India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 24, 2026
ராசிபுரம் அருகே போதையில் நண்பர் கொலை!
ராசிபுரம் அருகே ஆர்.புதுப்பட்டி, காட்டுக்கொட்டாய் பகுதியை சேர்ந்த தங்கவேல், நண்பர்களுடன் மது அருந்த சென்றபோது ஏற்பட்ட தகராறில் கொலை செய்யப்பட்டார். அவர் வீடு திரும்பாத நிலையில், கிணற்றருகே சடலமாக மீட்கப்பட்டார். இதுகுறித்து வழக்குப்பதிவு செய்த நாமகிரிப்பேட்டை போலீசார், மது போதையில் தங்கவேலை கீழே தள்ளி கொன்ற நண்பர்கள் ஆனந்தன் மற்றும் சக்தி ஆகிய இருவரையும் கைது செய்து சிறையில் அடைத்தனர்.
News January 24, 2026
திருப்பூரில் வசமாக சிக்கிய நபர்கள்!
திருப்பூர், அனுப்பர்பாளையம் காவல் நிலைய எல்லைக்குட்பட்ட போயம்பாளையம் பகுதியில், போலீசார் சோதனை பணியில் ஈடுபட்டிருந்தனர். அப்போது சந்தேகத்திற்கிடமான வகையில் வந்த நபர்களை விசாரணை செய்தபோது, அவர்களிடம் கூர்மையான வாள் இருந்தது தெரியவந்தது. இதனை தொடர்ந்து ராகவா ஆனந்த், மருதுபாண்டி மற்றும் மணிகண்டன் ஆகியோரை போலீசார் கைது செய்து, வாள் ஒன்றை பறிமுதல் செய்துள்ளனர்.
News January 24, 2026
மயிலாடுதுறை: அதிரடி காட்டிய அதிகாரிகள்
மயிலாடுதுறை மாவட்டம் மன்னம்பந்தல் ஊராட்சியில், நேற்று உணவுப் பாதுகாப்புத் துறை அலுவலர் மரு.பிரவீன் குமார் தலைமையிலான குழுவினர் திடீர் ஆய்வு மேற்கொண்டனர். இந்த ஆய்வின்போது புகையிலை பொருட்கள் விற்பனை செய்த கடைகளுக்கு ரூ.600 அபராதம் விதிக்கப்பட்டது. மேலும் அரசால் தடை செய்யப்பட்ட குட்கா, புகையிலை பொருட்கள் ஆகியவற்றை விற்பனை செய்யக்கூடாது என எச்சரிக்கை விடுத்தனர்.
News January 24, 2026
திருச்சி: பேருந்து நிலையத்தில் இறந்து கிடந்த முதாட்டி
மணப்பாறை பேருந்து நிலையத்தில் தங்கி, சுமார் மூன்று வருடங்களுக்கும் மேலாக யாசகம் பெற்று வந்த சுமார் 70 வயது மதிக்கத்தக்க மூதாட்டி நேற்று உயிரிழந்துள்ளார். இதுகுறித்த தகவலின் பேரில் சம்பவ இடத்திற்கு விரைந்த மணப்பாறை போலீசார் உடலை மீட்டு தனியார் ஆம்புலன்ஸ் மூலம் அரசு மருத்துவமனைக்கு அனுப்பி வைத்தனர். மேலும் மூதாட்டி யார்? என்பது குறித்து விசாரணை மேற்கொண்டு வருகின்றனர்.
News January 24, 2026
பெரம்பலூர் மாவட்ட ஆட்சியர் அறிவிப்பு
பெரம்பலூர் மாவட்டத்தில் புதிரை வண்ணார் மக்களுக்கு அத்தியாவசிய அடையாள ஆவணங்கள் (ம) சட்டப்பூர்வ ஆவணங்களை வழங்குதல் தொடர்பாக அனைத்து வட்டாட்சியர் அலுவலகங்களிலும் சிறப்பு முகாம்கள் நடைபெறவுள்ளது. அதன்படி ஜன.28 பெரம்பலூர், குன்னம் வட்டாட்சியர் அலுவலகத்திலும்; ஜன.29 வேப்பந்தட்டை, ஆலத்தூர் வட்டாட்சியர் அலுவலகத்திலும் முகாம்கள் நடைபெற உள்ளது என மாவட்ட ஆட்சியர் அறிவித்துள்ளார்.
News January 24, 2026
போடியில் இளைஞர் தற்கொலை
போடி திருமலாபுரம் பகுதியை சேர்ந்தவர் உதயசூரியன். இவரது மகன் பாண்டி கண்ணன் (28). மகனுக்கு திருமணம் செய்ய பெற்றோர்கள் பெண் பார்த்து வந்துள்ளனர். ஆனால், திருமணம் செய்ய தற்போது விருப்பம் இல்லை என பாண்டி கண்ணன் கூறி வந்துள்ளார். தொடர்ந்து பெற்றோர்கள் வற்புறுத்தியதால் மனம் உடைந்த பாண்டி கண்ணன் நேற்று முன்தினம் வீட்டில் தூக்கிட்டு தற்கொலை செய்து கொண்டார். இதுகுறித்து போடி போலீசார் வழக்குப்பதிவு.
News January 24, 2026
அறிவித்தார் நீலகிரி மாவட்ட ஆட்சியர்!
நீலகிரி கலெக்டர் வெளியிட்டுள்ள செய்தி குறிப்பில், குடியரசு தினத்தை முன்னிட்டு, வரும் 26-ஆம் தேதி மாவட்டத்தில் உள்ள அனைத்து ஊராட்சிகளிலும் கிராம சபை கூட்டம் நடைபெறும், பொதுமக்கள் இதில் தவறாமல் கலந்துகொள்ள வேண்டும், இக்கூட்டங்களை எந்தவொரு மத சார்புள்ள வளாகத்திலும் நடத்த கூடாது, கூட்டம் நடைபெறும் இடம் மற்றும் நேரத்தை மக்களுக்கு முன்கூட்டியே அறிவிக்க வேண்டும் என்று தெரிவித்துள்ளார்.
News January 24, 2026
மதுரையில் முறைகேடுகளுக்கு ‘ஆப்பு’ ..!
மதுரை மாநகராட்சி மண்டலம் 1-ல் உள்ள 16 வார்டுகளில், 45,000-க்கும் மேற்பட்ட பாதாள சாக்கடை இணைப்புகளுக்கு முகாம் நடத்த ஆணையர் உத்தரவிட்டுள்ளார். இதற்காக திங்கள், புதன், வெள்ளி ஆகிய நாட்களில் முகாம்கள் நடைபெற்றது. விண்ணப்பம் மற்றும் கட்டணம் செலுத்திய அன்றே இணைப்பு வழங்கப்படுவதால், இணைப்புகளுக்கு பல ஆயிரம் கூடுதல் வசூல் தடுக்கப்பட்டுள்ளது. இத்திட்டம் அனைத்து மண்டலங்களுக்கும் விரிவுபடுத்தப்பட்டுள்ளது.
News January 24, 2026
தஞ்சை: கணவன் கண்முன்னே மனைவி பலி!
திருவையாறு பொன்னாவரை பகுதியைச் சேர்ந்தவர் ராஜேந்திரன் – மகா தம்பதியினர். இவர்கள் இருவரும் இருசக்கர வாகனத்தில் திருவையாறு சென்று கொண்டிருந்தபோது அரசு பேருந்து எதிர்பாராத விதமாக இருசக்கர வாகனத்தின் மீது மோதியது. இந்த விபத்தில் மகா (62) சம்பவ இடத்திலேயே உயிரிழந்தார். ராஜேந்திரன் படுகாயம் அடைந்து அரசு மருத்துவமனையில் சிகிச்சை பெற்று வருகிறார். இது குறித்து போலீசார் தற்போது விசாரணை நடத்தி வருகின்றனர்.
News January 24, 2026
கடலூர்: தைப்பூச ஜோதி தரிசனம் நேரம் அறிவிப்பு
கடலூர் மாவட்டம், குறிஞ்சிப்பாடி வட்டம் வடலூர் வள்ளலார் நிறுவிய சத்திய ஞான சபையில், பிப்ரவரி மாதம் 1-ம் தேதி தைப்பூச ஜோதி தரிசனம் நடைபெற உள்ளது. அன்று காலை 6 மணி, காலை 10 மணி, நண்பகல் 1 மணி, இரவு 7 மணி, இரவு 10 மணி, பின்னர் பிப்ரவரி 2-ம் தேதி காலை 5:30 மணி என 6 காலங்களில் ஏழு திரைகளை நீக்கி ஜோதி தரிசனம் காண்பிக்கப்பட உள்ளதாக தெரிவிக்கப்பட்டுள்ளது. SHARE பண்ணுங்க.
Featured News
Sorry, no posts matched your criteria.