India's largestHyperlocal short
news App
Get daily news updates that are tailored for you based on your preferred language & location.
வேலூர் மாவட்டத்தில் இன்று (மே 12 ) 104.4°F வெயில் பதிவானது. மேலும் வெயிலுடன் அனல் காற்றும் வீசுவதால் பொதுமக்கள் கடும் அவதியடைந்து வருகின்றனர். பொதுமக்கள் வெயில் தாக்கத்தில் இருந்து தப்பிக்க வெளியில் செல்லும் போது குடை, தண்ணீர் கொண்டு செல்ல மாவட்ட நிர்வாகம் அறிவுறுத்தியுள்ளனர். நேற்று 99.7°F வெயில் பதிவான நிலையில் மீண்டும் 100°F மேல் வெளியில் கொளுத்தி வருகிறது.
நெல்லை கிழக்கு மாவட்ட காங்கிரஸ் தலைவர் KPKஜெயக்குமார் கடந்த 2-ம் தேதி தோப்பு விளைக்கு செல்வதற்காக இரவு 7.30 மணிக்கு புறப்பட்டு 43 கிலோ மீட்டர் சுற்றி வந்துள்ளார். தனது வீட்டில் இருந்து கரைசுத்து புதூர் வழியாக தோப்பு விளைக்கு செல்வதற்கு வெறும் 15 கிலோ மீட்டர் தூரம் தான். ஆனால் 43 கிலோ மீட்டர் சுற்றி சென்று தோப்பு விளையை அடைந்துள்ளது போலீசாருக்கு சந்தேகத்தை ஏற்படுத்தியுள்ளது.
அரசு கள்ளர் பள்ளி பாதுகாப்பு கூட்டுக் குழு நடவடிக்கைகளின் இணைப்பு கூட்டம் வத்தலக்குண்டு அருகே உள்ள விருவீட்டில் நடைபெற்றது. இந்த கூட்டத்திற்கு தலைவர் சின்ன பாண்டி தலைமை வகித்தார். மதுரை திண்டுக்கல் தேனி ஆகிய மாவட்டத்தில் 299 அரசு கள்ளர் சீரமைப்பு பள்ளிகள் இணைப்பை எதிர்த்து வருகின்ற ஜூன் 6ஆம் தேதி வகுப்பு புறக்கணிப்பு போராட்டம் நடத்த தீர்மானம் நிறைவேற்றப்பட்டது.
பழனி அருகே உள்ள வரதமா நதி அணைக்கட்டில் கட்டப்பட்டுள்ள நீர் தேக்கத்தில் மான் ஒன்று தண்ணீர் குடிக்க வந்த நிலையில் , அதற்குள் விழுந்தது. பல நேரமாக போராடிய மான் அந்த நீர் தேக்கத்தின் ஓரத்திற்கு சென்றது .
மேலும் வனத்துறையினருக்கு உடனடியாக அங்கு இருந்தவர்கள் தகவல் தெரிவித்தனர். தண்ணீரில் விழுந்த மான் மீட்கப்பட்டது.
திருப்பூர் மாவட்டம் பல்லடம் அம்மன் நகர் பகுதியில் சேர்ந்த தனியார் பள்ளி மாணவி மகாலட்சுமி பன்னிரண்டாம் வகுப்பு பொதுத்தேர்வில் 598 மதிப்பெண் பெற்ற மாநில அளவில் முதலிடம் பெற்றார். அவரை திருப்பூர் தெற்கு தொகுதி சட்டமன்ற உறுப்பினர் செல்வராஜ் இன்று நேரில் சந்தித்து வாழ்த்து தெரிவித்ததோடு மாணவியின் கல்விக்கான ஊக்கத்தொகையும் வழங்கினார்.
திருத்தணியில் கமலா திரையரங்கம் அருகில் இன்று அதிமுக கழகப் பொதுச்செயலாளர் மற்றும் தமிழ்நாடு சட்டமன்ற எதிர்கட்சித் தலைவர், எடப்பாடி பழனிச்சாமி அவர்களின் 70ஆவது பிறந்த நாளையொட்டி பொதுமக்களுக்கு இனிப்புகளை வழங்கினார் முன்னாள் எம்பி ஹரி அவர்கள். இந்த நிகழ்வில் அதிமுக கட்சி நிர்வாகிகள் பலர் கலந்துகொண்டனர்.
ஜோலார்பேட்டை அருகே பொன்னேரி கிராமத்தில் அமைந்துள்ள வேடியப்பன் கோயில் திருவிழா மே 22ஆம் தேதி முதல் 25ஆம் தேதி வரை நடைபெறவுள்ளது. இதனையொட்டி இன்று வேடியப்பன் கோயில் ஆலயத்தில் கொடியேற்றத்துடன் கோயில் திருவிழா தொடங்கியது. இவ்விழாவில் பொன்னேரி மற்றும் அதனைச் சுற்றியுள்ள பல்வேறு பகுதிகளில் இருந்து ஏராளமான பொதுமக்கள் கலந்து கொண்டு சாமி தரிசனம் செய்தனர்.
‘ஜீவிதா நௌகா ‘ என்ற மலையாள படத்தின் மூலம் அறிமுகமானவர் நடிகை பேபி கிரிஜா. இதையடுத்து ‘அச்சன்’, ‘விஷப் பிண்டே விலி’, ‘பிரேமலோகா ‘, ‘அவன் வரன்னு ‘, ‘புத்திர தர்மம்’ போன்ற பல படங்களில் நடித்து பிரபலமானார். இவர், திருமணத்திற்கு பிறகு சினிமாவை விட்டு விலகி சென்னையில் உள்ள ஒரு வங்கியில் பணிபுரிந்து வந்தார். பழம்பெரும் நடிகையான கிரிஜா (82) சென்னை அண்ணா நகரில் உள்ள
அவரது இல்லத்தில் நேற்று காலமானார்.
விருதுநகர், சிவகாசி சுற்றுவட்டாரப் பகுதிகளில் சமீப நாட்களாக பட்டாசு ஆலைகளில் வெடி விபத்து ஏற்பட்டு தொழிலாளர்கள் உயிரிழக்கும் நிலை ஏற்பட்டுள்ளது. இந்நிலையில் வெடி விபத்துக்களை தடுக்கும் வகையில் விதிமீறல்களை கண்டறிய மாவட்ட ஆட்சியர் 4 சிறப்பு குழுக்களை நியமித்து அக்குழுவினர் நாளை முதல் தீவிர ஆய்வில் ஈடுபட உள்ளனர். விதிமீறல் கண்டறியப்பட்டால் உடனே ஆலை நிர்வாகம் மீது இக்குழு நடவடிக்கை எடுக்கும்.
கரூர், புலியூர் செட்டிபாளையத்தை சேர்ந்தவர் முத்தமிழ்செல்வன் (54). இவர் நேற்று முன்தினம் தனது பைக்கில் வீரராக்கியம் சாலையில் சென்று கொண்டிருந்தார். அப்போது எதிரே அதிவேகமாக வந்த கார் மோதியதில் முத்தமிழ் செல்வன் படுகாயம் அடைந்தார். கரூர் தனியார் மருத்துவமனையில் சிகிச்சை பெற்று வருகின்றார். இது குறித்து மாயனூர் போலீசார் நேற்று வழக்குப்பதிந்து விசாரணை.
Sorry, no posts matched your criteria.