India's largestHyperlocal short
news App
Get daily news updates that are tailored for you based on your preferred language & location.
download Way2News app now
Salem
News November 27, 2024
சேலம் புத்தகத் திருவிழா விருந்தினர்கள் பட்டியல்
சேலம் புத்தகத் திருவிழா 2024-ல் பங்கேற்கும் விருந்தினர்கள் பட்டியல் வெளியாகியுள்ளது. நவ.29-ல் மதுரை ராமகிருஷ்ணன், நவ.30 நாஞ்சில் நாடன், டிச.1 பவா செல்லத்துரை, டிச.2 யுவன் சந்திரசேகர், டிச.3 ஆனந்தகுமார் இ.ஆ.ப, டிச.4 பெருமாள் முருகன், டிச.5 சித்ரா பாலசுப்ரமணியம், டிச.6 முன்னாள் தலைமைச் செயலாளர் முனைவர் வெ.இறையன்பு, டிச.7 விஷ்ணுபுரம் சரவணன், டிச.8 ரேவதி, டிச.9 ஜீவானந்தம் கருத்துரை வழங்கவுள்ளனர்.
News November 27, 2024
சிறப்பு ரயில்கள் அறிவிப்பு
சபரிமலை சீசனை முன்னிட்டு, சேலம் வழியாக கர்நாடகா மாநிலம், பெலகாவி- கொல்லம் இடையே டிச.09 முதல் ஜன.14 வரை வாராந்திர சிறப்பு ரயில்கள் (07317/07318) இயக்கப்படுகிறது. வாரத்தில் திங்கள்கிழமைதோறும் பெலகாவியில் இருந்தும், மறுமார்க்கத்தில், செவ்வாய்கிழமைதோறும் கொல்லத்தில் இருந்தும் சிறப்பு ரயில்கள் இயக்கப்படுகிறது. சேலம், ஈரோடு, திருப்பூர் உள்ளிட்ட ரயில் நிலையங்களில் சிறப்பு ரயில் நின்றுச் செல்லும்.
News November 27, 2024
புத்தகத் திருவிழா அரங்கை பார்வையிட்ட கலெக்டர்
சேலம் புதிய பேருந்து நிலையம் அருகே நடைபெற உள்ள புத்தகத் திருவிழா அரங்கை பணிகளை கலெக்டர் பிருந்தா தேவி நேரில் ஆய்வு செய்தார். மழை வெயில் அடித்தால் எவ்வித பாதிப்பும் ஏற்படாத வகையில் மேற்கூரை பொருத்தப்பட்டுள்ளதா என்றும் பார்வையாளர்களுக்கு அடிப்படை வசதிகள் உள்ளதா என்பதை குறித்தும் கேட்டறிந்தார். இப்புத்தக கண்காடசி வரும் 29ம் தேதி துவங்கி அடுத்த மாதம் 9ஆம் தேதி வரை நடைபெறும் என்பது குறிப்பிடத்தக்கது.
News November 27, 2024
சேலத்தில் 8,922 கர்ப்பிணிகளுக்கு பிரசவம்
சேலம் அரசு மோகன் குமாரமங்கலம் மருத்துவக்கல்லூரி மருத்துவமனையில் நடப்பாண்டில், இதுவரை 8,922 கர்ப்பிணிகளுக்கு பிரசவம் பார்க்கப்பட்டுள்ளதாக டீன் தேவி மீனாள் தெரிவித்துள்ளார். இதில் 3,761 பேருக்கு சுகபிரசவமும், 5,161 பேருக்கு அறுவை சிகிச்சை மூலமும் குழந்தை பிறந்தது. 4,614 ஆண் குழந்தைகளும், 4,308 பெண் குழந்தைகளும் பிறந்துள்ளன.
News November 27, 2024
சேலம் நீதிமன்றங்களில் மக்கள் நீதிமன்றம்
சேலம் ஒருங்கிணைந்த நீதிமன்றம், சங்ககிரி, ஆத்தூர், மேட்டூர், ஓமலூர், இடைப்பாடி, வாழப்பாடி, ஏற்காடு நீதிமன்றங்களில் வரும் டிசம்பர் 14-ம் தேதி தேசிய மக்கள் நீதிமன்றம் நடக்க உள்ளது. சமரசம் செய்துக் கொள்ளக்கூடிய காசோலை, வங்கிக்கடன், கல்விக்கடன், தொழிலாளர் நலன் உள்ளிட்ட வழக்குகளைத் தீர்த்துக் கொள்ளலாம் என சேலம் மாவட்ட முதன்மை நீதிபதி சுமதி வெளியிட்டுள்ள அறிக்கையில் தெரிவிக்கப்பட்டுள்ளது.
News November 27, 2024
இன்று பி.எப். குறைதீர் கூட்டம்
தொழிலாளர் வருங்கால வைப்பு நிதி நிறுவனம், தொழிலாளர் அரசு காப்பீடு கழகம் இணைந்து, மாவட்ட வாரியாக ஒருங்கிணைந்த மக்கள் குறைதீர் கூட்டத்தை நடத்துகிறது. அதன்படி, சேலம், அத்வைத ஆசிரம சாலையில் உள்ள தனியார் பள்ளியில் இன்று (நவ.27) காலை 9 மணிக்கு தொடங்கி மாலை, 05.45 வரை கூட்டம் நடக்கிறது. ஓய்வூதியம் பெறுவோர், முதலாளிகள், ஒப்பந்ததாரர்கள் குறைகளை நிவர்த்தி செய்துக் கொள்ளலாம்.
News November 27, 2024
சேலத்தில் இன்றைய முக்கிய நிகழ்வுகள்
➤காலை முதல் 10 மணி முதல் அனைத்து மாநகர காவல் நிலையங்களிலும் வாராந்திர மனுநீதி முகாம். ➤காலை 11 மணி காவல்துறையை கண்டித்து மக்கள் தேசம் கட்சி கோட்டை மைதானத்தில் ஆர்ப்பாட்டம். ➤பகல் 11 மணி தமிழ் மக்கள் உரிமை முன்னணியின் சார்பில் அலுவலகத்தில் செய்தியாளர்கள் சந்திப்பு. ➤பிற்பகல் 12 to 1 உதயநிதி ஸ்டாலின் பிறந்த நாளை ஒட்டி பழைய பேருந்து நிலையம் அண்ணா சிலை அருகே அன்னதானம்.
News November 27, 2024
காலி பணியிடத்திற்கு விண்ணப்பிக்கலாம்
சேலத்தில் காலியாக உள்ள ஆற்றுப்படுத்துநர் பணியிடத்திற்கு விண்ணப்பங்கள் வரவேற்கப்படுகிறது என கலெக்டர் பிருந்தாதேவி தெரிவித்துள்ளார். இதில் தேர்வு செய்யப்படும் நபர்களுக்கு போக்குவரத்து செலவு உட்பட நாளொன்றுக்கு ரூ.1000 வீதம் மாதத்திற்கு 9 நாள்கள் என ஆண்டு முழுவதும் வழங்கப்படும். இது தற்காலிக பணியாகும். கடைசிநாள் 11.12.2024 ஆகும். மேலும், விபரங்களுக்கு 0427-2415966 என்ற எண்ணை அழைக்கலாம். ஷேர் பண்ணுங்க
News November 26, 2024
சேலத்தில் ரோந்து பணியில் ஈடுபடும் அதிகாரிகள் விவரம்
சேலம் மாநகரில் இரவு நேரங்களில் குற்றச்செயல்கள் நடக்காமல் இருக்கவும், அசம்பாவிதங்களை தவிர்கவும், மாநகர காவல்துறை சார்பில் பல்வேறு நடவடிக்கைகள் எடுக்கப்பட்டு வருகிறது. அதன்படி மாநகர காவல்துறை, காவல் நிலைய எல்லைக்குட்பட்ட பகுதிகளில், அந்தந்த காவல் அதிகாரிகள் ஆய்வு மேற்கொண்டு, இரவு ரோந்து பணியில் ஈடுபட்டு வருகின்றனர். இன்றைய இரவு ரோந்து பணி செல்லும் அதிகாரிகள் விபரங்கள் வெளியிடப்பட்டுள்ளது.
News November 26, 2024
சேலம் ரயில் பயணிகளின் கவனத்திற்கு!
டாக்டர் எம்ஜிஆர் சென்னை சென்ட்ரல் – கொல்லம் சூப்பர்பாஸ்ட் எக்ஸ்பிரஸ் சிறப்பு ரயில் (06111) இன்று (நவ.26) இரவு 11.20 மணிக்கு டாக்டர் எம்ஜிஆர் சென்னை சென்ட்ரல் ரயில் நிலையத்தில் இருந்து புறப்பட வேண்டிய நிலையில், சென்னை எழும்பூர் ரயில் நிலையத்தில் இருந்து புறப்படும் எனத் தெரிவிக்கப்பட்டுள்ளது. இந்த ரயில் அரக்கோணம், காட்பாடி, ஜோலார்பேட்டை, சேலம், ஈரோடு உள்ளிட்ட ரயில் நிலையங்களில் நின்றுச் செல்லும்.
Featured News
Sorry, no posts matched your criteria.