India's largestHyperlocal short
news App
Get daily news updates that are tailored for you based on your preferred language & location.
download Way2News app now
Ramanathapuram
News May 15, 2024
ராம்நாடு அருகே ஆலய திருவிழா கொடியேற்றம்
தொண்டி அருகே வெள்ளாளகோட்டை இயேசுபுரத்தில் புனித வனத்து சின்னப்பர் ஆலய திருவிழா கொடியேற்றம் நேற்று (மே 14) நடைபெற்றது. இதனையொட்டி புதிய கொடிமரம் அர்ச்சித்தல், கொடி மந்திரித்தல் நிகழ்ச்சி நடைபெற்றது.
தொண்டி பங்குத்தந்தை வியாகுல அமிர்தராஜ் புனிதரின் திருவுருவம் பொறித்த கொடியை ஏற்றிவைத்து திருவிழா திருப்பலியை நிறைவேற்றினார். பின்னர் மறையுறை நிகழ்த்தப்பட்டது. இதில் ஏராளமான இறை மக்கள் கலந்துகொண்டனர்.
News May 14, 2024
ராம்நாடு: தமிழக தலைமை தேர்தல் அலுவலர் ஆய்வு
ஏப்.19ல் நடந்த ராமநாதபுரம் நாடாளுமன்ற தொகுதி தேர்தல் வாக்கு எண்ணிக்கை பணி ஜூன் 4ல் நடைபெற உள்ளது. இது தொடர்பாக மேற்கொண்டுள்ள பணிகள் குறித்து ராமநாதபுரம் மாவட்ட ஆட்சியரக கூட்டரங்கில் இன்று (14.5.2024) மாலை ஆய்வு கூட்டம் நடந்தது. கலெக்டர் விஷ்ணு சந்திரன் முன்னிலை வகித்தார். தமிழ்நாடு தலைமை தேர்தல் அலுவலர், அரசு முதன்மைச் செயலர் சத்ய பிரதா ஷாஹு தலைமை வகித்து பணிகளை ஆய்வு செய்தார்.
News May 14, 2024
ராமநாதபுரம்: +1 தேர்வில் அரசு மாதிரி பள்ளி 100% தேர்ச்சி
ராமநாதபுரம் மாவட்ட அரசு மாதிரி பள்ளி பத்தாம் வகுப்பு, பனிரெண்டாம் வகுப்பில் 100 % தேர்ச்சி பெற்ற நிலையில் இன்று காலை வெளியான பதினொன்றாம் வகுப்பு பொதுத் தேர்விலும் 100% தேர்ச்சி பெற்று சாதனை புரிந்துள்ளது. மேலும் கணினி அறிவியல் பாடத்தில் 7 பேர், வேதியியல் பாடத்தில் 2 பேர், பொருளியல் பாடத்தில் ஒருவர் என சதமடித்து சாதனை புரிந்துள்ளனர்.
News May 14, 2024
உணவு பாதுகாப்பு துறை அதிகாரிகள் ஆய்வு
ராமநாதபுரம் பட்டணம்காத்தான்
இசிஆர் பகுதிகளில் மாலை நேர தள்ளுவண்டி கடைகள், வாகனங்களில் விற்கப்படும் உணவுப் பொருட்கள் சுகாதார மின்றி விற்கப்படுவதாக புகார் எழுந்தது. மாவட்ட நியமன அலுவலர் விஜயகுமார் தலைமையில் அதிகாரிகள் இப்பகுதிகளில் உள்ள அசைவ உணவு கடைகளில் ஆய்வு செய்தனர். அப்போது உணவு பொருட்களில் அதிக நிறமி சேர்த்த அரை கிலோ சிக்கன் வகைகள், கால் கிலோ அஜினமோட்டோ பறிமுதல் செய்து அழித்தனர்.
News May 14, 2024
ராமநாதபுரம் மாவட்டத்தில் மழை
குமரிக்கடல் பகுதிகளின் மேல் வளிமண்டல கீழடுக்கு சுழற்சி காரணமாக தமிழகத்தில் பரவலாக மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அதன்படி மாலை 4 மணி வரை ராமநாதபுரம் மாவட்டத்தில் இடியுடன் கூடிய மிதமான மழை பெய்யக்கூடும் எனத் தெரிவிக்கப்பட்டுள்ளது.
News May 14, 2024
மீன் பிடித்த வாலிபர் தண்ணீரில் மூழ்கி பலி
திருவாடானை: செவிலியேந்தலைச் சேர்ந்த அசோக் குமார் (40) கோவையில் புரோட்டா மாஸ்டராக வேலை செய்து வந்தார். ஊருக்கு வந்த நிலையில் வீட்டின் எதிரில் இருந்த ஊரணியில் மீன்பிடித்தபோது நீரில் மூழ்கி மயங்கினார். தீயணைப்புத் துறையினர் மீட்டு திருவாடானை அரசு மருத்துவமனைக்கு அனுப்பி வைத்தனர். அவரை பரிசோதித்த மருத்துவர் அவர் இறந்துவிட்டதாக தெரிவித்தார். திருவாடானை போலீசார் அவரது உடலை மீட்டு விசாரணை நடத்தினர்.
News May 14, 2024
குடிநீர் தொட்டி சேதம்: கலெக்டரிடம் மனு
முதுகுளத்தூர் சாம்பகுளம் இந்திரா குடிநீர் தொட்டியை சேதப்படுத்தியோர் மீது நடவடிக்கை எடுக்கக் கோரி அப்பகுதி மக்கள் ராமநாதபுரம் மாவட்ட ஆட்சியரக வளாக நுழைவு வாயில் முன் இன்று ஆர்ப்பாட்டத்தில் ஈடுபட்டனர். இதை தொடர்ந்து கலெக்டரிடம் மனு அளித்துச் சென்றனர். இதில் 100-க்கும் மேற்பட்ட பெண்கள் உள்பட பலர் பங்கேற்றனர்.
News May 14, 2024
ராமநாதபுரம்: அரசு பள்ளி தேர்ச்சி விகிதத்தில் 11ஆவது இடம்
11ஆம் வகுப்பு பொதுத்தேர்வு முடிவில், அரசு பள்ளிகளின் தேர்ச்சி விகிதத்தில் ராமநாதபுரம் மாவட்டம் 11ஆவது இடத்தைப் பிடித்துள்ளது. மாவட்டத்தில் மொத்தமாக 89.47% தேர்ச்சி பதிவாகியுள்ளது. இதில் மாணவர்கள் 84.64 சதவீதத்தில் தேர்ச்சி அடைந்துள்ளனர். மாணவியர் 93.30 சதவீதத்தில் தேர்ச்சி அடைந்துள்ளனர்.
News May 14, 2024
+1 RESULT: ராமநாதபுரத்தில் 92.83% தேர்ச்சி!
தமிழ்நாட்டில் 11ஆம் வகுப்பு மாணவர்களுக்கான பொதுத்தேர்வு முடிவுகள் இன்று (மே 14) வெளியாகியுள்ளன. அதன்படி ராமநாதபுரம் மாவட்டத்தில் மாணவர்கள் 89.44% பேரும், மாணவியர் 95.80% பேரும் தேர்ச்சி அடைந்துள்ளனர். மாவட்டத்தில் ஒட்டுமொத்தமாக 92.83% தேர்ச்சி விகிதம் பதிவாகியுள்ளது. மாநில அளவில் 13வது இடம். மாணவர்கள் www.tnresults.nic.in, www.dge.tn.gov.in ஆகிய இணையதளங்கள் மூலம் தேர்வு முடிகளை அறிந்து கொள்ளலாம்.
News May 14, 2024
ராம்நாடு: தண்ணீரில் மிதந்த ஆண் சடலம்
திருவாடானை ஓரியூர் சாலையில் டாஸ்மாக்
உள்ளது. இதன் எதிரே உள்ள அத்தாணி வயல் கண்மாயில் இன்று அதிகாலை சுமார் 40 வயது மதிக்கத்தக்க ஆண் சடலம் ஒன்று தண்ணீரில் மிதந்துள்ளது. இது குறித்து திருவாடானை கிராம நிர்வாக அலுவலர் நாகேந்திரன் அளித்த புகாரின்பேரில் திருவாடானை போலீசார் சடலத்தை மீட்டு திருவாடானை அரசு மருத்துவமனைக்கு
பிரேத பரிசோதனைக்காக அனுப்பி வைத்தனர். மேலும் இது குறித்து விசாரணை நடத்தினர்.
Featured News
Sorry, no posts matched your criteria.