India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 18, 2026
நீலகிரி மாவட்டத்திற்கு எச்சரிக்கை
நீலகிரி மாவட்ட மலைப்பகுதிகளில் ஓரிரு இடங்களில் ஞாயிற்றுக்கிழமை (ஜன.18) இரவு அல்லது திங்கள்கிழமை(ஜன.19) உறைபனி நிலவ வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. நீலகிரி மாவட்டத்தின் ஓரிரு இடங்களில் இரவு அல்லது அதிகாலை வேளையில் உறைபனி ஏற்பட வாய்ப்புள்ளது என்று வானிலை மையம் தெரிவித்துள்ளது.
News January 18, 2026
ஈரோட்டில் CM இன்று திறந்து வைக்கிறாா்
ஈரோடு மாவட்டம் சென்னிமலை ஒன்றியம் வெள்ளோடு அருகே அமைக்கப்பட்டுள்ள காலிங்கராயரின் முழு உருவ வெண்கலச் சிலை மற்றும் அதன் கீழ் இயங்கும் நூலகத்தை, முதல்வர் மு.க.ஸ்டாலின் இன்று (ஞாயிற்றுக்கிழமை) காலை 9 மணியளவில் காணொலி காட்சி வாயிலாகத் திறந்து வைக்கிறார். இந்த நூலகத்தில் காலிங்கராயர் வரலாறு மற்றும் போட்டித் தேர்வுகளுக்கான புத்தகங்கள் இடம்பெற்றுள்ளன என்பது குறிப்பிடத்தக்கது.
News January 18, 2026
சென்னை: துப்பாக்கி முனையில் ரவுடி கைது!
சென்னை சூளையை சோ்ந்தவா் ரெளடி கனகு. இவா் மீது கொலை உட்பட பல்வேறு வழக்குகள் நிலுவையில் உள்ளன. இவரை நீண்ட காலமாக போலீஸ் தேடி வந்த நிலையில், இவர் தனது நண்பா்களுடன் குற்றாலத்துக்கு சுற்றுலா சென்றிருப்பதாக, தகவல் கிடைத்தது. இதையடுத்து குற்றாலம் சென்ற தனிப்படை போலீஸாா், கனகராஜ், காா்த்திக், சாபின், பிரகாஷ் ஆகிய 4 பேரையும் துப்பாக்கி முனையில் நேற்று கைது செய்தனா். இவர்களை சென்னைக்கு அழைத்து வந்தனா்.
News January 18, 2026
புதுச்சேரி: பாரில் மயங்கி விழுந்து பலி
கடலூர், கோண்டூரை சேர்ந்தவர் வழக்கறிஞர் கணேஷ்பாபு(54). இவருக்கு மது குடிக்கும் பழக்கம் உள்ளதால் சம்பவத்தன்று, முள்ளோடையிலுள்ள பாரில் மது குடிக்க வந்துள்ளார். அப்போது மயங்கி கீழே விழுந்தவரை அருகிலிருந்தவர்கள் மீட்டு மருத்துவமனைக்கு கொண்டு சென்றனர். அங்கு அவரை பரிசோதித்த டாக்டர்கள், அவர் ஏற்கனவே இறந்துவிட்டதாக தெரிவித்தனர். இதுகுறித்து கிருமாம்பாக்கம் போலீசார் வழக்கு பதிந்து விசாரித்து வருகின்றனர்.
News January 18, 2026
பெரம்பலூர்: நேருக்கு நேர் மோதி விபத்து
ஆலத்தூர் தாலுகா, நாட்டார்மங்கலம் கிராமத்தை சேர்ந்த செல்வி (42), சங்கீதா (15) ஆகியோர் ஸ்கூட்டரில் அதே பகுதியில் உள்ள காட்டு கொட்டகைக்கு சென்றுள்ளனர். பின்னர் வீடு திரும்பிய போது, எதிரே வந்த மூர்த்தி (30) என்பவரது பைக்கும் நேருக்கு நேர் மோதியது. இதில் 3 பேரும் படுகாயம் அடைந்தனர். அவர்கள் பெரம்பலூரில் GH-ல் சிகிச்சை பெற்று வருகின்றனர். இதுகுறித்து பாடாலூர் போலீசார் வழக்குப் பதிந்துள்ளனர்.
News January 18, 2026
திருவாரூர்: கோயிலுக்கு சென்றவருக்கு நேர்ந்த சோகம்
மன்னார்குடி அடுத்த மேலதுளசேந்திரபுரத்தை சேர்ந்தவர் சாமிக்கண்ணு (74). இவர் சம்பவத்தன்று வீட்டுக்கு அருகே உள்ள கோவிலுக்கு சென்றுள்ளார். அப்போது சாலையை கடந்தபோது அவர் மீது பைக் ஒன்று மோதிவிட்டு நிற்காமல் சென்று விட்டது. இதில் காயமடைந்த அவரை மீட்டு மன்னார்குடி GH-ல் சேர்த்தனர். அங்கு மருத்துவர்கள் அவர் ஏற்கெனவே இறந்து விட்டதாக தெரிவித்தனர். இதுகுறித்து பரவாக்கோட்டை போலீசார் விசாரணை நடத்தி வருகின்றனர்.
News January 18, 2026
விழுப்புரம்: பள்ளத்தில் ஆட்டோவோடு கவிழ்ந்து பலி!
விழுப்புரம், திண்டிவனம் அருகே தானங்குப்பம் பகுதியை சேர்ந்த ஆட்டோ டிரைவர் துரை (48). இவர் நேற்று முன்தினம் ஆட்டோவில் ஆத்தூர் டோல்கேட்டில் இருந்து தானங்குப்பத்துக்குச் சென்று கொண்டிருந்தார். கரிக்கம்பட்டு வளைவில் ஆட்டோவை வளைத்தபோது, சாலையோர பள்ளத்தில் ஆட்டோவோடு கவிழ்ந்தார். இந்தச் சம்பவத்தில் துரை பரிதாபமாக உயிரிழந்தார். இது குறித்து ஓலக்கூர் போலீசார் விசாரித்து வருகின்றனர்.
News January 18, 2026
வேலூரில் அதிரடியாக 164 பேர் கைது!
வேலூர் மாவட்டம் முழுவதும் கடந்தாண்டு போதை மாத்திரைகள் விற்பனை செய்த வெளிமாநிலங்களை சேர்ந்த 18 பேர் உள்பட 164 பேர் கைது செய்யப்பட்டுள்ளனர். அவர்களிடம் இருந்து சுமார் 44,104 போதை மாத்திரைகள், 23 கிராம் என மெத்த பெட்டமைன், 2 பைக், ஒரு கார், 9 செல்போன்கள் பறிமுதல் செய்யப்பட்டுள்ளன. மேலும், 49 பேரின் வங்கிக்கணக்குகள் முடக்கப்பட்டுள்ளது என காவல் துறை அதிகாரிகள் தெரிவித்தனர்.
News January 18, 2026
உஷார் மக்களே: திண்டுக்கல்லில் இங்கெல்லாம் மின்தடை!
திண்டுக்கல் வரும் 21-ம் தேதி (புதன்கிழமை) மாதாந்திர பராமரிப்பு பணிகள் நடைபெறுகின்றன. இதன் காரணமாக செம்பட்டி, பழைய செம்பட்டி, கோடாங்கிபட்டி, முண்டாம்பட்டி.
ஆத்தூர், சித்தையன்கோட்டை, காமலாபுரம், ராமராஜபுரம். பாளையங்கோட்டை, வீரக்கல், கசவனம்பட்டி, அம்பாத்துறை மற்றும் அதன் சுற்றுவட்டாரக் கிராமங்கள் காலை 9 முதல் மாலை 5 மணி வரை மின் விநியோகம் நிறுத்தப்படும் என உதவி செயற்பொறியாளர் லதா தெரிவித்துள்ளார்.
News January 18, 2026
கடலூர்: பைக் மோதி மூதாட்டி உயிரிழப்பு
நெல்லிக்குப்பத்தை எடுத்து பண்ணை குச்சிபாளையத்தை சேர்ந்தவர் ஜனனம்(60).
இவர் கடந்த 2ஆம் தேதி மளிகை கடைக்கு பொருட்கள் வாங்க சென்றுள்ளார். அப்போது எதிரே வேகமாக வந்த பைக் மோதி படுகாயம் அடைந்தார். அவரை மீட்டு புதுச்சேரி ஜிப்பர் மருத்துவமனையில் அனுமதிக்கப்பட்டு சிகிச்சை பெற்று வந்தவர், சிகிச்சை பலனின்றி நேற்று உயிரிழந்தார். இதுகுறித்து நெல்லிக்குப்பம் போலீசார் வழக்கு பதிவு செய்துள்ளனர்.
Featured News
Sorry, no posts matched your criteria.