India's largestHyperlocal short
news App
Get daily news updates that are tailored for you based on your preferred language & location.
download Way2News app now
Perambalur
News August 20, 2024
பெரம்பலூருக்கு வருகை புரிந்த எம்பி
பெரம்பலூர் மாவட்டத்திற்கு ஆகஸ்ட் 20ஆம் தேதியான இன்று பல்வேறு நிகழ்ச்சியில் கலந்து கொள்ள வருகை புரிந்த பெரம்பலூர் நாடாளுமன்ற உறுப்பினர் கே. என்.அருண் நேருவை பெரம்பலூர் பாலக்கரையில் உள்ள திமுக அலுவலகத்தில் பெரம்பலூர் சட்டமன்ற உறுப்பினர் பிரபாகரன் சால்வை அணிவித்து வரவேற்பு அளித்தார். இந்நிகழ்வின் போது மாவட்ட இளைஞரணி துணை அமைப்பாளர் சிவசங்கர் உள்ளிட்ட நிர்வாகிகள் பலர் உடன் இருந்தனர்.
News August 20, 2024
புதிதாக பொறுப்பேற்ற மாவட்ட எஸ்பி-க்கு வாழ்த்து தெரிவித்த எம்எல்ஏ
பெரம்பலூர் மாவட்ட காவல் அலுவலகத்தில் புதிதாக பொறுப்பேற்ற மாவட்ட காவல் கண்காணிப்பாளர் ஆதர்ஷ் பசேரா -வை பெரம்பலூர் சட்டமன்ற உறுப்பினர் பிரபாகரன் ஆகஸ்ட் 20ஆம் தேதி அன்னை இன்று நேரில் சந்தித்து வாழ்த்து தெரிவித்தார் இந்நிகழ்வின் போது திமுக மாவட்ட பொறுப்பாளர் ஜெகதீசன் உள்ளிட்ட நிர்வாகிகள் பலர் வாழ்த்துக்களை தெரிவித்தனர்.
News August 20, 2024
இந்திய மாணவர் சங்கம் சார்பில் ஆர்ப்பாட்டம்
கல்கத்தா மாநிலத்தில் கொலை செய்யப்பட்ட பயிற்சி பெண் மருத்துவரின் மரணத்திற்கு நீதி வேண்டி மாநிலம் முழுவதும் போராட்டம் நடைபெற்று வரும் நிலையில், பெரம்பலூர் மாவட்டம் குரும்பலூரில் உள்ள அரசு கலைக் கல்லூரி முன்பு இந்திய மாணவர் சங்கத்தின் மாவட்டத் தலைவர் குருபிரசாத் தலைமையில் இன்று ஆர்ப்பாட்டம்
நடைபெற்றது. இதில் சங்கத்தின் மாநில துணைத் தலைவர் சரவணன் உள்ளிட்ட கல்லூரி மாணவர்கள் பலர் பங்கேற்றனர்.
News August 20, 2024
பெரம்பலூர் மாவட்ட ஆட்சியர் அறிவிப்பு
தனியார்துறை நிறுவனங்களும் – தனியார் துறையில் பணிபுரிய விருப்பம் உள்ள மனுதாரர்களும் நேரடியாக சந்திக்கும் தனியார் துறை வேலைவாய்ப்பு முகாம் பெரம்பலூர் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் ஆகஸ்ட் 23ஆம் தேதி காலை 10 மணி அளவில் நடைபெற உள்ளது. இம்முகாமில் கலந்து கொள்பவர்கள் சுய விவரங்களை www.tnprivatejobs.tn.gov.in என்ற இணையதளத்தில் பதிவு செய்யலாம் என கலெக்டர் அறிவித்துள்ளார்.
News August 20, 2024
பெரம்பலூரில் நலத்திட்ட உதவி வழங்கிய அமைச்சர்
பெரம்பலூர் சட்டமன்ற தொகுதிக்கு உட்பட்ட பயனாளிகளுக்கு தனியார் மஹாலில் இன்று “கலைஞரின் கனவு இல்லம் திட்டம் மற்றும் கிராமப்புற வீடுகள் பழுது பார்க்கும் திட்டத்தின் கீழ்” ரூபாய் 47.04 கோடி மதிப்பீட்டில் 2006 பயனாளிகளுக்கு பணி நியமன ஆணைகள் மற்றும் கலைஞர் விளையாட்டு உபகரணங்களை போக்குவரத்து துறை அமைச்சர் எஸ்எஸ் சிவசங்கர் வழங்கினார். மாவட்ட ஆட்சியர், சட்டமன்ற உறுப்பினர் என பலர் கலந்து கொண்டனர்.
News August 20, 2024
முதலமைச்சர் கோப்பை விளையாட்டுப் போட்டிகள்: கலெக்டர் தகவல்
பெரம்பலூரில் 2024 ஆம் ஆண்டிற்கான தமிழ்நாடு முதலமைச்சர் கோப்பை விளையாட்டுப் போட்டிகள் வருகிற செப்டம்பர் மற்றும் அக்டோபர் மாதங்களில் 5 பிரிவுகளின் கீழ் மாவட்டம், மண்டலம் மற்றும் மாநில அளவில் நடைபெறுகிறது. என பெரம்பலூர் மாவட்ட ஆட்சியர் கிரேஸ் பச்சாவ் தெரிவித்துள்ளார். மேலும் தகவலுக்கு 7401703516, 9514000777 என்ற எண்ணை அழைக்கலாம் என்று ஆட்சியரகம் அறிவித்துள்ளது.
News August 20, 2024
பெரம்பலூர் மாவட்டத்தில் முழு மழை நிலவரம்
பெரம்பலூர் மாவட்டத்தில் கடந்த 2 நாட்களாக பலத்த மழை பெய்தது. நேற்று முன்தினம் முதல் நேற்று காலை வரை பெரம்பலூர்-18 மி.மீ., கிருஷ்ணாபுரம்-8 மி.மீ., வி.களத்தூர்-15 மி.மீ., தழுதாழை-99 மி.மீ., வேப்பந்தட்டை-58 மி.மீ., புதுவேட்டக்குடி-5, பாடாலூர்-35 மி.மீ., செட்டிகுளம்-3 மி.மீ. ஆகிய பகுதிகளில் மழை பதிவாகி உள்ளது.
News August 20, 2024
அரசு தொழில் பயிற்சி நிலையங்களில் ஐடிஐ மாணவர் சேர்க்கை நடக்கிறது
பெரம்பலூர் அரசு தொழில் பயிற்சி நிலையங்களில் மாணவ – மாணவிகளுக்கான நேரடி சேர்க்கை நடைபெறுகிறது. பயிற்சியில் சேர விரும்புவோர் தங்கள் அசல் தகுதி சான்றிதழ் உடன் நேரில் வரவும். ஏற்கனவே பயிற்சியாளர்கள் சேர்க்கை நடைபெற்றதில் மீதமுள்ள காலியிடங்களுக்கு மட்டும் நேரடி தேர்வு நடைபெறுகிறது. காலியிடங்கள் மிக குறைவாக உள்ளதால் முதலில் வருபவர்களுக்கு முன்னுரிமை அளிக்கப்படும் என மாவட்ட ஆட்சியர் தெரிவித்துள்ளார்.
News August 20, 2024
பெரம்பலூர் மாவட்ட ஆட்சியர் அறிவிப்பு
பெரம்பலூர் மாவட்டத்தில் இந்திய தேர்தல் ஆணைய அறிவுரையின்படி 01.01.2025 என்ற நாளை தகுதி நாளாகக் கொண்டு வாக்காளர் பட்டியலில் பெயர் சேர்த்தல், நீக்குதல் மற்றும் திருத்தம் செய்தல் தொடர்பாக சிறப்பு திருத்தப்பணிகள் 20.08.2024 முதல் துவங்கப்பட்டு, தொடர் நடவடிக்கைகள் எடுக்கப்பட உள்ளது என கலெக்டர் இன்று தகவல் தெரிவித்துள்ளார்.
News August 20, 2024
பெரம்பலூர் மாவட்ட எஸ்பி தலைமையில் கலந்தாய்வுக் கூட்டம்
பெரம்பலூர் மாவட்ட எஸ்பி தலைமையில் மாவட்ட காவல் அலுவலகத்தில் மாதாந்திர குற்ற கலந்தாய்வு கூட்டம் இன்று நடைபெற்றது. கூட்டத்தில் மாவட்ட எஸ்பி மாவட்டத்தில் பதிவு செய்யப்பட்ட குற்ற வழக்குகள் குறித்தும், புலன் விசாரணை முடியாமல் நிலுவையில் உள்ள வழக்குகளை விரைவாக முடிக்கவும் மேற்கொள்ள வேண்டிய நடவடிக்கைகள் குறித்தும் விவாதிக்கப்பட்டது.
Featured News
Sorry, no posts matched your criteria.