India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 27, 2026
மயிலாடுதுறை: காப்பீடு செய்து கொள்ள அறிவுறுத்தல்
மயிலாடுதுறை மாவட்டத்தில் PMFBY திட்டத்தின் கீழ் வாழை மற்றும் மரவள்ளி பயிருக்கு காப்பீடு செய்து கொள்ளலாம் என மாவட்ட தோட்டக்கலை துணை இயக்குனர் சந்திரகவிதா கூறியுள்ளார். கடன் பெற்ற விவசாயிகள் பயிர் கடன்பெற்ற தொடக்க வேளாண்மை கூட்டுறவு வங்கிகள் (அ) பொது சேவை மையங்கள் மூலமாக காப்பீடு செய்து விண்ணப்பிக்கலாம். மேலும் தகவல்களுக்கு வட்டார தோட்டக்கலைத்துறை அலுவலகங்களை தொடர்பு கொள்ளலாம் என கூறப்பட்டுள்ளது.
News January 27, 2026
தென்காசி விடுமுறை விடாத 67 நிறுவனங்கள் மீது நடவடிக்கை
தென்காசி மாவட்டத்தில் குடியரசு தினத்தன்று தொழிலாளர்களுக்கு விடுமுறை அளிக்காத நிறுவனங்கள் மீது அதிரடி நடவடிக்கை எடுக்கப்பட்டுள்ளது. தொழிலாளர் உதவி ஆணையர் திருவள்ளுவன் தலைமையில் 162 இடங்களில் ஆய்வு நடத்தப்பட்டது. இதில் விதிமீறலில் ஈடுபட்ட 67 நிறுவனங்கள் கண்டறியப்பட்டன. அந்த உரிமையாளர்கள் மீது சட்டப்படி நடவடிக்கை எடுக்கப்பட்டு வருவதாக தொழிலாளர் துறை தெரிவித்துள்ளது.
News January 27, 2026
நாகை மாவட்டத்தில் மின்தடை அறிவிப்பு!
நாகை மாவட்டத்தில் உள்ள நாகை நகர்புறம், கிடாரங்கொண்டான், வேட்டைக்காரன் இருப்பு, பொறையார், வேளாங்கண்ணி ஆகிய துணை மின் நிலையங்களில் வருகிற 31ம் தேதி பராமரிப்பு பணிகள் நடைபெறவுள்ளது. இதன் காரணமாக இங்கிருந்து மின் விநியோகம் பெரும் அக்கரைப்பேட்டை, வாழமங்கலம், நாகூர், செம்பனார்கோயில், தரங்கம்பாடி உள்ளிட்ட பகுதிகளில் அன்று காலை 9 மணி முதல் மாலை 5 மணி வரை மின்சாரம் இருக்காது என தெரிவிக்கப்பட்டுள்ளது.
News January 27, 2026
ராம்நாடு: மருத்துவமனையில் ஊசி போட்டவர் உயிரிழப்பு
ராமநாதபுரம் மாவட்டம், அருங்குளத்தை சேர்ந்த கூலித் தொழிலாளி பில்லத்தியான் (45), பரமக்குடி தனியார் மருத்துவமனையில் ஊசி செலுத்திய சில நிமிடங்களில் மயங்கி உள்ளார். பரமக்குடி அரசு மருத்துவமனையில் அவர் உயிரிழந்துவிட்டதாக மருத்துவர்கள் தெரிவித்தனர். நேற்று தனியார் மருத்துவமனை ஊசி செலுத்தியதே காரணம் என உறவினர்கள் சாலை மறியலில் ஈடுபட்டனர். எமனேசுவரம் போலீசார் சந்தேக மரணம் என வழக்குப்பதிவு செய்து விசாரணை.
News January 27, 2026
கோத்தகிரியில் சோகம்
கோத்தகிரி அருகே உள்ள பில்லி கம்பை கிராமத்தை சேர்ந்த தன்ராஜ் (50 சப்-இன்ஸ்பெக்டராக பணியாற்றி வந்தார். அவர் நேற்று முன்தினம் ஊட்டிக்கு சென்ற போது திடீரென மயங்கி விழுந்தார். மருத்துவமனையில் சேர்த்ததில் மாரடைப்பு ஏற்பட்டு இறந்ததாக மருத்துவர்கள் தெரிவித்தனர். இதை கேட்டு அதிர்ச்சி அடைந்த தன்ராஜின் தாய் மிச்சியம்மாள் சோகம் தாளாமல் திடீரென மாரடைப்பு ஏற்பட்டு இறந்தார்.
News January 27, 2026
காஞ்சிபுரம்: ஆம்புலன்ஸில் பிறந்த குழந்தை!
படப்பை பகுதியைச் சேர்ந்த கூலித் தொழிலாளி ராஜேஷின் மனைவி சந்தியா(23), கர்ப்பிணியாக இருந்தார். இந்நிலையில், நேற்று(ஜன.26) அதிகாலை பிரசவ வலி ஏற்பட்டதைத் தொடர்ந்து, ஆம்புலன்ஸ் டிரைவர் சிரஞ்சீவி மற்றும் மருத்துவ உதவியாளர் குணசேகரன், சந்தியாவை செங்கல்பட்டு அரசு மருத்துவமனைக்கு அழைத்துச் சென்றனர். வழியில் சிங்கபெருமாள் கோவில் அருகே அதிக வலி ஏற்பட்டதால், ஆம்புலன்ஸிலேயே பெண் குழந்தை பிறந்தது.
News January 27, 2026
அரக்கோணத்தில் அதிரடி கைது!
ராணிப்பேட்டை: அரக்கோணம் தாலுகா போலீசார் நேற்று(ஜன.26) தீவிர ரோந்துப் பணியில் ஈடுபட்டனர். அப்போது, கோணலம் பகுதியில் சந்தேகிக்கும் வகையில் திரிந்த பெண்ணைப் பிடித்து விசாரித்தனர். அதில், அவர் அதே பகுதியைச் சேர்ந்த நேத்ராவதி(37) என்பதும், கூடுதல் விலைக்கு மது பாட்டில்கள் விற்றதும் தெரிய வந்தது. மேலும், அவரிடமிருந்த 12 மது பாட்டில்களை பறிமுதல் செய்த போலீசார் அவரை கைது செய்தனர்.
News January 27, 2026
திருத்தணியில் துடிதுடித்து பலி!
திருவள்ளூர்: ஆந்திராவைச் சேர்ந்த ஜக்கையா(47). இவர், திருத்தணி அருகே சென்னை – திருப்பதி தேசிய நெடுஞ்சாலையில் இரும்பு கம்பி சேமிப்பு குடோன் அமைக்கும் பணியை செய்து வந்தார். இந்நிலையில், நேற்று(ஜன.26) ஜக்கையா மற்றும் பாலாஜி என்பவரை பணியின் போது மின்சாரன் தாக்கியது. இதில் படுகாயமடைந்தவர்களை சிகிச்சைக்கு அனுமதித்த போது ஜக்கையா உயிரிழந்ததாக தெரிவித்தனர். பாலாஜி தீவிர சிகிச்சை பெற்று வருகிறார்.
News January 27, 2026
திருப்பத்தூர்: விடுமுறையில் வேலை; பாய்ந்தது நடவடிக்கை!
குடியரசு தினவிடுமுறை நாளான நேற்று சட்டவிதிகளை மீறி தொழிலாளர்களை பணிக்கு அமர்த்திய 70 நிறுவனங்கள் மீது தொழிலாளர் அதிகாரிகள் நடவடிக்கை எடுத்துள்ளனர். தி.மலை மற்றும் திருப்பத்தூர் மாவட்டத்தில் தொழிலாளர் உதவி ஆணையர் (அமலாக்கம்) ரவி ஜெயராம் தலைமையில் தொழிலாளர் உதவி ஆய்வாளர்கள் சோதனையில் ஈடுபட்டனர் அப்போது 70 நிறுவனங்கள் சட்ட விதிகளை மீறி தொழிலாளர்களை பணிக்கு வர சொன்னதால் நடவடிக்கை எடுக்கப்பட்டுள்ளது.
News January 27, 2026
செங்கை: காதலன் கண்முன்னே துடிதுடித்த பலி!
கள்ளக்குறிச்சி அதிமுக நிர்வாகி ராஜசேகரின் மகள் அனீஷா (25). இவர் செங்கல்பட்டு மாவட்டம் ஏகாட்டூரில் தங்கி சட்டம் படித்து வந்தார். இவர் தனது காதலன் நித்தியானந்தத்திடம் வீடியோ காலில் பேசியவாறே, தனது அறையில் தூக்கிட்டுத் தற்கொலை செய்து கொண்டார். தகவலறிந்து வந்த கேளம்பாக்கம் போலீசார், அனீஷாவின் உடலைக் கைப்பற்றி பிரேத பரிசோதனைக்கு அனுப்பினர். இதுகுறித்து போலீசார் விசாரித்து வருகின்றனர்.
Featured News
Sorry, no posts matched your criteria.