India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News March 27, 2024
புதுவை அருகே காவல்நிலையம் முற்றுகை
உருளையன்பேட்டை சேர்ந்த அய்யூப் பெரியமார்க்கெட்டில் மளிகை கடை நடத்தி வந்தார். இந்த கடையை அபகரிக்க திட்டமிட்டு ஒரு கும்பல் மிரட்டியதால் அவர் மனமுடைந்து தற்கொலை செய்து கொண்டதாக தெரிகிறது. இதையடுத்து நில அபகரிப்பு கும்பல் மீது பெரியகடை போலீசார் வழக்குப்பதிவு செய்யவில்லை என அத்தொகுதி எம்எல்ஏ நேரு, பொது நல அமைப்பினருடன் இணைந்து இன்று திடீரென பெரியகடை காவல் நிலையத்தை முற்றுகையிட்டு போராட்டம் நடத்தினர்.
News March 27, 2024
கள்ளக்குறிச்சியில் 37 பேர் வேட்புமனு தாக்கல்
தமிழகத்தில் மக்களவைத் தேர்தல் ஏப்ரல் 19ஆம் தேதி நடைபெற உள்ளது. கள்ளக்குறிச்சி நாடாளுமன்ற தொகுதியில் வேட்பு மனு தாக்கல் இறுதி நாளான இன்று பாமக உட்பட 24 பேர் வேட்புமனு தாக்கல் செய்தனர். ஏற்கனவே 13 பேர் மனு தாக்கல் செய்யப்பட்ட நிலையில் மொத்தம் 37 பேர் வேட்புமனு தாக்கல் செய்துள்ளனர் என்பது குறிப்பிடத்தக்கது.
News March 27, 2024
மன்னார்குடி: ரூ.60,487 கல்வி உதவித்தொகை வழங்கல்
மன்னார்குடி பின்லே பள்ளியில் பயின்ற குமட்டித்திடல் சந்தானம் மத்திய இணை ரயில்வேத்துறை அமைச்சராக செயல்பட்டவர். அன்னாரின் நினைவாக அவரது குடும்பத்தார் பின்லே பள்ளியில் பன்னிரண்டாம் வகுப்பில் முதல் மதிப்பெண் பெறும் மாணவனுக்கு கல்வி உதவித் தொகை ஒவ்வொரு ஆண்டும் வழங்கி வருகின்றனர்.
அவ்வாறே இந்த ஆண்டு ஆதித்யா என்னும் மாணவனுக்கு 60,487 ரூபாய் அவர்கள் குடும்பத்தார் சார்பாக இன்று வழங்கப்பட்டது.
News March 27, 2024
மதுரையில் போக்குவரத்து மாற்றம்
திருப்பரங்குன்றம் சுப்ரமணிய சுவாமி கோவில் திருக்கல்யாணம் மற்றும் தேரோட்ட திருவிழாவை முன்னிட்டு மார்ச் 28, 29 ஆகிய 2 நாட்கள் போக்குவரத்து மாற்றம் செய்து மாநகர காவல்துறை நடவடிக்கை எடுத்துள்ளது. அதன்படி திருநகரிலிருந்து மதுரை நகருக்குள் வரும் வாகனங்கள், கிரிவல பாதை மற்றும் தி.குன்றம் மேம்பாலத்தில் செல்வதற்கு அனுமதி இல்லை எனவும் வாகனங்கள் அனைத்தும் GST சாலை வழியாக செல்ல அறிவுறுத்தப்பட்டுள்ளது.
News March 27, 2024
கோவை வேட்பாளர் அண்ணாமலை சொத்து விபரம்
கோவையில் திமுக-அதிமுக-பாஜக ஆகிய கட்சிகள் நேரடியாக மோதுகின்றன. இதனால் கோவை மிகவும் பரபரப்பான தொகுதியான உருவெடுத்துள்ளது. இந்நிலையில் பாஜக மாநில தலைவரும் கோவை மக்களவைத் தொகுதி வேட்பாளருமான அண்ணாமலையின் சொத்து விவரம் வெளியாகியுள்ளது. அதன்படி, அவர் அசையும் சொத்து 36 லட்சம், அசையா சொத்து ரூ.1.12 கோடி, அவரது மனைவி பெயரில் அசையும் சொத்து ரூ.2 கோடி, அசையா சொத்து 53 லட்சம் இருப்பதாக தகவல் வெளியாகியுள்ளது.
News March 27, 2024
கடலூர் அருகே கணவர் தூக்கிட்டு தற்கொலை
பண்ருட்டி அருகே உள்ள புலவன்குப்பம் ராஜாபாளையம் மெயின் ரோட்டில் வசித்து வந்த வேலு மனைவி சுகுணா தம்பதியினர் ஆவர். இருவருக்கும் இடையே குடும்ப தகராறு ஏற்பட்டதால் மனமுடைந்த வேலு தனக்கு சொந்தமான வயலில் உள்ள ஒரு மரத்தில் தூக்குப் போட்டு தற்கொலை செய்து கொண்டார். இது குறித்த புகாரின் பேரில் பண்ருட்டி காவல் துறையினர் வழக்கு பதிவு செய்து விசாரணை நடத்தி வருகின்றனர்.
News March 27, 2024
திருச்சி வேட்பு மனு தாக்கல் அறை மூடல்
திருச்சி நாடாளுமன்ற தொகுதிக்கான வேட்பு மனு தாக்கல் செய்வதற்கு இன்று இறுதி நாளாக அறிவிக்கப்பட்டது. இதையொட்டி அதிமுக, அமமுக,மதிமுக, நாம் தமிழர் கட்சி, மற்றும் சுயேச்சை வேட்பாளர்கள் உள்ளிட்ட பல்வேறு வேட்பாளர்கள் இன்று 3 மணி வரை வேட்பு மனு தாக்கல் செய்தனர். மேலும் இதற்கான நேரம் முடிந்த நிலையில் திருச்சிராப்பள்ளி கலெக்டர் அலுவலகத்தில் உள்ள வேட்பு மனு தாக்கல் செய்யும் அறை மூடப்பட்டது.
News March 27, 2024
விளவங்கோடு பாஜக வேட்பாளர் வேட்பு மனு தாக்கல்
குமரி மாவட்டம் விளவங்கோடு சட்டமன்ற இடைத்தேர்தலில் காங்கிரஸ் அதிமுக பாஜக நாம் தமிழர் உள்ளிட்ட பிரதான கட்சிகள் பெண் வேட்பாளர்களை அறிவித்துள்ளனர். இந்த வகையில் விளவங்கோடு சட்டமன்ற பாரதிய ஜனதா கட்சியின் வேட்பாளர் வி எஸ் நந்தினி விளவங்கோடு தேர்தல் பொறுப்பாளரிடம் இன்று வேட்புமனு தாக்கல் செய்தார். இந்த நிகழ்ச்சியில் பாஜக நிர்வாகிகள் மற்றும் உறுப்பினர்கள் திரளாக கலந்து கொண்டனர்.
News March 27, 2024
தூத்துக்குடி: கனிமொழி சொத்து மதிப்பு எவ்வளவு?
தூத்துக்குடி எம்பி வேட்பாளர் கனிமொழி தனது வேட்பு மனுவுடன் தாக்கல் செய்த பிரமாண பத்திரத்தில் தனக்கு ரூ.1 கோடியே 37 லட்சத்து 16 ஆயிரத்து 290 மதிப்பிலான 3 கார்கள் வைத்திருப்பதாக தெரிவித்துள்ளார். மேலும் 704 கிராம் தங்கம், 13.03 காரட் வைரம் உள்ளிட்டவைகள் வைத்திருப்பதாகவும் குறிப்பிட்டுள்ளார். அந்த நகைகளின் மதிப்பு ரூ.55 லட்சத்து 37 ஆயிரத்து 455 ஆகும்.
News March 27, 2024
திருப்பத்தூர்: அதிமுகவுக்கு மிகப்பெரிய இழப்பு
நாட்றம்பள்ளி ஒன்றியத்திற்குட்பட்ட கத்தாரி ஊராட்சியைச் சேர்ந்த மாவட்ட அதிமுக அம்மா பேரவை செயலாளராக இருந்து வந்த கே ஜி ரமேஷ் என்பவர் இன்று திடீரென பாரதிய ஜனதா கட்சியில் தன்னை இணைத்துக் கொண்ட சம்பவம் மாவட்டத்தில் அதிமுகவினரிடையே பரபரப்பை ஏற்படுத்தி உள்ளது. அதிமுகவுக்கு மாவட்டத்தில் தீயாக வேலை செய்த முக்கிய புள்ளிகளில் இவரும் ஒருவர்.
Featured News
Sorry, no posts matched your criteria.