India's largestHyperlocal short
news App
Get daily news updates that are tailored for you based on your preferred language & location.
download Way2News app now
Pudukkottai
News October 1, 2024
பாதுகாப்பு கேட்டு எஸ்பியிடம் மனு
புதுக்கோட்டை மாவட்டம் ஆயங்குடி ஊராட்சி மன்ற துணைத் தலைவர் அன்பு ராஜா. அங்கு ஊராட்சி மன்ற தலைவராக உள்ள ராஜமாணிக்கத்திற்கும் இவருக்கும் ஏற்கனவே பிரச்சனை இருந்துள்ளது. இந்நிலையில் ராஜமாணிக்கம் சிறைக்கு சென்று வெளியே வந்துள்ள நிலையில் அவரால் தனக்கு தாக்குதல் ஏற்படலாம் எனக்கருதி மாவட்ட காவல் கண்காணிப்பாளருக்கு கிராம சபை கூட்டத்தில் கலந்து கொள்ள பாதுகாப்பு கேட்டு மனு அளித்துள்ளார்.
News October 1, 2024
நாளை டாஸ்மாக் கடைகளுக்கு விடுமுறை
புதுக்கோட்டை மாவட்டத்தில் இயங்கி வரும் டாஸ்மாக் அனைத்து மதுபான சில்லறை விற்பனை கடைகள் மதுபான சில்லறை விற்பனை கடைகளுடன் இணைந்து மதுக்கூடங்கள் மற்றும் உரிமை பெற்ற தனியார் மதுபானக்கூடம் ஆகிய அனைத்திற்கும் நாளை இரண்டாம் தேதி காந்தி ஜெயந்தி யை முன்னிட்டு ஒரு நாள் விடுமுறை அறிவிக்கப்படுகிறது என மாவட்ட ஆட்சியர் அருணா தெரிவித்துள்ளார்.
News October 1, 2024
தேசிய பெண் குழந்தைகள் விருது பெற அழைப்பு
புதுக்கோட்டை மாவட்டத்தில் பெண் குழந்தைகளுக்கு வீரதீர செயல்கள் புரிந்த தேசிய பெண் குழந்தைகள் தின விருது வழங்கப்பட உள்ளது. இதற்கு 04322222270 என்ற தொலைபேசி எண்ணிலும், https://awards.tn.gov.in தளத்தில் வரும் 31ஆம் தேதிக்குள் விண்ணப்பிக்கலாம். இதில் 13 வயதுக்கு மேல் 18 வயதுக்குள் தமிழகத்தை பூர்வீகமாகக் கொண்ட பெண் குழந்தைகள் விண்ணப்பிக்கலாம்.
News October 1, 2024
குளத்து மண்ணை எடுத்து நகரத்தை உருவாக்கிய சேசையா சாஸ்திரி ‘காலச்சுவடுகள்’
1878 -1886 புதுகை திவான் அரசு பிரதிநிதியாக பணியாற்றியவர் சேசையா சாஸ்திரி. புதுகை மெரினா என அழைக்கப்படும் புது குளத்தில் உள்ள மண்ணை எடுத்து புதுக்கோட்டை நகரில் இன்றளவும் கம்பீரமாக நிற்கும் பல்வேறு கட்டிடங்களை கட்டச் செய்தவர். மேலும் புதுகை 4 ×4 வீதிகளை அழகுடன் வடிவமைத்தவர். மன்னர் கஜானாவை நிரப்பியவர், மக்களுக்கு எண்ணற்ற பல நன்மை செய்தவர். கேரளா திருவாங்கூர் திவானாகவும் இருந்தவர் சேசையா சாஸ்திரி.
News September 30, 2024
கலப்பட உணவுப் பொருள்கள் குறித்து ஆட்சியர் ஆய்வு
புதுக்கோட்டை மாவட்ட ஆட்சியர் அலுவலகத்தில் நடைபெற்ற நிகழ்வில் உணவு பாதுகாப்புத் துறை சார்பாக செய்யப்பட்ட நிகழ்வில் உணவுப் பொருள்களில் கலப்படம் செய்த உணவுகளின் தரம் குறித்து எடுத்துரைக்கப்பட்டது. நிகழ்வில் கலப்பட பொருள்களை கண்டறிவது குறித்து ஆட்சியர் அருணா ஆய்வு செய்தார். இன்று நடந்த நிகழ்வில் மாவட்ட உணவு கலப்பட துறை அதிகாரிகள் பங்கேறனர்.
News September 30, 2024
புதுக்கோட்டை மாவட்டத்திற்கு ஆரஞ்சு அலார்ட்
புதுக்கோட்டை மாவட்டத்திற்கு இந்திய வானிலை ஆராய்ச்சி மையம் ஆரஞ்சு அலார்ட் விடுத்துள்ளது. இது தொடர்பாக புதுக்கோட்டை மாவட்ட ஆட்சியர் அருணா தெரிவிக்கையில், புதுக்கோட்டை மாவட்டத்தில் உள்ள அனைத்து தாசில்தார்கள் மற்றும் சம்பந்தப்பட்ட அரசு அலுவலர்கள் பணியில் இருக்குமாறு கேட்டுக் கொண்டுள்ளார். இந்த நிலையில், காலை முதல் புதுக்கோட்டை மாவட்டத்தில் அனேக இடங்களில் மழை பெய்து என்பது குறிப்பிடத்தக்கது.
News September 30, 2024
புதுக்கோட்டை சிறையில் இலங்கை மன்னர் ‘காலச்சுவடு’
கண்டியை (இலங்கை) ஆண்ட கடைசி மன்னர் விக்ரம ராஜசிம்ஹோ 1816 இல் ஆங்கிலேயரால் ஆட்சியில் இருந்து அகற்றப்பட்டு மன்னரும் அவரது குடும்பத்தினரும் புதுக்கோட்டை சிறைக்கு கைதியாக அனுப்பப்பட்டனர். அவர்களது பரம்பரையின் பூலாம்பட்டி மற்றும் சுற்றியுள்ள கிராம பகுதிகளில் குடியமர்த்தப்பட்டனர். மன்னரின் பரம்பரையினருக்கு புதுக்கோட்டை சமஸ்தானத்தில் ராஜ மரியாதை அளிக்கப்பட்டது. சிறிது காலம் சிறையில் அடைக்கப்பட்டார்.
News September 30, 2024
புதுக்கோட்டை அருகே பல்லவன் ரயில் பாதி வழியில் நிறுத்தம்
புதுக்கோட்டை மாவட்ட எல்லையான பள்ளத்தூர்-காரைக்குடி பகுதியில் பல்லவன் ரயில் பிரேக் பழுது காரணமாக பாதி வழியில் நிறுத்தப்பட்டது. இந்த ரயில் காரைக்குடி, புதுக்கோட்டை, திருச்சி வழியே சென்னை நோக்கி செல்லும் ரயில் ஆகும். இதனால் புதுக்கோட்டைக்கு 6 மணிக்கு வர வேண்டிய பல்லவன் ரயில் ஒரு மணி நேரம் தாமதமாக வரும் என தென்னக ரயில்வே அறிவித்துள்ளது. ஷேர் செய்யவும்
News September 29, 2024
புதுகையில் 10 இடங்களில் நெல் கொள்முதல் நிலையங்கள்
புதுக்கோட்டை மாவட்டத்தில் இதுவரை 24 இடங்களில் நெல் கொள்முதல் நிலையங்கள் திறக்கப்பட்டுள்ளன. இதில் கொள்முதல் செய்யப்பட்ட நெல் முட்டைகள் அடுக்கி வைக்கப்பட்டுள்ளன. இந்நிலையில் அறுவடை நடைபெற்று வரும் பகுதியில் நெல் கொள்முதல் நிலையங்கள் திறக்க விவசாயிகள் தரப்பிலும் கோரிக்கை விடுக்கப்பட்டு வருகிறது. இதனால் மேலும் 10 இடங்களில் நெல் கொள்முதல் நிலையங்கள் திறக்க அதிகாரிகள் நடவடிக்கை எடுத்து வருகின்றனர்.
News September 29, 2024
புதுக்கோட்டை மாவட்டத்தில் 65 ரவுடிகள் கைது
புதுக்கோட்டை மாவட்டத்தில் ரவுடிகளின் நடவடிக்கையை கட்டுப்படுத்த, குற்றங்கள் நிகழாமல் தடுக்க, பொதுமக்கள் அச்சமின்றி இருப்பதை உறுதி செய்ய, பொது அமைதியை நிலைநாட்ட முன்னெச்சரிக்கை நடவடிக்கையாக போலீசார் நடவடிக்கை எடுத்து வருகின்றனர். இதில் கடந்த 3 மாதங்களில் மொத்தம் 31 வழக்குகள் பதிவு செய்யப்பட்டு, 65 ரவுடிகள் கைது செய்யப்பட்டுள்ளனர் என மாவட்ட எஸ்பி வந்திதா பாண்டே தெரிவித்துள்ளார்.
Featured News
Sorry, no posts matched your criteria.