India's largestHyperlocal short
news App
Get daily news updates that are tailored for you based on your preferred language & location.
download Way2News app now
Salem
News September 10, 2024
சேலத்தில் இறைச்சி சாப்பிட்ட பெண் உயிரிழப்பு
இரும்பாலை முத்தாம்பட்டியை சேர்ந்தவர் முருகன், இவரது மனைவி லட்சுமி (45). நேற்று முன்தினம் அங்குள்ள இறைச்சி கடையில் இறைச்சி (சுவரொட்டி) வாங்கி வறுத்து சாப்பிட்டார். சிறிது நேரத்தில் அவருக்கு திடீரென மூச்சுத்திணறல் ஏற்பட்டது. அவரை உறவினர்கள் அருகில் உள்ள தனியார் ஆஸ்பத்திரிக்கு அழைத்து சென்றனர். அங்கு பரிசோதித்த டாக்டர்கள், லட்சுமி ஏற்கனவே இறந்து விட்டதாக கூறினர். இரும்பாலை போலீசார் விசாரிக்கின்றனர்.
News September 10, 2024
சேலத்தில் சிபிசிஐடி அதிகாரிகள் இன்று விசாரணை
வேலூர் சிறையில் உள்ள ஆயுள் தண்டனை கைதிகளை வீட்டு வேலைக்கு பயன்படுத்தி கொடுமைப்படுத்திய விவகாரம் தொடர்பாக, வேலூர் சிறைத்துறை டிஐஜி உட்பட 14 பேர் மீது சிபிசிஐடி வழக்குப்பதிவு செய்துள்ளது. இந்நிலையில், விசாரணைக்காக சென்னையிலிருந்து சிபிசிஐடி அதிகாரிகள் சேலம் மத்திய சிறைக்கு விரைந்துள்ளனர். சேலம் மத்திய சிறையில் இன்றும், வேலூரில் நாளையும் சிபிசிஐடி அதிகாரிகள் விசாரணை நடத்த உள்ளனர்.
News September 10, 2024
மேட்டூர்: நீர் திறப்பு 23,000 கன அடியாக அதிகரிப்பு
மேட்டூர் அணையின் தற்போதைய நிலவரப்படி அணைக்கான நீர்வரத்து விநாடிக்கு 11,736 கன அடியிலிருந்து 10,706 கன அடியாக குறைந்துள்ளது. அணையின் நீர்மட்டம் 114.910 அடியாக குறைந்துள்ளது. நீர் இருப்பு 85,583 டி.எம்.சி.யாக உள்ளது. மேலும் அணை மின் நிலையம் வழியாக 23,000 கன அடியும் காவிரியில் வெளியேற்றப்பட்டு வருகிறது. மேலும் கிழக்கு, மேற்கு கால்வாயில் 700 கனஅடி நீர் வெளியேற்றப்படுகிறது.
News September 10, 2024
சேலம்: அழைப்பு விடுத்தார் மாவட்டச் செயலாளர்
சேலம் மேற்கு மாவட்ட திமுக பொது உறுப்பினர்கள் கூட்டம் நாளை மறுநாள் (செப்.12) பிற்பகல் 3 மணியளவில் சங்ககிரி-பவானி பிரதான சாலையில் உள்ள ஸ்ரீ வாசுதேவ் மஹாலில் திமுக முதன்மைச் செயலாளர் கே.என்.நேரு தலைமையில், சேலம் மத்திய மா.செ. வழக்குரைஞர் ராஜேந்திரன், சேலம் கிழக்கு மா.செ. எஸ்.ஆர்.சிவலிங்கம் ஆகியோர் முன்னிலையில் நடைபெற உள்ளது. இந்த அறிவிப்பை திமுக சேலம் மேற்கு மா.செ. டி.எம்.கணபதி வெளியிட்டார்.
News September 10, 2024
சேலம் கலெக்டர் வேண்டுகோள்
இன்று (செப்.10) சேலம் மரவனேரி புனிதபால் அரசு உதவிபெறும் மேல்நிலைப்பள்ளியில் நடைபெறவுள்ள ‘உயர்வுக்கு படி’ நிகழ்ச்சியில் பங்கேற்று பயனடையுமாறு மாணவர்களுக்கு மாவட்ட ஆட்சியர் பிருந்தாதேவி வேண்டுகோள் விடுத்துள்ளார். நிகழ்ச்சியில் கல்வியாளர்கள் கலந்துகொண்டு உயர்கல்விக்கான ஆலோசனைகள், வழிகாட்டுதல்கள், வங்கி கடனுதவிகள் தொடர்பான சேவைகள், தொழில்நுட்பக் கல்வி குறித்த ஆலோசனைகளையும் வழங்கவுள்ளனர்.
News September 9, 2024
சேலத்தில் பூக்களின் விலை கடும் சரிவு
சேலம் வ.உ.சி. பூ மார்க்கெட்டில் பூக்களின் விலை இன்றும் (செப்.09) கடுமையாக சரிந்துள்ளது. மல்லிகை கிலோ ரூபாய் 280- க்கும், ஜாதிமல்லி ரூபாய் 260- க்கும், சம்பங்கி ரூபாய் 60- க்கும், அரளி ரூபாய் 40- க்கும், நந்தியாவட்டம் ரூபாய் 30- க்கும் விற்பனை செய்யப்பட்டு வருகிறது. பூக்களின் விலை குறைந்த போதும், பூக்கள் விற்பனை மந்தமாக இருப்பதாக வியாபாரிகள் கவலைத் தெரிவித்துள்ளனர்.
News September 9, 2024
சேலம்: வேலை தேடுபவர்களின் கவனத்திற்கு
108 அவசர கால ஆம்புலன்ஸில் பணிபுரிய ஓட்டுநர், மருத்துவ உதவியாளர் பணிக்கான ஆட்களைத் தேர்வு செய்யும் முகாம் வரும் செப்.11ம் தேதி காலை 10 மணிக்கு சேலம் அம்மாபேட்டை அண்ணா மருத்துவமனை வளாகத்தில் நடைபெறவுள்ளது. கூடுதல் விவரங்களுக்கு 89259-41342, 89259-41330 தொலைபேசி எண்களை அழைக்கலாம் என அதிகாரிகள் தெரிவித்துள்ளனர்.
News September 9, 2024
இது எதிர்க்கட்சியின் கடமை இ.பி.எஸ்
ஏழை குடும்பத்தில் இருந்து வந்த மாணவர்களுக்கு
நல்ல வசதியை ஏற்படுத்தி கொடுக்க வேண்டும். மாணவர்களுக்கு முழுமையான அடிப்படை வசதிகள் செய்து தரவில்லை; குறைபாடுகளை தான் சுட்டிக்காட்டியுள்ளேன். இது எதிர்க்கட்சியின் கடமை. அரசாங்கம் சம்பந்தப்பட்ட அதிகாரிகள் எந்தெந்த விடுதியில் அடிப்படை வசதிகள் இல்லையோ, அதை சரி செய்தால் சரியாக இருக்கும் என சேலத்தில் இன்று அ.தி.மு.க. பொதுச்செயலாளர் எடப்பாடி பழனிசாமி பேட்டி
News September 9, 2024
அஞ்சலகங்களில் இன்டர்நெட், மொபைல் பேங்கிங் சேவை!
சேலம் ஈரடுக்கு பேருந்து நிலையம் அருகே உள்ள கிழக்கு தலைமை அஞ்சலகம், ஆத்தூர் தலைமை அஞ்சலகம் மற்றும் அனைத்து துணை அஞ்சலகங்களிலும் சிறு சேமிப்பு கணக்கு வைத்துள்ள வாடிக்கையாளர்களுக்கு இன்டர்நெட் பேங்கிங், மொபைல் பேங்கிங் வசதி அறிமுகப்படுத்தப்பட்டுள்ளது. அதற்காக, அஞ்சலகங்களில் தனி கவுண்டர் திறக்கப்பட்டுள்ளது. புதிய சேவை அறிமுகப்படுத்தப்பட்டுள்ளதால், வாடிக்கையாளர்களின் எண்ணிக்கை உயரும் என கூறப்படுகிறது.
News September 9, 2024
சேலம்: 108 ஆம்புலன்ஸ் மூலம் 42,000 பேர் பயன்
சேலம் மாவட்டத்தில் 108 ஆம்புலன்ஸ் மூலம் 42,930 பேர் பயன் அடைந்துள்ளனர். கடந்த ஜனவரி முதல் ஜூலை மாதம் வரை 10,599 பேர் கர்ப்ப கால சேவை மூலம் பயன் பெற்றதாகவும். சாலை விபத்துகளில் காயம் அடைந்த 7,171 பேர் பயன் பெற்றதாகவும் அதிகாரிகள் தகவல் தெரிவித்துள்ளனர். மேலும் தனியார் ஆம்புலன்ஸ் அவர்களை விட 108 ஆம்புலன்ஸ் மூலம் அதிக அளவில் மக்கள் பயனடைந்துள்ளனர்.
Featured News
Sorry, no posts matched your criteria.