India's largestHyperlocal short
news App
Get daily news updates that are tailored for you based on your preferred language & location.
download Way2News app now
Salem
News October 14, 2024
சேலத்தில் நாளை மேற்கு மாவட்ட திமுக செயற்குழு கூட்டம்
சேலம் மேற்கு மாவட்ட திமுக செயலாளர் டி.எம்.செல்வகணபதி எம்பி வெளியிட்டுள்ள அறிக்கையில் கூறியிருப்பதாவது:- சேலம் மேற்கு மாவட்ட திமுக செயற்குழு கூட்டம் நாளை (செவ்வாய்க்கிழமை) மாலை 4.30 மணிக்கு சேலம் மாவட்ட கட்சி அலுவலகமான கலைஞர் மாளிகையில் உள்ள வீரபாண்டியார் அரங்கில் நடக்கிறது. மாவட்ட அவைத்தலைவர் தங்கமுத்து தலைமை தாங்குகிறார். திமுக நிர்வாகிகள் அனைவரும் தவறாமல் கலந்து கொள்ளுமாறு கூறினார்.
News October 14, 2024
சேலம்: பள்ளி, கல்லூரிகளுக்கு விடுமுறை அளிக்கப்படுமா?
ஓமலூர் சுற்றுவட்டார பகுதிகளில், இன்று அதிகாலை முதலே வானம் மேகமூட்டத்துடன் காணப்படுகிறது. மேலும் தொடர்ந்து விட்டு விட்டு மழை பெய்து வருகிறது. இதனால் பள்ளி, கல்லூரிகள் மற்றும் வேலைக்கு செல்வோர் அவதி அடைந்து வருகின்றனர். மேலும், பருவமழை எச்சரிக்கை காரணமாக சேலம் மாவட்ட நிர்வாகம் பள்ளி மற்றும் கல்லூரிகளுக்கு விடுமுறை அளிக்குமா என மாணவர்களிடையே எதிர்பார்ப்பு நிலவுகிறது.
News October 14, 2024
சேலத்தில் ஆணழகன் போட்டி
மாநில அளவிலான SK Memorial Trophy_2024 ஆணழகன் போட்டி சேலத்தில் நேற்று நடைபெற்றது. இதில் கலந்து கொண்டு பரிசு வென்ற வீரர்களுக்கு சேலம் மாவட்ட அமைச்சூர் ஆணழக சங்க தலைவர் மற்றும் சேலம் கிழக்கு மாவட்ட திமுக துணை செயலாளர் க.சுரேஷ்குமார் கேடயம் மற்றும் சான்றிதழ் வழங்கினார். அப்போது பனமரத்துப்பட்டி ஒன்றிய குழு துணைதலைவர் காட்டூர் ஜெ.சங்கர் உள்ளிட்டோர் உடனிருந்தனர்.
News October 13, 2024
சேலம் மாவட்டத்தில் கனமழை எச்சரிக்கை
தமிழகத்தில் உள் பகுதிகளின் மேல் நிலவும் வளிமண்டல கீழடுக்கு சுழற்சி காரணமாக மழை பெய்ய வாய்ப்புள்ளதாக கூறப்படுகிறது. இந்நிலையில் அடுத்த 3 மணி நேரம் (இரவு 7 மணி வரை) சேலம் மாவட்டத்தில் ஒருசில இடங்களில் கனமழை பெய்ய (ஆரஞ்சு அலார்ட்) வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.
News October 13, 2024
ஓமலூரில் அமைச்சர் திடீர் ஆய்வு
தமிழ்நாடு மக்கள் நல்வாழ்வுத்துறை அமைச்சர் மா.சுப்பிரமணியன் இரண்டு நாள் பயணமாக சேலம் வந்தார். இன்று ஓமலூர் அரசு மருத்துவமனையில் திடீர் ஆய்வு மேற்கொண்டு மருத்துவமனையில் வழங்கப்பட்டு வரும் சிகிச்சை குறித்து பொதுமக்களிடம் கேட்டறிந்தார். இந்த ஆய்வின்போது மாவட்ட ஆட்சியர் டாக்டர் பிருந்தா தேவி, கூடுதல் ஆட்சியர், மருத்துவர்கள் உடன் இருந்தனர்.
News October 13, 2024
சாதனை படைத்த சேலம் மாணவர்கள்!
தமிழ்நாடு முதலமைச்சர் கோப்பைக்கான பள்ளி, கல்லூரி மாணவர்களுக்கான மாநில அளவிலான போட்டிகள் சென்னையில் நடைபெற்றன. இதில் சேலத்தைச் சேர்ந்த பள்ளி மாணவர் துளசிவேணு ஓட்டப்பந்தயத்தில் தங்கப் பதக்கமும், ரூபாய் 1 லட்சம் பரிசுத் தொகையையும், உயரம் தாண்டுதலில் கல்லூரி மாணவி கோபிகா தங்கப் பதக்கமும், ரூபாய் 1 லட்சம் பரிசுத் தொகையையும் வென்று அசத்தினர்.
News October 13, 2024
சேலத்தில் மாவட்ட அளவிலான போட்டி
சேலத்தில் மாவட்ட அளவிலான கைமல்யுத்தம் (ARM WRESTLING) போட்டிகள் நேற்று நடைபெற்றன. இதில் ஏராளமான வீரர்கள் கலந்துகொண்டு தங்களின் திறமைகளை வெளிப்படுத்தினர். அதைத்தொடர்ந்து வெற்றிபெற்ற வீரர்களுக்கு பாராட்டுச் சான்றிதழும், பரிசு கோப்பைகளும் வழங்கப்பட்டன. இப்போட்டியில் தமிழகத்திலிருந்து நூற்றுக்கும் மேற்பட்ட வீரர்கள் பங்கேற்றனர்.
News October 12, 2024
சேலம் அருகே கனமழை
ஓமலூர் மற்றும் அதன் சுற்று வட்டார பகுதிகளான கமாண்டபட்டி காமலாபுரம், மற்றும் புளியம்பட்டி ஆகிய பகுதிகளில் கனமழை வெளுத்து வாங்கியது. நீண்ட நாட்களாக வெயிலின் தாக்கம் அதிகமாக இருந்த நிலையில் இன்று பெய்த மழையால் விவசாயிகள் மகிழ்ச்சியடைந்துள்ளனர். மேலும் கனமழை காரணமாக அப்பகுதியில் இதமான சூழல் நிலவுகிறது.
News October 12, 2024
சேலம் மாவட்ட விவசாயிகளின் கவனத்திற்கு
சேலம் மாவட்டத்தில் நடப்பாண்டு விலை ஆதரவுத் திட்டத்தின்கீழ் டிச.23 முடிய பச்சைப்பயறு மற்றும் உளுந்து கொள்முதல் செய்யப்படவுள்ளது. பயன்பெற விரும்பும் பச்சைப்பயறு சாகுபடி செய்துள்ள விவசாயிகள் சேலம், மேச்சேரி ஆகிய ஒழுங்குமுறை விற்பனைக் கூடங்களையும், உளுந்து சாகுபடி விவசாயிகள் சேலம் ஒழுங்குமுறை விற்பனைக் கூடத்தினையும் ஆவணங்களுடன் அணுகிப் பதிவு செய்து தங்களது விளைப்பொருட்களை விற்பனை செய்து பயனடையலாம்.
News October 12, 2024
திருஷ்டி பூசணிக்காய்களை அகற்றிய இளைஞர்கள்
ஆயுதபூஜையை முன்னிட்டு, சேலம் மாநகரப் பகுதிகளில் நேற்று (அக்.11) சாலைகளில் உடைக்கப்பட்டிருந்த திருஷ்டி பூசணிக்காய்களை இரவோடு இரவாக அகற்றும் பணியில் சேவகன் அறக்கட்டளையைச் சேர்ந்த இளைஞர்கள் ஈடுபட்டனர். இளைஞர்களின் இத்தகைய சேவைக்கு பொதுமக்கள், சமூக ஆர்வலர்கள் உள்ளிட்டோர் வெகுவாகப் பாராட்டு தெரிவித்துள்ளனர்.
Featured News
Sorry, no posts matched your criteria.