India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 22, 2026
காஞ்சி: சினிமா பாணியில் கடத்தல்!
மாடம்பாக்கத்தில் நடைப்பயிற்சி சென்ற மாணவர் துரையை (18), மர்ம கும்பல் காரில் கடத்திச் சென்றது. அவரைத் தாக்கி மிரட்டிய கும்பல், (G-Pay) மூலம் ரூ.8 ஆயிரம் பறித்துக்கொண்டு ஒரத்தூரில் இறக்கிவிட்டது. மணிமங்கலம் போலீசார் சிசிடிவி மூலம் துப்புதுலக்கி, முகமது ரியாசுதீன் உள்ளிட்ட 4 பேரைக் கைது செய்தனர். கடத்தலுக்குப் பயன்படுத்தப்பட்ட கார் மற்றும் செல்போன்கள் பறிமுதல் செய்யப்பட்டன. பயங்கரமான தலைப்பு
News January 22, 2026
கிருஷ்ணகிரி பகுதியில் நலம் காக்கும் ஸ்டாலின்
கிருஷ்ணகிரி மாவட்டத்தில் “நலம் காக்கும் ஸ்டாலின் முகாம்” இன்று (22.01.2026) செவங்கலம் வட்டம், இருதுகோட்டை ஊராட்சி ஒன்றிய நடுநிலைப்பள்ளியில் நடைபெறுகிறது. காலை 9 முதல் மாலை 5 மணி வரை நடைபெறும் முகாமில் மருத்துவம் உள்ளிட்ட சேவைகள் வழங்கப்படுகின்றன. பொதுமக்கள் பயன்பெற அழைப்பு.சிகிச்சைக்கு வரும் பயனாளிகள் அனைவரும் ஆதார் கார்டு கொண்டு வந்து பயன்பெறுமாறு கேட்டுக்கொள்ளப்படுகிறது .
News January 22, 2026
கிருஷ்ணகிரி பகுதிகளில் கிராம சபை கூட்டம்
தமிழகத்தில் வரும் ஜன-26 குடியரசு தினத்தன்று அனைத்து ஊராட்சிகளிலும் கிராம சபை கூட்டங்களை நடத்த ஊரக வளர்ச்சித்துறை உத்தரவிட்டுள்ளது. இது தொடர்பாக அனைத்து மாவட்ட ஆட்சியர்களுக்கும் சுற்றறிக்கை அனுப்பப்பட்டுள்ளது. கூட்டங்களை ஊராட்சி எல்லைக்குட்பட்ட வார்டுகளில் சுழற்சி முறையில் நடத்தவும், பொதுமக்கள் பெருமளவில் பங்கேற்பதை உறுதி செய்யவும் அறிவுறுத்தப்பட்டுள்ளது.
News January 22, 2026
கிருஷ்ணகிரி மாவட்ட காவல்துறை எச்சரிக்கை
கிருஷ்ணகிரி மாவட்ட காவல்துறை பொதுமக்களுக்கு வங்கி மோசடிகள் குறித்து எச்சரிக்கை விடுத்துள்ளது. வங்கி அதிகாரிகள் என கூறி தொலைபேசியில் தொடர்பு கொண்டு ஏடிஎம் அட்டை எண், ஓடிபி, பின் நம்பர் போன்ற தகவல்களை கேட்பது மோசடி என தெரிவித்துள்ளனர். எந்த வங்கியும் இத்தகவல்களை தொலைபேசி மூலம் கேட்காது. இதுபோன்ற அழைப்புகள் வந்தால் உடனடியாக துண்டித்து, அருகிலுள்ள காவல் நிலையத்தில் புகார் அளிக்க வேண்டும்.
News January 22, 2026
தருமபுரி :உழவர் சந்தை விலை நிலவரம்!
தருமபுரி உழவர் சந்தையில் இன்றைய (ஜன.22) காய்கறி விலை நிலவரம் வெளியாகியுள்ளது. அதன்படி (1 கிலோ) தக்காளி: ரூ.24, கத்தரிக்காய்: ரூ.10, வெண்டைக்காய்: ரூ.16 முள்ளங்கி: ரூ.16, அவரைக்காய்: ரூ.18, கொத்தவரை: ரூ.60, பச்சைமிளகாய்: ரூ.40, பப்பாளி: ரூ.30, கொய்யா: ரூ.50 மற்றும் முருங்கைக்கீரை (50-கிராம்) ரூ.15 என விற்பனை செய்யப்படுகின்றன.
News January 22, 2026
புதுக்கோட்டை: மணல் கடத்தியவர் தப்பி ஓட்டம் – போலீசார் தேடல்
புதுக்கோட்டை மாவட்டம் வல்லத்ராக்கோட்டை வெள்ளத்தூர் பாலம் அருகே நேற்று அடையாளம் தெரியாத நபர் ட்ரக் வாகனத்தில் மணல் கடத்திக் கொண்டிருந்தார். இதனை அடுத்து அந்த வழியே ரோந்து பணியில் ஈடுபட்டிருந்த வல்லத்ராக்கோட்டை காவல் துறையினரை கண்டவுடன், வாகனத்தை விட்டுவிட்டு தப்பி சென்றுள்ளார். இதனையெடுத்து 1/2 யூனிட் மணலுடன் வாகனத்தை பறிமுதல் செய்த காவல்துறையினர், வழக்கு பதிந்து தப்பி ஓடிய நபரை தேடி வருகின்றனர்.
News January 22, 2026
வேலூர்: 15 லட்சம் மோசடி செய்த கேடி லேடி!
அரசமரபேட்டையை சேர்ந்த 65 வயது பூக்கடை வியாபாரியிடம் அப்பகுதி வங்கியில் நகை மதிப்பீட்டாளராக பணிபுரியும் பெண், ஆன்லைனில் முதலீடு செய்தால் அதிக லாபம் கிடைக்கும் என்று கூறி உள்ளார். இதை நம்பிய வியாபாரி கடந்த செப்டம்பர் மாதம் ரூ.15 லட்சத்தை அப்பெண்ணிடம் கொடுத்துள்ளார். ஆனால் இதுவரை எந்த லாபமும் கிடைக்காததால் தனது பணத்தை மீட்டு தருமாறு போலீஸ் சூப்பிரண்டு பாஸ்கரனிடம் புகார் அளித்துள்ளார்.
News January 22, 2026
ராணிப்பேட்டையில் தூக்கி வீசப்பட்டு பலி!
அரக்கோணம் ரெயில்வே போலீஸ் எல்லைக்கு உட்பட்ட திருத்தணி – பொன்பாடி ரெயில் நிலையங்களுக்கு இடையில் 40 வயது மதிக்கத்தக்க நபர் தண்டவாளத்தை கடக்க முயன்றுள்ளார். அப்போது ரெயிலில் அடிபட்டு பரிதாபமாக இறந்தார். இதையடுத்து அரக்கோணம் ரெயில்வே போலீசார் உடலை மீட்டு பிரேத பரிசோதனைக்காக அரக்கோணம் அரசு மருத்துவமனைக்கு அனுப்பி வைத்தனர். மேலும் இறந்தவர் யார்? எந்த ஊரை சேர்ந்தவர்? என விசாரித்து வருகின்றனர்.
News January 22, 2026
தருமபுரி: ஓடும் பேருந்தில் பிரிந்த உயிர்!
தருமபுரியில் இருந்து போச்சம்பள்ளி வழியாக திருப்பத்தூர் சென்ற அரசு பேருந்தில் நேற்று (ஜன.21) பயணம் செய்த நபர் இருக்கையிலேயே மயங்கிய நிலையில் உயிரிழந்தார். இது குறித்து தகவலறிந்து வந்த அரியகுளம் போலீசார் உடலை கைப்பற்றி தருமபுரி அரசு மருத்துவமனைக்கு உடற்கூறு ஆய்வுக்காக அனுப்பினர். விசாரணையில் இவர் பனங்காட்டு கொள்ளை பகுதியை சேர்ந்த பழனி என்பது தெரியவந்தது.
News January 22, 2026
தி.மலை: பிஞ்சு குழந்தை துடிதுடித்து பலி
திருவண்ணாமலை மாவட்டம் ஆரணி அடுத்த ராட்டினமங்கலம் பகுதியில் வசிப்பவர்கள் இளவரசன்- பவானி தம்பதி. இவர்களின் 3 வயது குழந்தை வீட்டின் வெளியே விளையாடிக்கொண்டிருந்த போது தண்ணீர் தொட்டியில் விழுந்து பரிதாபமாக துடிதுடித்து உயிரிழந்தது. இந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.
Featured News
Sorry, no posts matched your criteria.