India's largestHyperlocal short
news App
Get daily news updates that are tailored for you based on your preferred language & location.
download Way2News app now
Perambalur
News November 16, 2024
ஆலத்தூர் அருகே விபத்து: 20 பேர் படுகாயம்
பண்ருட்டியைச் சேர்ந்த 25 பேர் திருச்செந்தூர் நோக்கி வேனில் பயணம் செய்துள்ளனர். இன்று அதிகாலை 4:30 மணியளவில் பெரம்பலூரை அடுத்த ஆலத்தூர் என்ற இடத்தில் வேன் முன் சென்ற லாரி மீது எதிர்பாரத விதமாக மோதியதில் சுமார் 20க்கும் மேற்பட்டோர் காயமடைந்தனர். இதில் 5 பேர் பெரம்பலூர் அரசு மருத்துவமனையில் சிகிச்சைக்காக அனுமதிக்கப்பட்டுள்ளனர். விபத்துக் குறித்து பாடாலூர் போலீசார் விசாரணை செய்து வருகின்றனர்.
News November 16, 2024
நலத்திட்ட உதவிகளை வழங்கிய முதல்வர்
அரியலூரில் நடைபெற்ற அரசு விழாவில், தமிழ்நாடு முதலமைச்சர் மு.க.ஸ்டாலின், பெரம்பலூர் மாவட்டத்தில் ரூ.70.69 கோடி செலவில் 456 முடிவுற்ற பணிகளை நேற்று திறந்து வைத்து, ரூ.80.60 கோடி மதிப்பீட்டில் 27 புதிய திட்டப் பணிகளுக்கு அடிக்கல் நாட்டியும், ரூ.103.22 கோடி மதிப்பீட்டில் 11,721 பயனாளிகளுக்கு அரசு நலத்திட்ட உதவிகளையும் வழங்கினார். இதுகுறித்த உங்களின் கருத்துக்களை பதிவிடவும்.
News November 15, 2024
பெரம்பலுருக்கான திட்டங்கள் – முதலமைச்சர் அறிவிப்பு
முதல்வராக பொறுப்பேற்ற பின் மகளிருக்கான கட்டணமில்லா திட்டத்திற்கு தான் முதல் கையெழுத்திட்டேன். பெரம்பலூரில் 456 முடிவுற்ற பணிகளை திறந்து வைத்துள்ளேன். 27 பணிகளுக்கு அடிக்கல் நாட்டி உள்ளேன். பெரம்பலூர் மாவட்டம் மருதையாற்றின் குறுக்கே ரூ.24 கோடியில் பாலம் அமைக்கப்படும். அரசு மாதிரி பள்ளிகளுக்கு ரூ.56 கோடியில் புதிய வகுப்பறை விடுதி கட்டடம் அமைக்கப்படும் என முதலமைச்சர் தெரிவித்தார்.
News November 15, 2024
குன்னம் அருகே 10க்கும் மேற்பட்டோர் காயம்
குன்னம் வட்டம், கல்லமபுதூர் கிராமத்தில் 100 நாள் வேலை திட்டத்தில் இன்று நூற்றுக்கும் மேற்பட்டோர் வேலை செய்து கொண்டு இருந்தனர். அப்போது புளிய மரத்தில் இருந்த கதண்டு வண்டுகள் கடித்து 10க்கும் மேற்பட்டோர் காயம் அடைந்தனர். காயமடைந்தவர்கள் குன்னம் அரசு ஆரம்ப சுகாதார நிலையம் மற்றும் பெரம்பலூர் அரசு தலைமை மருத்துவமனைகளில் சிகிச்சை பெற்று வருகின்றனர்.
News November 15, 2024
மதுபான கடையில் தகராறு செய்தவர் கைது
ஆலத்தூர் வட்டம் காரை கிராமத்தைச் சேர்ந்த பிரபாகரன் என்பவர் காரை கிராமத்தில் உள்ள மதுபான கடையில் தகராறு செய்துள்ளார். இது தொடர்பாக மதுபான கடையில் பணியாளர்கள் பாடலூர் போலீஸ் காவல் நிலையத்தில் புகார் அளித்தனர். புகாரின் பேரில் பிரபாகரனை காவல்துறையினர் கைது செய்து, வழக்கு பதிவு செய்து குற்றவியல் நீதிமன்றத்தில் ஆஜர்படுத்தி சிறையில் அடைத்தனர்.
News November 15, 2024
பெரம்பலூர் மாவட்ட மாணவர்களுக்கு மாதம் ரூ.1000
பெரம்பலூர் மாவட்டத்தில் ஒன்பதாம் வகுப்பு படிக்கும் மாணவர்களுக்கு வரும் டிசம்பர் 14 ஆம் தேதி ஊரக திறனறித் தேர்வு நடைபெறுகிறது. இதற்கு நவம்பர் 20 ஆம் தேதிக்குள் அந்தந்தப் பள்ளித் தலைமை ஆசிரியர் மூலம் விண்ணப்பிக்கலாம். இதற்கு பெற்றோர்களின் ஆண்டு வருமானம் ஒரு லட்சம் இருக்க வேண்டும். வெற்றி பெறும் மாணவர்களுக்கு மாதம் ரூபாய் 1000 வழங்கப்படும், மாணவர்களே வாய்ப்பைப் பயன்படுத்திக் கொள்ளுங்கள்.
News November 14, 2024
பெரம்பலூர் மாவட்ட ஆட்சியர் அறிவிப்பு
பெரம்பலூர் மாவட்டத்தை சார்ந்த மாற்றுத் திறனாளிகளுக்கான சிறப்பு குறைதீர்க்கும் நாள் கூட்டம் 19.11.2024 அன்று மாலை 4:00 மணிக்கு மாவட்ட ஆட்சியர் அலுவலகத்தில் உள்ள மக்கள் குறைதீர்க்கும் நாள் கூட்டரங்கில் நடைபெற உள்ளது. கூட்டத்தில் மாவட்டத்தில் உள்ள மாற்றுத்திறனாளிகள் தங்களது தேவைகளை கோரிக்கை மனுவாக வழங்கி பயன்பெறுமாறு கலெக்டர் இன்று தகவல் தெரிவித்துள்ளார்.
News November 14, 2024
11,721 நபர்களுக்கு நலத்திட்ட உதவிகள்
பெரம்பலூர் மாவட்டத்தில் அரசின் பல்வேறு துறைகளின் சார்பில் 11,721 பயனாளிகளுக்கு நலத்திட்ட உதவிகளை வழங்கி முதலமைச்சர் விழாப் பேரூரை ஆற்றவுள்ளார்கள். இந்நிகழ்வில் அமைச்சர்கள், நாடாளுமன்ற உறுப்பினர்கள், சட்டமன்ற உறுப்பினர்கள், அரசு அலுவலர்கள், கட்சி பிரதிநிதிகள் என பலர் கலந்து கொள்ள உள்ளதாக பெரம்பலூர் ஆட்சியர் தெரிவித்துள்ளார்.
News November 14, 2024
11,721 நபர்களுக்கு நலத்திட்ட உதவிகளை வழங்க உள்ள முதல்வர்
பெரம்பலூர் மாவட்டத்தில் அரசின் பல்வேறு துறைகளின் சார்பில் 11,721 பயனாளிகளுக்கு நலத்திட்ட உதவிகளை வழங்கி முதலமைச்சர் விழாப் பேரூரை ஆற்றவுள்ளார்கள். இந்நிகழ்வில் அமைச்சர்கள், நாடாளுமன்ற உறுப்பினர்கள், சட்டமன்ற உறுப்பினர்கள், அரசு அலுவலர்கள், கட்சி பிரதிநிதிகள், பொதுமக்கள் என பலர் கலந்து கொள்ள உள்ளதாக பெரம்பலூர் மாவட்ட ஆட்சியர் கிரேஸ் பச்சாவ் தெரிவித்துள்ளார்.
News November 14, 2024
எந்திரத்தில் சிக்கி சூப்பர்வைசர் பலி
திருச்சி, பொன்மலை பகுதியை சேர்ந்த ஹரிஹரன் (27) இவர் பெரம்பலூர் மாவட்டம் திருவளக்குறிச்சியில் தனியாருக்கு சொந்தமான கிரசரில் சூப்பர்வைசராக வேலை செய்து வந்தார். அப்போது கிரஷர் உற்பத்தி செய்த ஜல்லி கற்கள் லாரிகளில் ஏற்றுவதற்காக லோடர் எந்திரத்தில் இருந்து ஜல்லிக்கற்கள் லாரிகளில் ஏற்றப்பட்டு கொண்டிருந்தன. இதில் தடுமாறிய ஹரிஹரன் லோடர் எந்திரத்தின் மீது விழுந்து, சம்பவ இடத்திலேயே உயிரிழந்தார்.
Featured News
Sorry, no posts matched your criteria.