India's largestHyperlocal short
news App
Get daily news updates that are tailored for you based on your preferred language & location.
download Way2News app now
Salem
News March 26, 2024
தலைவாசல்: ரூ.2 லட்சத்து 70 ஆயிரம் பறிமுதல்
தலைவாசல் நத்தகரை டோல்கேட்டில் நேற்று(மார்ச் 25) தோட்ட கலைத்துறை உதவி இயக்குநர் ஞானப்பிரியா தலைமையில் வாகன தணிக்கை நடைபெற்றது. அப்போது, அந்த வழியாக வந்த காரை சோதனையிட்டதில், உரிய ஆவணம் இல்லாத ரூ.2 லட்சத்து 70 ஆயிரத்து 625 இருப்பது தெரியவந்தது. விசாரணையில், அந்த நபர் ஆத்தூர் முல்லைவாடி பகுதியை சேர்ந்த தாமோதரன் என்பதும் தெரியவந்தது. பணம் பறிமுதல் செய்யப்பட்டு கருவூலத்தில் ஒப்படைக்கப்பட்டது.
News March 26, 2024
சேலம்: கட்டுக்கடங்காத காட்டுத் தீ
சேலம் மாவட்டம் ஏற்காட்டில் உள்ள கோவிலூர் கிராமம் செல்லும் வழியில் உள்ள வனப்பகுதியில் காட்டுத்தீயானது கடந்த 3 நாட்களாக கட்டுக்கடங்காமல் பற்றி எரிகிறது.
வனத்துறையினர் கடுமையாக போராடியும் தீயை அணைக்க முடியாமல் திணறி வருகின்றனர். இந்த காட்டுத் தீயினால் பல நூறு ஏக்கர் வனப்பகுதி எரிந்து நாசமாகின. அங்குள்ள அரிய வகை மூலிகைகளும், பல வகையான விலங்குகளும் காட்டுத்தீக்கு இரையாகியுள்ளன .
News March 25, 2024
பேளூரில் மயில் வாகனத்தில் திருவீதி உலா வந்த வள்ளி தெய்வானை சமேத முருகன்
வாழப்பாடி அருகே பிரசித்தி பெற்ற பேளூர் தான்தோன்றீஸ்வரர் கோவிலில், வள்ளி, தெய்வானை சமேத சுப்பிரமணியருக்கு, பங்குனி உத்திரத்தை முன்னிட்டு சிறப்பு பூஜை வழிபாடு நடைபெற்றது. இதனையடுத்து, மயில் வாகனத்தில், சுப்பிரமணியர், வள்ளி, தெய்வானை உற்சவமூர்த்திகள் திருவீதி உலா வந்தனர். ராஜ வீதிகளில் பக்தர்கள் தாம்பூலம் கொடுத்து வரவேற்பு அளித்து வழிபாடு செய்தனர்.
News March 25, 2024
சேலம்: முன்னாள் அமைச்சர் நினைவிடத்தில் மரியாதை
சேலம் திமுக வேட்பாளர் டி.எம்.செல்வகணபதி பூலாவரியில் மறைந்த முன்னாள் அமைச்சர் வீரபாண்டி ஆறுமுகம் நினைவு இடத்திற்கு சென்று மலர் தூவி மரியாதை செலுத்தினார். அவருடன் சேலம் கிழக்கு மாவட்ட இளைஞரணி அமைப்பாளர் பிரபு, மாவட்ட துணைச் செயலாளர் சுரேஷ்குமார், திமுக பொதுக்குழு உறுப்பினர் மலர்விழி, வீரபாண்டி ஒன்றிய செயலாளர் வெண்ணிலா சேகர், கம்யூனிஸ்ட் மாவட்ட செயலாளர் மோகன் என பலர் கலந்து கொண்டனர்
News March 25, 2024
சேலம்: தொகுதி வாரியாக பிரிக்கும் பணி தீவிரம்
2024 மக்களவை தேர்தலையொட்டி மின்னணு வாக்குப்பதிவு இயந்திரம் மற்றும் வாக்காளர் தாம் அளித்த வாக்கினை உறுதி செய்யும் கருவிகள் (VVPAT) ஆகியவற்றை சட்டமன்றத் தொகுதி வாரியாக பிரிக்கும் பணி மாவட்ட ஆட்சியர் அலுவலகத்தில் இன்று நடைபெற்றது. தேர்தல் பணியில் ஈடுபட்டுள்ள அதிகாரிகள் இப்பணியினை ஆய்வு செய்தனர்.
News March 25, 2024
சேலம் மாவட்டத்தில் வெயிலின் தாக்கம் 101.2 டிகிரி பதிவாகியுள்ளது
சேலம் மாவட்டத்தில் கடந்த சில நாட்களாக வெயிலின் தாக்கம் அதிகரித்து வருகிறது. இன்று (மார்ச். 25) மாவட்டத்தில் அதிகபட்சமாக 101.2 டிகிரி பாரன்ஹீட் வெப்பம் பதிவாகியுள்ளது. எடப்பாடி, ஆத்தூர், மேட்டூர், ஓமலூர், சங்ககிரி ஆகிய பகுதிகளிலும் வெயிலின் தாக்கம் அதிகரித்து காணப்பட்டது. மதிய வேளையில் வெயிலின் தாக்கம் அதிகரித்து வருவதால் சாலைகளில் மக்கள் நடமாட்டம் குறைந்து காணப்படுகிறது.
News March 25, 2024
சூடு பிடிக்க தொடங்கியது தேர்தல் களம்
சேலம் நாடாளுமன்ற தொகுதிக்குட்பட்ட வீரபாண்டி சட்டமன்ற தொகுதி, சேலம் தெற்கு ஒன்றியத்தில் எருமாபாளையம் ஊராட்சி, கொண்டலாம்பட்டி ஊராட்சி, வேடகாத்தான் பட்டி ஊராட்சியை சார்ந்த ஒன்றிய நிர்வாகிகளை
இந்தியா கூட்டணி சேலம் நாடாளுமன்ற தொகுதி வெற்றி வேட்பாளர் முன்னாள் அமைச்சர், சேலம் மேற்கு மாவட்ட செயலாளர் டி.எம் செல்வ கணபதி நிர்வாகிகள் நேரில் சந்தித்து வாக்குகளை சேகரித்தார்.
News March 25, 2024
நாளை எஸ்.எஸ்.எல்.சி. பொதுத்தேர்வு தொடக்கம்.
தமிழகம் முழுவதும் எஸ்.எஸ்.எல்.சி. பொதுத்தேர்வு நாளை (மார்ச் 26) தொடங்கி ஏப்ரல் மாதம் 8 ஆம் தேதி வரை நடைபெற உள்ளது. அதைத்தொடர்ந்து
சேலம் மாவட்டத்தில் 10 ம் வகுப்பு பயிலும் 22089 மாணவர்கள், 21181 மாணவிகள் என மொத்தம் 43270 பேர் தேர்வு எழுத உள்ளனர். மேலும் சேலம் மாவட்டத்தில் 184 தேர்வு மையங்களில் பொதுத்தேர்வு எழுதுகின்றனர்.
News March 25, 2024
சேலம் நாடாளுமன்ற அ.தி.மு.க. வேட்பாளர் வேட்பு மனுத்தாக்கல்
நாடாளுமன்ற தேர்தலுக்கான வேட்பு மனுத்தாக்கல் மார்ச் 27-ஆம் தேதியுடன் நிறைவுப் பெற உள்ள நிலையில் சேலம் தொகுதியில் அ.தி.மு.க. சார்பில் போட்டியிடும் வேட்பாளர் விக்னேஷ் இன்று தனது வேட்பு மனுவை சேலம் மாவட்ட ஆட்சியர் அலுவலகத்தில் மாவட்ட தேர்தல் நடத்தும் அலுவலரும், மாவட்ட ஆட்சியருமான டாக்டர் பிருந்தா தேவியிடம் தாக்கல் செய்தார்.
News March 25, 2024
சேலம் நாடாளுமன்ற தி.மு.க. வேட்பாளர் வேட்பு மனுத்தாக்கல்
சேலம் நாடாளுமன்ற மக்களவைத் தொகுதியில் தி.மு.க. சார்பில் போட்டியிடும் வேட்பாளர் டி.எம்.செல்வகணபதி தனது வேட்பு மனுவை மாவட்ட தேர்தல் அலுவலரும், மாவட்ட ஆட்சியருமான டாக்டர். பிருந்தாதேவியிடம் இன்று தாக்கல் செய்தார். தி.மு.க வின் சேலம் மத்திய மாவட்டச் செயலாளர் ராஜேந்திரன் எம்.எல்.ஏ., எம்.பி.எஸ்.ஆர்.பார்த்திபன், காங்கிரஸ் கட்சியின் சேலம் மாநகர் மாவட்டத் தலைவர் பாஸ்கரன் உள்ளிட்டோர் உடனிருந்தனர்.
Featured News
Sorry, no posts matched your criteria.