India's largestHyperlocal short
news App
Get daily news updates that are tailored for you based on your preferred language & location.
download Way2News app now
Salem
News October 13, 2024
சேலத்தில் மாவட்ட அளவிலான போட்டி
சேலத்தில் மாவட்ட அளவிலான கைமல்யுத்தம் (ARM WRESTLING) போட்டிகள் நேற்று நடைபெற்றன. இதில் ஏராளமான வீரர்கள் கலந்துகொண்டு தங்களின் திறமைகளை வெளிப்படுத்தினர். அதைத்தொடர்ந்து வெற்றிபெற்ற வீரர்களுக்கு பாராட்டுச் சான்றிதழும், பரிசு கோப்பைகளும் வழங்கப்பட்டன. இப்போட்டியில் தமிழகத்திலிருந்து நூற்றுக்கும் மேற்பட்ட வீரர்கள் பங்கேற்றனர்.
News October 12, 2024
சேலம் அருகே கனமழை
ஓமலூர் மற்றும் அதன் சுற்று வட்டார பகுதிகளான கமாண்டபட்டி காமலாபுரம், மற்றும் புளியம்பட்டி ஆகிய பகுதிகளில் கனமழை வெளுத்து வாங்கியது. நீண்ட நாட்களாக வெயிலின் தாக்கம் அதிகமாக இருந்த நிலையில் இன்று பெய்த மழையால் விவசாயிகள் மகிழ்ச்சியடைந்துள்ளனர். மேலும் கனமழை காரணமாக அப்பகுதியில் இதமான சூழல் நிலவுகிறது.
News October 12, 2024
சேலம் மாவட்ட விவசாயிகளின் கவனத்திற்கு
சேலம் மாவட்டத்தில் நடப்பாண்டு விலை ஆதரவுத் திட்டத்தின்கீழ் டிச.23 முடிய பச்சைப்பயறு மற்றும் உளுந்து கொள்முதல் செய்யப்படவுள்ளது. பயன்பெற விரும்பும் பச்சைப்பயறு சாகுபடி செய்துள்ள விவசாயிகள் சேலம், மேச்சேரி ஆகிய ஒழுங்குமுறை விற்பனைக் கூடங்களையும், உளுந்து சாகுபடி விவசாயிகள் சேலம் ஒழுங்குமுறை விற்பனைக் கூடத்தினையும் ஆவணங்களுடன் அணுகிப் பதிவு செய்து தங்களது விளைப்பொருட்களை விற்பனை செய்து பயனடையலாம்.
News October 12, 2024
திருஷ்டி பூசணிக்காய்களை அகற்றிய இளைஞர்கள்
ஆயுதபூஜையை முன்னிட்டு, சேலம் மாநகரப் பகுதிகளில் நேற்று (அக்.11) சாலைகளில் உடைக்கப்பட்டிருந்த திருஷ்டி பூசணிக்காய்களை இரவோடு இரவாக அகற்றும் பணியில் சேவகன் அறக்கட்டளையைச் சேர்ந்த இளைஞர்கள் ஈடுபட்டனர். இளைஞர்களின் இத்தகைய சேவைக்கு பொதுமக்கள், சமூக ஆர்வலர்கள் உள்ளிட்டோர் வெகுவாகப் பாராட்டு தெரிவித்துள்ளனர்.
News October 11, 2024
சேலம் மாநகரில் பரவலாக நல்ல மழை
ஆயுதப்பூஜை பண்டிகை இன்று சேலத்தில் உற்சாகமாகக் கொண்டாடப்பட்டு வரும் நிலையில், மத்திய பேருந்து நிலையம், பழைய பேருந்து நிலையம், அஸ்தம்பட்டி, கன்னங்குறிச்சி, சாரதா கல்லூரி சாலை, அழகாபுரம், 5 ரோடு, அம்மாப்பேட்டை, கோரிமேடு, ஏற்காடு அடிவாரம், பட்டைக்கோவில் உள்ளிட்ட மாநகர பகுதிகளில் தற்போது பரவலாக மழை பெய்து வருகிறது.
News October 11, 2024
சிலிண்டர் வெடித்து விபத்து: டீச்சர் உயிரிழப்பு
மடிப்பாக்கம் குபேரன் நகரைச் சேர்ந்த ஆசிரியை வின்சி புளோரா என்பவர் வீட்டில், கடந்த 2 தினங்களுக்கு முன் சிலிண்டர் வெடித்து விபத்து ஏற்பட்டது. இதில், வின்சிக்கு உடல் முழுவதும் 60% தீக்காயமும், சிலிண்டர் கொடுத்த மணிகண்டனுக்கு 45% தீக்காயமும் ஏற்பட்டது. இருவரும் மருத்துவமனையில் சேர்க்கப்பட நிலையில், வின்சி சிகிச்சை பலனின்றி நேற்றிரவு உயிரிழந்தார். இவர் சேலத்தை சேர்ந்தவர் என கூறுகின்றனர்.
News October 11, 2024
எடப்பாடி பழனிசாமி ஆயுதப்பூஜை வாழ்த்து
அதிமுக பொதுச்செயலாளர் எடப்பாடி பழனிசாமி ஆயுதப்பூஜை வாழ்த்துக்களை தெரிவித்துள்ளார். இதுகுறித்து தனது X தளத்தில் பதிவிட்டுள்ள அவர், “மக்கள் அனைவரும் கல்வியிலும், செல்வத்திலும், துணிவிலும் சிறந்து விளங்கவும், அவர்களது வாழ்வில் வெற்றிகள் குவியவும் அருள் புரியுமாறு, உலகிற்கெல்லாம் தாயாக விளங்கும் அன்னை பராசக்தியைப் போற்றி வணங்கி அனைவருக்கும் ஆயுதபூஜை மற்றும் விஜயதசமி நல்வாழ்த்துகள் என பதிவிட்டுள்ளார்.
News October 11, 2024
சேலம் மாவட்டத்தில் கனமழை
சேலம் மாவட்டத்தில் இன்று (அக்.11) காலை 6 மணி வரை 107.1 மி.மீ. மழைப்பதிவாகியுள்ளது. அதிகபட்சமாக, டேனிஷ்பேட்டையில் 47 மி.மீ., நத்தக்கரையில் 14 மி.மீ., ஏற்காட்டில் 13.2 மி.மீ., ஏத்தாப்பூரில் 12 மி.மீ. மழைப் பதிவாகியுள்ளது. சேலம் மாவட்டத்தில் கடந்த சில தினங்களாக தொடர்ந்து மழை பெய்து வருவதால், இரவு நேரங்களில் கடும் குளிர் நிலவுகிறது.
News October 11, 2024
மேட்டூர் அணையில் இருந்து நீர் திறப்பு குறைவு
மேட்டூர் அணையில் இன்றைய நிலவரப்படி, நீர்வரத்து வினாடிக்கு 7,226 கன அடியிலிருந்து 5,317 கன அடியாக குறைந்துள்ளது. அணையின் நீர்மட்டம் 90.280 அடியாக உள்ள நிலையில், நீர் இருப்பு 52.972 டி.எம்.சி.யாக உள்ளது. அணையிலிருந்து பாசனத் தேவைக்காக வினாடிக்கு 12,000 கன அடி தண்ணீரும், கிழக்கு, மேற்கு கால்வாய் பாசனத்திற்கு வினாடிக்கு 700 கனஅடி தண்ணீரும் வெளியேற்றப்படுகிறது.
News October 11, 2024
ரேஷன் கடையில் வேலை வாய்ப்பு
தமிழ்நாடு முழுவதும் கூட்டுறவுச் சங்கங்களின்கீழ் இயங்கி வரும் ரேஷன் கடைகளில், விற்பனையாளர் (ம) கட்டுநர்கள் பணியிடங்கள் நிரப்பப்படுகிறது. அவ்வகையில், சேலத்தில் 162 பணியிடங்கள் நிரப்பப்பட உள்ளன. இதற்கு தேர்வு கிடையாது. நேரடி நியமனம் மூலம் இப்பணியிடங்கள் நிரப்பப்படுகிறது. 12ஆம் வகுப்பு தேர்ச்சி பெற்றிருக்க வேண்டும். இதற்கு விண்ணப்பிக்க https://drbslm.in/இணையதளத்தில் சென்று விண்ணப்பிக்க வேண்டும்.
Featured News
Sorry, no posts matched your criteria.