India's largestHyperlocal short
news App
Get daily news updates that are tailored for you based on your preferred language & location.
download Way2News app now
Perambalur
News May 22, 2024
ஆலத்தூர் : மின்னல் தாக்கி 3- பசு மாடுகள் பலி
பெரம்பலூர் மாவட்ட சுற்றுவட்டாரப் பகுதிகளில் மே-22ம் தேதியான இன்று பரவலாக இடி மின்னலுடன் கூடிய மழை பெய்து வருகின்றது. இந்நிலையில் ஆலத்தூர் தாலுகாவிற்குட்பட்ட சிறுவயலூர் கிராமத்தைச் சேர்ந்த மாயகிருஷ்ணன் என்பவருடைய வயலில் கட்டப்பட்டிருந்த 1 பசு மாடு, இதே போன்று இரூர் கிராமத்தைச் சேர்ந்த அருணாச்சலம் என்பவருடைய வயலில் கட்டப்பட்டிருந்த 2 பசுமாடுகளும் மின்னல் தாக்கி உயிரிழந்துள்ளன.
News May 22, 2024
பெரம்பலூர்: இன்று கனமழைக்கு வாய்ப்பு
பெரம்பலூர்மாவட்டத்திற்கு இன்று (மே.22) கனமழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அதன்படி, பெரம்பலூரில் இடி மின்னல் மற்றும் பலத்த காற்றுடன் கனமழை பதிவாகக்கூடும். தென்தமிழக கடலோரப் பகுதிகளில் மேல் உள்ள வளிமண்டல கீழடுக்கு சுழற்சி காரணமாக இந்த அறிவிப்பு வெளியாகியுள்ளது.
News May 22, 2024
பாம்பு கடித்து பள்ளி சிறுமி பலி
பெரம்பலூர் அருகே செட்டிகுளம் கிராமத்தை சேர்ந்தவர் கண்ணன். இவரது மகள் சுபாஸ்ரீ (13). அங்குள்ள அரசுப்பள்ளியில் 8ம் வகுப்பு தேர்வு எழுதி உள்ளார். கடந்த மே.19ம் தேதியன்று வீட்டிலிருந்த சிறுமி சுபாஸ்ரீ-யை அடையாளம் தெரியாத விஷப்பாம்பு கடித்துள்ளது. பெரம்பலூர் அரசு மருத்துவமனைக்கு அனுமதிக்கப்பட்டு மேல் சிகிச்சைக்கு, திருச்சி அரசு மருத்துவமனையில் அனுமதிக்கப்பட்ட நிலையில் சிசிக்சை பலனின்றி உயிரிழந்தார்.
News May 22, 2024
நாளை மதுரகாளியம்மன் கோவில் தேர்
பெரம்பலூர், சிறுவாச்சூர் மதுரகாளியம்மன் திருக்கோவில் திருத்தேரோட்டம் நாளை மே-23 ஆம் தேதி நடைபெறவுள்ளது. இதற்கான முன்னேற்பாடு பணிகள் குறித்த ஒருங்கிணைப்புக்குழு கூட்டம் கலெக்டர் தலைமையில் நேற்று நடைபெற்றது. இத்தேரோட்டத்தில் திரளான பக்தர்கள் வருகையை முன்னிட்டு தீயணைப்பு வாகனம், ஆம்புலன்ஸ் வசதி, குடிநீர் வசதி, தற்காலிக கழிவறை வசதி ஆகியவற்றை தயார் நிலையில் வைத்திருக்க உத்தரவு விடுக்கப்பட்டுள்ளது.
News May 21, 2024
கல்லூரியில் சேர கால அவகாசம் நீட்டிப்பு
தமிழ்நாட்டில் உள்ள அரசு கலை மற்றும் அறிவியல் கல்லூரிகளில் 2024 -25ஆம் ஆண்டிற்கான இளங்கலை பட்டப்படிப்பு முதலாமாண்டு மாணவர்கள் சேர்க்கைக்கான இணைய வழியில் விண்ணப்பம் செய்ய 24-5-2024 வரை கால அவகாசம் வழங்கப்பட்டுள்ளது என சென்னை கல்லூரிக் கல்வி இயக்கம் தகவல் தெரிவித்துள்ளது.
எனவே பெரம்பலூர் மாவட்டத்தில் கல்லூரிகளில் சேர விரும்புபவர்கள் விண்ணப்பம் செய்யலாம்.
News May 21, 2024
பெரம்பலூர் மாவட்டத்திற்கு ஆரஞ்சு அலர்ட்
தென்மேற்கு வங்க கடல் பகுதிகளின் மேல் நிலவும் வளிமண்டல கீழடுக்கு சுழற்சி காரணமாக தமிழகத்தில் பரவலாக மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அதன்படி பெரம்பலூர் மாவட்டத்தில் (இரவு 7 மணி வரை) கனமழை பெய்ய வாய்ப்புள்ளதாக ஆரஞ்சு அலர்ட் விடுத்துள்ளது.
News May 21, 2024
மயிலூற்று அருவியில் நீர்வரத்து
பெரம்பலூர் மாவட்டத்தின் மேற்கு எல்லையாக விளங்கும் பச்சைமலை அடிவாரத்தில் உள்ள இலாடபுரம் ஊராட்சியில் அமைந்துள்ள மயிலூற்று அருவியில் நீர்வரத்து தொடங்கியுள்ளது. கடந்த சில நாட்களாக பெரம்பலூர் மாவட்டத்தில் பெய்த மழையின் காரணமாக தற்போது இந்த அருவியில் நீர்வரத் தொடங்கியுள்ளது. இதன் காரணமாக இப்பகுதி மக்கள் மட்டுமல்லாது பெரம்பலூர் மாவட்ட மக்களும் பெரும் மகிழ்ச்சி அடைந்துள்ளனர்.
News May 21, 2024
2 இடங்களில் ATM கொள்ளை முயற்சி
எறையூர் சர்க்கரை ஆலை கிராமத்தில் நேற்று இரவு IOB வங்கிக்கு சொந்தமான ATM, பெருமத்தூர் சாலையில் உள்ள ATM என 2 இயந்திரங்களிலும் மர்ம நபர்கள் உடைத்து கொள்ளை முயற்சி ஈடுபட்டுள்ளனர். இன்று இது சம்பந்தமாக வங்கி மேலாளர் மங்களமேடு காவல் நிலையத்திற்கு புகார் தெரிவிக்கப்பட்டு போலீசார் சம்பவ இடத்தில் நேரில் சென்று தடயங்கள் சேகரிக்கப்பட்டு வழக்கு பதிந்து குற்றவாளிகளை தேடி வருகின்றனர்.
News May 20, 2024
பெரம்பலூர் மாவட்ட மழை பதிவு
பெரம்பலூர் மாவட்டத்தில் மே- 20 ஆம் தேதியான இன்று காலை முதலே பெரம்பலூர் மாவட்ட சுற்றுவட்டாரப் பகுதிகளில் மழை பெய்து வருகின்றது. இதன்படி செட்டிகுளம் (0.5 செ.மீ) ,பாடாலூர்( 1.7 செ.மீ), பெரம்பலூர் ( 0.3 செ.மீ) , எறையூர்(0. 6செ .மீ) ,கிருஷ்ணாபுரம் ( 0.4 செ.மீ) வ. களத்தூர் (0.5 செ. மீ), வேப்பந்தட்டை (0.9 செ. மீ) மேற்கண்டவாறு மழையின் அளவுகள் பதிவாகியுள்ளது.
News May 20, 2024
சுங்கச்சாவடி ஊழியர் மீது தாக்கதல்
பெரம்பலூர் அருகே திருமாந்துறையில் சுங்கச்சாவடி ஊழியர் மீது தாக்குதல் நடத்திய சம்பவம் பரபரப்பை ஏற்படுத்தியுள்ளது. பாஸ்டேக் காலாவதியான நிலையில் பணம் செலுத்த சொன்ன ஊழியரை, நான் திமுக கவுன்சிலர் எனக்கூறி சுங்கச்சாடி ஊழியரை ஒரு நபர் தாக்கியதாக கூறப்படுகிறது. சுங்கச்சாவடி ஊழியரை தாக்கிவிட்டு தப்பிச்சென்ற நபர்களை போலீசார் தேடி வருகின்றனர்.
Featured News
Sorry, no posts matched your criteria.