெய்து வருகிறது. இதனால், புதிய பேருந்து நிலையம் உள்ளிட்ட இடங்களில் மழை தேங்கி நின்றனர். இந்நிலையில், சேலம் மாவட்டத்திற்கு அடுத்த 3 மணி நேரத்தில் அதாவது இரவு 10 வரை மழைக்கு வாய்ப்பு இருப்பதாக வானிலை ஆய்வு மையம் தெரிவித்துள்ளனர்.
Featured News
Sorry, no posts matched your criteria.