News January 14, 2026

வேலூரில் யானை தந்தங்கள் விற்பனை!

பேரணாம்பட்டு சேராங்கல் கிராம வனப்பகுதியில் யானையின் தந்தங்களை மறைத்து வைத்து ஒரு கும்பல் விற்கமுயன்று வருவது தெரிய வந்ததது. இதுகுறித்து தகவலறிந்த வனத்துறையினர் அப்பகுதியில் ரோந்து சென்றனர். அப்போது யானை தந்தங்களை விற்க முயன்ற மணி (22), சின்னதம்பி (24), ஆறுச்சாமி (21) ஆகிய 3 பேரை கைது செய்தனர். மேலும் யானை தந்தங்களை பறிமுதல் செய்தனர். மேலும் யானை தந்தம் எப்படி என விசாரித்து வருகின்றனர்.

News January 14, 2026

தருமபுரியில் லாரி கவிழ்ந்து விபத்து!

நல்லம்பள்ளி ஒன்றியத்துக்குட்பட்ட தொப்பூர் கணவாய் பகுதியில் இன்று (ஜன.14) விடியற்காலை 5 மணியளவில் சேலம் நோக்கி கனரக வாகனம் சென்று கொண்டிருந்தது. அப்போது வாகனம் கட்டுபாட்டை இழந்து சாலையில் கவிழ்ந்து விபத்துக்குள்ளானது. நல்வாய்ப்பாக ஓட்டுனர் சிறு காயங்களுடன் உயிர் தப்பினார். இந்த விபத்தால் அப்பகுதியில் சுமார் 1 மணி நேரம் போக்குவரத்து பாதிப்பு ஏற்பட்டது.

News January 14, 2026

மயிலாடுதுறை: வேதனையின் உச்சத்தில் விவசாயிகள்

வங்கக் கடலில் நிலவிய ஆழ்ந்த காற்றழுத்த தாழ்வு பகுதி காரணமாக மயிலாடுதுறை உள்ளிட்ட டெல்டா மாவட்டங்களில் கடந்த சில நாட்காக மழை வெளுத்து வாங்கியது. இந்நிலையில் பருவம் தவறி பெய்த மழையின் காரணமாக மயிலாடுதுறை மாவட்டத்தில் பல்வேறு பகுதிகளில் ஓரிரு வாரங்களில் அறுவடைக்கு தயாராக இருந்த நெற்பயிர்கள் முழுவதுமாக சாய்ந்து சேதமடைந்தன. இதனால் விவசாயிகள் வேதனையின் உச்சத்தில் உள்ளனர்.

News January 14, 2026

குமரியில் புற்றுநோய் கண்டறிதல் முகாம் – அமைச்சர்

”புற்றுநோய் இல்லா குமரி மாவட்டம்” என்னும் இலக்கிற்காக முதற்கட்ட களப்பணிகள் பத்மநாபபுரம் தொகுதிக்குட்பட்ட காட்டாத்துறை ஊராட்சியில் ஆரம்பிக்கப்பட்டுள்ளது. இதையடுத்து மாவட்டத்தில் முதல் புற்றுநோய் கண்டறிதல் மருத்துவ முகாம் காட்டாத்துறை அரசு உயர்நிலைப்பள்ளி வளாகத்தில் ஜன.16, 17 ஆகிய தேதிகளில் நடைபெற உள்ளது. எனவே, இதை மக்கள் பயன்படுத்திக் கொள்ள வேண்டும் என அமைச்சர் மனோ தங்கராஜ் தெரிவித்துள்ளார்.

News January 14, 2026

அரியலூர்: இருதரப்பு மோதல்-6 பேர் மீது வழக்கு!

விக்கிரமங்கலம், சாத்தம்பாடி கிராமத்தைச் சேர்ந்தவர்கள் வனிதா (46) மற்றும் நாகவள்ளி (57). இவர்களின் குடும்பத்தினருக்கு இடையே இடப் பிரச்சினை இருந்து வந்ததாக கூறப்படுகிறது. இந்நிலையில் இருவருக்கும் இடையே வாய் தகராறு ஏற்பட்டு, இவர்களின் குடும்பத்தினரும் ஒருவரை ஒருவர் தாக்கிக் கொண்டுள்ளனர். இந்நிலையில், விக்கிரமங்கலம் போலீசார் இருதரப்பை சேர்ந்த 6 பேர் மீது வழக்குப்பதிவு செய்து விசாரித்து வருகின்றனர்.

News January 14, 2026

நாமக்கல்லில் அதிரடி மாற்றம்! முழு விபரம்

நாமக்கல்லில் 7 காவல் ஆய்வாளர்களை பணியிட மாற்றம்
அதன்படி: 1. க.கபிலன் நாமக்கல் டூ தம்மம்பட்டி

2. இளவரசன் பர்கூர் டூ நாமக்கல்

3.ஆர்.புவனேஸ்வரி புதுச்சத்திரம் டூ ஓமலூர்

4. எஸ்.சிவக்குமார் பரமத்திவேலூர் டூ நாமகிரிப்பேட்டை

மேலும், நாமக்கல் அனைத்து மகளிர் காவல் ஆய்வாளர் பி.வேதப்பிறவி, சேந்தமங்கலம் ஆய்வாளர் கே.கோவிந்தராஜன், மதுவிலக்கு பிரிவு ஆய்வாளர் கே.சங்கரபாண்டியன் ஆகியோரும் பணியிட மாற்றம்.

News January 14, 2026

செங்கை: தொழிலாளி துடிதுடித்து பலி!

ஈச்சங்காட்டில் மேற்கு வங்கத்தை சேர்ந்த அமைமச்ஹி (35) கட்டிட தொழிலாளி. அந்த பகுதியிலேயே தங்கி வேலை பார்த்து வருகிறார். தனக்கு சொந்தமான டூவீலரில் ஈச்சங்காட்டிலிருந்து காயார் நோக்கி சென்ற போது நிலைத்தடுமாறி சாலையோர சுவரில் மோதி படுகாயமடைந்தார். அருகிலிருந்தவர்கள் அவரை மீட்டு செங்கல்பட்டு அரசு மருத்துவமனைக்கு அனுப்பி வைத்தனர். அங்கு பரிசோதித்த மருத்துவர்கள் அவர் இறந்துவிட்டதாக தெரிவித்தனர்.

News January 14, 2026

திருப்பத்தூர்: மது போதையில் வாலிபர்கள் அட்டூழியம்!

தேவலாபுரம் அடுத்த ஸ்டார் சிட்டி பகுதியில் நேற்று முன்தினம் (ஜன.12) இரவு அஸ்ரத் (22), அம்பேத்கர் நகரை சேர்ந்த நாகப்பன் (21), எல்.மாங்குப்பத்தை சேர்ந்த நிதிஷ் (20) ஆகியோர் மது அருந்தி கொண்டிருந்தனர். அப்போது ஏற்பட்ட தகராறில் அஸ்ரத்தாய் மற்ற இருவரும் சரமாரியாக தாக்கியுள்ளனர். இது குறித்து உமராபாத் போலீசார் வழக்கு பதிவு செய்து இருவரையும் கைது செய்தனர்.

News January 14, 2026

திருவாரூர்: சுடுகாட்டில் சடலமாக கிடந்த முதியவர்

கோட்டூர் அருகே மழைவராயநல்லூர் கிராமத்தில் உள்ள சுடுகாட்டில் 75 வயது மதிக்கத்தக்க முதியவர் ஒருவர் நேற்று சடலமாக கிடந்தார். இதை பார்த்த அந்த வழயாக சென்ற பொதுமக்கள் கோட்டூர் காவல் நிலையத்துக்கு தகவல் தெரிவித்தனர். அதன்பேரில் போலீசார் அங்கு சென்று உடலை கைப்பற்றி, இதுகுறித்து வழக்கு பதிந்து சடலமாக கிடந்த முதியவர் யார்? எந்த ஊரை சேர்ந்தவர்? எப்படி இறந்தார்? என்பது பற்றி விசாரித்து வருகின்றனர்.

News January 14, 2026

கிருஷ்ணகிரியில் தொழிலாளி துடிதுடித்து பலி!

ஓசூர் அடுத்த ஜூஜூவாடியை சேர்ந்த சுமை தூக்கும் தொழிலாளி சீனிவாசன் (47). இவர் கடந்த 11-ந் தேதி மோட்டார் சைக்கிளில் பெங்களூரு-ஓசூர் சாலையில் சேற்று கொண்டிருந்தார். அப்போது ஜூஜூவாடி அருகே அவ்வழியாக சென்ற கன்டெய்னர் லாரி மோட்டார் சைக்கிள் மீது மோதி விபத்துக்குளானது. இதில் சீனிவாசன் சம்பவ இடத்திலேயே பரிதாபமாக இறந்தார். இது குறித்து ஒசூர் சிப்காட் போலீசார் விசாரணை நடத்தி வருகின்றனர்.