Pondicherry

News March 25, 2025

புதுவையில் புத்தக வடிவில் ரேஷன் அட்டை – அமைச்சர் அறிவிப்பு

image

புதுச்சேரியில் நடைபெற்று வரும் சட்டப்பேரவை கூட்டத்தொடரில் இன்று பேசிய அமைச்சர் திருமுருகன், “மீண்டும் புத்தக வடிவிலான ரேஷன் அட்டைகள் வழங்கப்படும் மற்றும் நியாய விலை கடைகள் இல்லாத பகுதிகளில் புதிய கடைகளை உருவாக்க நடவடிக்கை எடுக்கப்படும். மேலும் காமராஜர் கல்வீடு கட்டும் திட்ட பயனாளிகள், வீட்டிற்கான அசல் தொகையை  மட்டும் செலுத்தி பத்திரத்தை பெற்றுகொள்ளலாம்” என தெரிவித்தார்.

News March 25, 2025

காமராஜர் கல்வீடு கட்டும் திட்ட பயனாளிகளுக்கு சிறப்பு சலுகை

image

புதுவையில் இன்று நடைபெற்ற கூட்டத்தொடரில் பேசிய அமைச்சர் திருமுருகன், “குடிசை மாற்று வாரியம் மூலம் காமராஜர் கல்வீடு கட்டும் திட்டத்தில் Phase I to Phase VI வரை உள்ள பயனாளிகள் வீடுகட்ட தவறியவர்கள் & வீடுகட்டி முடிக்கப்படாத பயனாளிகளிடமிருந்து அசல் தொகையை மட்டும் பெற்று கொண்டு அவர்களது அசல் பாத்திரங்களை திருப்பி அளிக்க நடவடிக்கை எடுக்கப்பட்டு வருகிறது. இதனால் 8,638 குடும்பங்கள் பயன் பெறும்,” என்றார்.

News March 25, 2025

வெப்ப அலை தாக்கம் அதிகரிப்பு குறித்து தற்காப்பு முன்னெச்சரிக்கை

image

புதுச்சேரி சுகாதாரத்துறை இயக்குனர் ரவிச்சந்திரன் இன்று வெளியிட்டுள்ள செய்தி குறிப்பில் வெப்பநிலை உயரும் என்று வானிலை ஆய்வு மையம் தெரிவித்து இருந்த நிலையில் பொதுமக்கள் நண்பகல் 12:00 மணி முதல் மூன்று மணி வரை அத்தியாவசியமான தேவை இன்றி வீட்டில் இருந்து வெளியே வர வேண்டாம் வெப்பத்தினால் ஏற்படும் அறிகுறிகளை கண்டறிந்து சிகிச்சைகளை அளிக்க அரசு மருத்துவமனைகள் தயார் நிலையில் உள்ளது என்றார்.

News March 25, 2025

புதுவையில் உள்ளாட்சித் தோ்தல் நடத்தப்படுமா?: முதல்வா் விளக்கம்

image

புதுவையில் உள்ளாட்சித் தோ்தல் நடத்தப்படுமா என்பது குறித்து பேரவையில் கேட்கப்பட்டதற்கு, முதல்வா் விளக்கம் அளித்தாா். புதுவை உள்ளாட்சி அமைப்புகளில் இதர பிற்படுத்தப்பட்ட வகுப்பினருக்கான இடஒதுக்கீட்டை பரிந்துரைக்க, நீதிபதி சசிதரன் ஆணையத்தை அரசு நியமித்துள்ளது. அதன்படி, ஆணையம் பரிந்துரையை அளித்த பின், உள்ளாட்சித் தோ்தல் நடத்தப்படும் என முதல்வா் என்.ரங்கசாமி தெரிவித்தார்.

News March 25, 2025

சனிப்பெயர்ச்சி குறித்த குழப்பம்: திருநள்ளாறு கோயில் நிர்வாகம் விளக்கம்

image

திருநள்ளாறு கோயிலில் வரும் மார்.29ஆம் தேதி சனிப்பெயர்ச்சி நடைபெறுமா? இல்லையா? என்பது குறித்து கோவில் நிர்வாகம் விளக்கமளித்துள்ளது. பாரம்பரிய கணிப்பு முறையின் படி, 2026ஆம் ஆண்டிலேயே சனிப் பெயர்ச்சி நடைபெறும். மார்.29 அன்று வழக்கமாக நடைபெறும் தினசரி பூஜைகள் மட்டுமே நடைபெறும். சனி பெயர்ச்சி நடைபெறும் சரியான தேதி அதிகாரப்பூர்வமாக அறிவிக்கப்படும் என தேவஸ்தானம் விளக்கமளித்துள்ளது. பக்தர்களுக்கு பகிரவும்

News March 24, 2025

புதுச்சேரியில் மார்ச் 26 மாபெரும் வேலைவாய்ப்பு முகாம்

image

புதுச்சேரி அரசு, தொழிலாளர் துறை சார்பில் வேலைவாய்ப்பு முகாம் வரும் மார்ச் 26ஆம் தேதி புதுச்சேரி வேலைவாய்ப்பகம் வளாகத்தில் நடக்க உள்ளது. காலை 9.30 மணி முதல் மதியம் 1 மணி வரை நடைபெறும் இந்த முகாமில் தமிழகம் & புதுவையைச் சார்ந்த 10 நிறுவனங்கள் கலந்து கொண்டு 1000க்கும் மேல் பணியிடங்களை நிரப்ப உள்ளன. SSLC, HSC, ITI, DIPLOMA, ANY Degree என அனைவரும் பங்கு பெறலாம். பிறர் பயன் பெற SHARE செய்யவும்..

News March 24, 2025

வெளிநாட்டில் வேலை, ரூ.87 ஆயிரம் மோசடி

image

புதுவை வெங்கட்டா நகரை சேர்ந்த ஷேக் பாசித் வெளிநாட்டு வேலை வாய்ப்பு விளம்பரத்தை ஆன்லைனில் பார்த்து தொடர்பு கொண்டு பேசினார். அவரிடம் பேசிய மர்ம நபர் சிங்கப்பூரில் வேலை இருப்பதாகவும், அந்த வேலைக்கு விசா கட்டணம் செலுத்த வேண்டுமென கூறி அவரிடமிருந்து ரூ. 87,800 பெற்று ஏமாற்றியுள்ளனர். இதுகுறித்து நேற்று கோரிமேடு சைபர் கிரைம் போலீசில் புகார் அளித்தார். இதை SHARE செய்து விழிப்புணர்வை ஏற்படுத்துங்கள்

News March 24, 2025

புதுவை: எதிர்க்கட்சித் தலைவர் குண்டுகட்டாக வெளியேற்றம்

image

பொதுப்பணித்துறையில் நிகழ்ந்த முறைகேடுகளுக்கு பொறுப்பேற்று புதுச்சேரி பொதுப்பணித்துறை அமைச்சர் பதவி விலக வேண்டும் என எதிர்க்கட்சித் தலைவர் சிவா வலியுறுத்தினர். ஆனால் சபாநாயகர் இதனை ஏற்க மறுத்ததால் திமுக உறுப்பினர்கள் முற்றுகையிட்டு போராட்டத்தில் ஈடுபட்டனர். உடனடியாக திமுக உறுப்பினர்களை வெளியேற்ற சபாநாயகர் உத்தரவிட்டார். எதிர்க்கட்சித் தலைவர் சிவா குண்டுகட்டாக அவை காவலர்களால் வெளியேற்றப்பட்டார்.

News March 24, 2025

நெருங்கும் கோடைகாலம்: சுகாதாரத்துறை எச்சரிக்கை

image

புதுச்சேரி சுகாதாரத்துறை இயக்குநர் ரவிச்சந்திரன் வெளியிட்ட செய்திக்குறிப்பில், கோடை காலத்தில் பரவக்கூடிய தோல், கண், செரிமான மண்டல தொந்தரவுகள், அம்மை நோய், இருமல் மற்றும் ‘ஹீட் ஸ்ட்ரோக்’ போன்ற நோய்கள் உருவாக அதிக வாய்ப்பு உள்ளன. வெப்ப பக்கவாதத்தின் போது ஐஸ் கட்டிகள், தண்ணீர் உதவியோடு உடலை குளிர்வித்து சிகிச்சை அளிக்கவும். தேவை இன்றி வெளியே செல்வதை தவிர்க்க வேண்டும் என தெரிவித்துள்ளார். SHARE NOW

News March 23, 2025

பொதுப்பணித்துறை தலைமை பொறியாளர் அலுவலகத்துக்கு சிபிஐ சீல்

image

புதுச்சேரி தலைமை பொறியாளர் தீனதயாளன், காரைக்கால் சாலை மற்றும் கட்டட செயற்பொறியாளர் சிதம்பரநாதன் உள்பட 3 பேரை 7 கோடி ரூபாய் ஒப்பந்தத்திற்கு பல லட்சம் கமிஷன் பெற்றது விசாரணையில் காரைக்காலில் கைது செய்து சிறையில் அடைத்தனர். இந்நிலையில் புதுச்சேரி பொதுப்பணித்துறை தலைமை பொறியாளர் அலுவலகத்துக்கு இன்று சிபிஐ சீல் வைத்து ஆவணங்கள் பறிமுதல் செய்தனர்.

error: Content is protected !!