India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 26, 2026
தூத்துக்குடி இன்று இரவு ஹலோ போலீஸ் விவரம்
தூத்துக்குடி மாவட்டத்தில் இரவு நேரங்களில் பொதுமக்களின் பாதுகாப்பிற்காக போலீசார் ரோந்து பணியில் ஈடுபட்டு வருகின்றனர்.
இதன்படி, இன்று இரவு 10 மணி முதல் நாளை காலை 6 மணி வரை ரோந்து பணியில் ஈடுபடும் காவல்துறையினர் விவரங்களை தற்போது கோரம்பள்ளத்தில் உள்ள மாவட்ட காவல் கண்காணிப்பாளர் அலுவலகம் வெளியிட்டுள்ளது. அவசர காலங்களில் பொதுமக்கள் 100 என்ற எண்ணை தொடர்பு கொள்ளலாம்.
News January 25, 2026
பெரம்பலூரில் வாகன பிரச்சாரத்தில் காவலருக்கு சிரமம்
பெரம்பலூர் மாவட்ட ஆட்சியர் மிருணாளினி கொடியசைத்து, வாகன பிரச்சாரத்தை தொடங்கி வைத்தார். மாவட்டம் முழுவதும் வாக்காளர் விழிப்புணர்வு ஏற்படுத்தும் விதமாக செல்லக்கூடிய வாகனத்தில் உரிய இருக்கை வசதி இல்லாததால், பெண் போலீஸ் ஒருவர் அவதிப்பட்டு, துப்பாக்கியை பிடித்த நிலை உருவானது. பொதுமக்கள், பாதுகாப்பு பணியில் ஈடுபட்டிருக்கும் காவலர்களுக்கு அதிக வசதிகள் வழங்கப்பட வேண்டும் என வேண்டுகோள் விடுத்தனர்.
News January 25, 2026
வேலூர் மாநகராட்சி அலுவலகத்தில் மேயர் கொடி ஏற்ற உள்ளார்
77-வது குடியரசு தினத்தை முன்னிட்டு நாளை (ஜனவரி 26) வேலூர் மாநகராட்சி அலுவலகத்தில் மேயர் சுஜாதா ஆனந்தகுமார் தேசிய கொடியை ஏற்றி வைத்து மரியாதை செலுத்த உள்ளார். இந்த நிகழ்ச்சியில் ஆணையாளர் லட்சுமணன், துணை மேயர், மண்டலக்குழு தலைவர்கள், மாமன்ற உறுப்பினர்கள் மற்றும் மாநகராட்சி அதிகாரிகள் கலந்து கொள்ள உள்ளனர் என மாநகராட்சி நிர்வாகம் சார்பில் தகவல் தெரிவிக்கப்பட்டுள்ளது.
News January 25, 2026
சிவகங்கை மாவட்ட இரவு ரோந்து போலீசார் விவரம் வெளியீடு
சிவகங்கை மாவட்டத்தில் இன்று (25.01.2026) இரவு ரோந்து பணிக்கு காவல் அதிகாரிகள் நியமிக்கப்பட்டுள்ளனர். பொதுமக்கள் தங்கள் அவசர காலத்திற்கு உங்கள் உட்கோட்ட அதிகாரியை மேற்கண்ட தொலைபேசி வாயிலாக அழைக்கலாம் அல்லது 100 ஐ டயல் செய்யலாம் என்று தெரிவிக்கப்பட்டுள்ளது. மேலும், ரோந்து பணியில் ஈடுபடும் அதிகாரிகளின் கைப்பேசி எண்ணும் வழங்கப்பட்டுள்ளது.
News January 25, 2026
சேலம் மாவட்ட இரவு ரோந்து போலீசார் விவரம் வெளியீடு
சேலம் ஊரகம், வாழப்பாடி, ஆத்தூர், தலைவாசல், கருமந்துறை, எடப்பாடி, சங்ககிரி, ஓமலூர்,மேட்டூர் ஆகிய பகுதிகளில் இரவு நேரங்களில் குற்றச்செயல்கள் நடக்காமல் தடுத்திடவும், இயற்கை இடர்பாடுகளில் சிக்கும் பொது மக்களை காத்திடவும், அந்தந்த பகுதியில் உள்ள காவல்துறை அதிகாரிகள், இரவு நேரங்களில் முழு ரோந்து பணியில் ஈடுபடுவது வழக்கம். அதன்படி இன்று (ஜன.25) இரவு பணியில் ஈடுபடும் அதிகாரிகள் குறித்த விபரம்.
News January 25, 2026
FLASH: சேலம் சிற்பக் கலைஞர் பத்மஸ்ரீ விருது!
இந்தியாவின் 4வது உயரிய விருதான பத்மஸ்ரீ விருதுக்கு சேலம் கன்னங்குறிச்சியைச் சேர்ந்த சிற்பக் கலைஞர் காளியப்ப கவுண்டர் தேர்வு செய்யப்பட்டுள்ளார். சிற்பக் கலைத்துறையில் சாதனை படைத்த இவர், தஞ்சைப் பெரிய கோயிலின் பாம்பு சிற்பம் மற்றும் குடியாத்தத்தில் உள்ள 13 அடி உயர நடராஜர் சிலையையும் செதுக்கியவர். குடியரசு தினத்தை முன்னிட்டு இவரது கலைப்பணியைப் பாராட்டி மத்திய அரசு இந்த உயரிய விருதை அறிவித்துள்ளது.
News January 25, 2026
மயிலாடுதுறை மாவட்ட மழையின் அளவு விபரம்
மயிலாடுதுறை மாவட்டம், மயிலாடுதுறை மாவட்ட ஆட்சியர் அலுவலகம் சார்பில், மயிலாடுதுறை, சீர்காழி, தரங்கம்பாடி உள்ளிட்ட தாலுகாக்களுக்கு உட்பட்ட மயிலாடுதுறை, மணல்மேடு, சீர்காழி, கொள்ளிடம், தரங்கம்பாடி, செம்பனார் கோவில் உள்ளிட்ட பகுதிகளில், இன்று காலை 8.30 மணி முதல் மதியம் 12.30 மணி வரை பெய்த மழையின் அளவுகள் வெளியிடப்பட்டுள்ளன.
News January 25, 2026
காஞ்சிபுரம் மாவட்ட இரவு ரோந்து போலீசார் விவரம் வெளியீடு
காஞ்சிபுரம் மாவட்டத்தில் இன்று (ஜன.25) இரவு ரோந்து பணிக்கு காவல் அதிகாரிகள் நியமிக்கப்பட்டுள்ளனர். பொதுமக்கள் தங்கள் அவசர காலத்திற்கு உங்கள் உட்கோட்ட அதிகாரியை மேற்கண்ட தொலைபேசி வாயிலாக அழைக்கலாம் அல்லது 100 ஐ டயல் செய்யலாம் என்று தெரிவிக்கப்பட்டுள்ளது. மேலும், ரோந்து பணியில் ஈடுபடும் அதிகாரிகளின் கைப்பேசி எண்ணும் வழங்கப்பட்டுள்ளது.
News January 25, 2026
திண்டுக்கல்: ஒரு நாள் மதிப்பு கூட்டல் பயிற்சி திட்டம்!
திண்டுக்கல் கலெக்டர் ஆபீஸ் எதிரே உள்ள ‘தலைவி பவுண்டேஷன்’ அரங்கில், வரும் ஜனவரி 28-ம் தேதி மருத்துவத் தாவரங்கள் மூலம் தொழில் தொடங்குவதற்கான பயிற்சி நடக்கிறது. கட்டணம் 800 ரூபாய் மட்டுமே.இதில் அரசுச் சான்றிதழ் மற்றும் மானியத்துடன் கூடிய கடன் முன்னுரிமை வழங்கப்படும்.முன்பதிவு செய்ய இங்கே கிளிக் செய்யவும்: <
கூடுதல் விபரங்களுக்கு 9487614828 அழைக்கவும்.
News January 25, 2026
மயிலாடுதுறை: பொதுக்கூட்டம் ரத்து அறிவிப்பு
மயிலாடுதுறை சட்டமன்ற தொகுதி மணல்மேடு பேரூரில், இன்று அதிமுக சார்பில் மொழிப்போர் தியாகிகள் வீரவணக்க பொதுக்கூட்டம் நடைபெற இருந்தது. இந்நிலையில் தற்போது மாவட்டத்தில் பெய்து வரும் கனமழையின் காரணமாக, நடைபெற இருந்த வீரவணக்க பொதுக்கூட்டம் ஒத்திவைக்கப்படுவதாகவும், மாற்றுத் தேதி பின்னர் அறிவிக்கப்படும் எனவும் மாவட்ட செயலாளர் பவுன்ராஜ் தெரிவித்துள்ளார்.
Featured News
Sorry, no posts matched your criteria.